2008年9月30日 星期二

他們來自澳洲

今天收到一份意想不到的禮物......


 


是一份坐飛機黎既郵包......


 


打開之後......


 


仲有一盒曲奇餅......


 


事緣早兩年去左澳洲進修兩個月,有幸住進親切友善既Daniel家庭



 


自從小學開始,已經要分擔家務;


長大成家,更加要打理家務事(當然,親愛的都有分擔,而家仲要係做大份架!);


但係在澳洲期間,最粗重既家務只係擰下刀叉,set table咁,真係......咁大個女都未試過吾使洗衫洗碗煮飯掃地拖地倒垃圾


Daniel一家對我照顧週到,因此我返香港之後,都仲有同佢地保持聯絡


我病癒後,希望可以同親愛的到澳洲一遊,一方面可以探望Daniel一家;另一方面,當我係澳洲時,成日都覺得 "如果而家親愛的同我一齊就好啦!",所以真係想同佢去下個d地方


 


其實,暑假時都收到兩隻可愛既小狗...


 


佢地係同我一齊响澳洲進修既同學仔

送既,因為佢地知我既仔仔女女都蒙主寵召左,所以就送佢地兩個比我,等佢地可以陪我打嬴呢埸仗!


因此,佢地都係因為澳洲而黎架!


 


 


2008年9月27日 星期六

病簿三十四......又渡完假返黎啦

我又渡完假返黎啦!


今次係一個三日兩夜既行情


 


留醫既原因有兩個:


1. 發左兩日燒


2. 白血球太高,有19.9(差d就同血癌患者有得


           揮啦!)


因為以上兩個原因,加上我又有咳,醫生驚我有感染,所以咪入院觀察下囉!


 


好奇怪既係,打完第五針化療針之後,日日都勁流虛汗(無論冷氣開到有幾大)

,一入院,d汗馬上止左,一滴都無----吾通醫院既氣勢真係咁強,咁止到咳?


 


其實入左院都好忙架,有好多野做...


 


首先,日間既:


1. 量血壓----每日幾次


2. 度體溫----都係每日幾次


3. 打抗生素----日間兩次,半夜一次


4. 一日五餐


 早:粥+包


 早點:蛋


 午:飯+菜+肉+湯+橙


 晚:飯+菜+肉


 宵夜:麵包+牛奶(但係因為三聚氰安既關係,


          牛奶暫停供應)


5. 午間探訪


6. 晚間探訪


7. 睇電視


8. 睇書


9. 睇住d姑娘同姊姊出出入入咁照顧我地


10.同d同房傾下計


11. 咳


12.


13.


 


而夜晚呢,就比較少d勒:


1. 量血壓


2. 度體溫


3. 打抗生素


 


但係分開三段時間做囉!


 


所以瞓瞓下就要伸隻手出黎,又或者要張開個口


 


我就淨係呢三樣姐,同房既仲有其他野要做,例如換片片啦,吉手指驗血啦,打針啦......


 


所以,差吾多每個一鐘頭就有姑娘或者姊姊入黎做野,成晚個房都好繁忙架!


 


因此,三日兩夜既行情都吾算太悶太難捱...


 


好囉,出左院,可以靜下啦!


 


 


2008年9月25日 星期四

病簿三十三......QE渡假

昨晚退燒後,今日成日都燒下又退下咁,結果 ,過左四點鐘都仲燒緊,所以決定入QE睇下


因為過左五點先到QE,醫生都走晒,所以唯有轉去睇急症


而家等緊驗血報告,要等三個鐘呀!所以而家係大哥家攤抖下,等神洲七號升空時,就係我睇報告之時啦!


吾知洗吾洗入院呢? 


 


 


 


 


 


 


2008年9月24日 星期三

病簿三十二......今日又發燒

今日起身時感覺比昨日好,但又係到傍晚時開始發燒啦!


次次都係門診關門時至黎燒,又要入急症!


