先生vs哥哥vs弟弟

最近，成日比人叫做"先生"．．．．．．

 

事緣以往既荒地（光頭）已經鋪了一片草皮，奈何仍然好短好短．．．

 

事件一　

時間：今日

地點：油站

事發經過－－－－

　　我：普通無鉛３００蚊ａｒ吾該（遞左張卡比

　　　　佢）

　阿嬋：鵝！同你入埋尾數ａｒ？

　　我：好呀！

　阿嬋：（入完油後）先生簽名ａｒ吾該．．．吾

　　　　好意思，請簽名ａｒ．．．

吾感想：攪左一輪開埋聲都不能辨我是雌雄，吾好

　　　　認錯有鬚嗰個係老豆呀，阿嬋！

 

 

事件二　

時間：前一排

地點：醉街電器店

事發經過－－－－

　　揀左一輪，決定左要買邊樣，

　　個阿嬋同我講：先生呢便比錢ａｒ！

吾感想：我已經ｃ９咁既身材，都仲可以叫我做

　　　　先生，即係正眼都無望過我，呢ｄ售貨

　　　　員真係掂晒啦！劉德華都真係無眼睇呀！

 

事件三　　

時間：都係前一排

地點：電梯

事發經過：按住部電梯比個ｃ９兩母子入，跟住個

　　　　　ｃ９叫個仔：吾該哥哥啦！

吾感想：想踢返佢地出去．．．

 

 

好多人都以為短髮一定係男人，當年係學堂時被迫剪短左ｄ頭髮．．．　

 

當時，成日都比人認錯，叫我哥哥，弟弟，先生．．．好在無人叫過我做阿叔．．．

 

其中有一單最經典．．．

 

時間：當年既一個悠閒下午

地點：一間百幾尺既舖頭仔

事發經過－－－－

有位下嫁到香港既北方佳麗帶住個仔（又係兩母子．．．），想攞某樣放在高處既貨品，咁我就好自然咁幫佢攞，咁佢又好自然咁叫個仔：吾該哥哥啦！

OK! Fine!又吾係第一次，我都慣架啦！

點知．．．

北方佳麗：弟弟呀，呢樣野點用架？

我：係咁咁咁，又咁咁咁囉！

北方佳麗：哦～～（我想走之際，佢仲拉住我吾放）

　　　　　咁呢樣呢？

我：咪係咁咁咁囉！

跟住，個北方佳麗開始察覺到有ｄ吾妥；

跟住，佢既視線開始落係我個"鬆"度；

跟住，露出左驚訝既神色（我有無咁得人驚呀？）；

跟住，佢打橫行過兩步，同佢個friend開始一路偷望下我，一路細細聲陰ｄ陰ｄ咁－－－－大家留意，嗰間係舖頭仔黎架，佢地仲以為自己講得好細聲．．．

 

吾感想：．．．．．．都係時候留番長ｄ頭髮．．．