 


見到d同行病友在化療中都可以抽空外出渡假,好羨慕,亦都希望自己情況穩定d時,可以出外走走----澳門珠海都好啦!最好就緊係台北曼谷首爾啦----而家吾洗諗啦!


我諗我既渡假地點就係得QE咋!


 


食左兩粒必利痛(醫生之前開既),如果吾退燒,又要執包袱啦!


最憎留醫吊抗生素!


 


而家9點鐘啦!


食左藥兩個鐘,本來燒到38.4度,而家回落返去37.6度,所以今晚都可以吾入院住,聽朝瞓醒睇下洗吾洗去門診度覆診啦!


有癌病又真係幾麻煩,又吾可以求其找個醫生睇,下下要睇返腫瘤科......


等我大步D,攬過佢先!


 


 


 


2008年9月22日 星期一

病簿三十一......手痺脚痺

比起AC針,T針真係已經好好


首先,無以前咁嘔----以前起碼嘔7日


又無咁暈,可以活動下,出下街----以前起碼足不出戶7日,C左係屋企


而家,只係有D手痺脚痺,肌肉有小小痛----有朋友既反應係骨痛,我慶幸尚未有呢D感覺,所以覺得非常非常咁感恩


只係呢隻藥比較燥熱,令我喉嚨痛,出汗,昨晚仲成晚都半夢半醒之間,瞓左同無瞓過差吾多


今日要想個好D既方法----勤力D做運動,同食多D西瓜和水梨,希望可以消緊D燥熱啦!


2008年9月20日 星期六

病簿三十......最辛苦的第三四日

每次打完針後,最辛苦是第三第四日,可能係因為d藥剛剛走均全身,加上開始打提升白血球針啦!


天氣太熱,而且身體虛弱,不斷咁流虛汗,成日係咁流,都好辛苦下


加上小小既過度活躍,又有小小既金魚咀,所以昨晚都要食安眠藥


食左安眠藥,要成晚起身飲水;而且,成晚都半夢半醒之間,瞓得吾好


親愛的為左想我瞓好d,成日同我按摩,又吾敢返入房瞓,驚嘈醒我


佢咁樣,令我瞓得更加吾安落


下次吾好啦!


 


 


2008年9月18日 星期四

病簿二十九......打完第五針既第二日

昨日打完第5針,今日既精神都吾算太差,只係有D口啖啖,有小小見嘔,但一切都大致可以,暫時無AC針咁辛苦


 


但據聞大概到第3至7日會有嚴重既骨痛,到時可能出吾到街啦


 


足不出戶,仍然收到禮物


首先係保媽同保媽既媽,仲有新加坡女孩郵寄黎我家既保健書同長頸鹿,多謝晒,兩個都好合用呀


  


 


         仲未同新寵改名添!


   


 


上星期返學時,日日都收到禮物 


首先有全體同工寫比我既慰問卡啦!句句都係金句黎架! 


  


 


又收到學生既卡,不過佢地吾知我病緊架,所以D內容都係say thank you呀, missing you之類囉! 


  


 


又收到同事既愛心健康零食,好啱而家既我食架,因此,更能夠感受到同事對我既細心關懷


 


酸梅啱晒我作嘔時食架,你估吾估到邊個咁細心呀?


  

 


  


車厘子好補血架,啱晒我呢d血球低既人食,你又估吾估到係邊個咁細心呢?


  


 


多謝晒啦各位!


 


 


 


2008年9月17日 星期三

病簿二十八......今日終於打得成第五針啦

今朝一早,食得好飽咁

去到QE打針,仲驚太飽會嘔添;


結果,都係好順利咁滴完隻新藥


 


後來,返歸又怕悶,結果都係去屯門市中心睇多套戲


 


今日有多幾個人一齊睇啦,但係都係十隻手指數得晒


 


       今日睇左Mama Mia


   

        


 


故事簡單,但一把年紀的梅麗史翠普在片中載歌載舞

,令人形象難忘,好鬼正呀!


 


尤其係一大班女人唱Dancing Queen個幕,令我好感動          


     


  


   令我諗起Yesterday Once More呢隻歌啦!


  

 


2008年9月16日 星期二

病簿二十七......今日又打吾成第五針

今朝一早到左QE,準備打第五針,點知...


 


姑娘:有無準時食藥?


我:有呀,晚八朝八,每次食一粒


姑娘:吓?食左幾多粒話?


我:一粒囉!我比你睇勒!(將藥包遞比姑娘)


姑娘:...你係出面等一陣啦!


姑娘跟手call左醫生落黎,搞左一輪


姑娘:你應該每次食兩粒架,醫生跟住你上次既份


   量開,所以開得一粒(即係開錯左啦!);    


   但係你第一次打,驚你會有危險,為安全起


   見,所以今日吾打住啦!你今晚開始食兩粒,


   聽日再黎啦!


我:哦!


因此,可以放多一日假啦!


 


放多一日假,梗係吾好嘥啦!


 


結果,老公去左打機,我去左睇戲----仲包場添,幾豪呀!


   


套戲叫咩都吾重要,最重要既係,全個戲院得我一丁友,一個人睇晒,咁大個女都未試過!


 


 


 


2008年9月15日 星期一

中國的二十四節氣

自從中五那一年,我每年都咳嗽,而且久病不癒,看遍了中西醫,也難以根治


很多時發生在十二月,亦即是我生日前後...真苦!


很多時發生在傷風感冒後...


去年亦然,還持續了兩個多月...


今年,提早了!


不是我的生日提早了,是咳嗽提早了!最奇怪的,是在毫無病痛而自行咳起來了----沒有傷風,也沒有感冒,只是咳嗽前幾天發燒了


查看中國的二十四節氣,發現我的咳嗽一般出現在大雪前後;今年,提早在白露前


二十四節氣是古人將觀察天氣得來的經驗,總結成廿四節氣,看成是風候轉變的指標,藉以安排每年耕作的時間表!


二十四節氣每一個分別,相應於太陽在黃道上每運動15°所到達的一定位置;所以,二十四節氣也可以說是以陽歷(即西歷)計算


處暑----立秋半個月後,會出現一陣秋後的暑熱,令人有替「秋老虎」逼人的悶熱感,即為「處暑」。每到這時候,天氣悶熱時,我媽常說這是爭秋奪暑----即秋天和夏天爭持不下 


白露----是農曆八月的節氣,白露以後,陰氣漸漸地重了,清晨的露水一天比一天的厚,凝結成一團團的白白的水滴,所以叫「白露」。身體弱了,陰氣漸重時,已經抵受不了,提早了咳嗽的時候 


大雪----小雪之後十五日,是「大雪」,兩者雖相距不過短短半個月,氣溫的差落卻很大,由大雪紛飛,天地皆白,謂之「大雪」。我就是這個時候出生的,也是每年咳嗽的日子 


小暑----是農歷六月的節氣,暑是熱的意思,小暑氣溫雖高,但未達炎熱的極點,所以叫「小暑」。這是我媽離世的日子


朋友們,其實二十四節氣每天都在靜靜地影響着我們,看看以下的日子,你會有什麼新發現嗎?


春
立春 2月4或5日
雨水 2月19或20日
驚蟄 3月5或6日
春分 3月20或21日
清明 4月4或5日
穀雨 4月20或21日

夏
立夏 5月5或6日
小滿 5月21日
芒種 6月6日
夏至 6月21或22日
小暑 7月7日
大暑 7月22或23日


秋
立秋 8月7或8日
處暑 8月23日
白露 9月7或8日
秋分 9月23或24日
寒露 10月8或9日
霜降 10月23或24日


冬
立冬 11月7日
小雪 11月22或23日
大雪 12月7日
冬至 12月21或22日
小寒 1月5或6日
大寒 1月20或21日


 


我今年的新發現,是醫生開了一隻特效藥給我,名為Singulair,只要服食三日便會見效;我已經服用了兩天----咳嗽果然減少了,希望可以快些痊癒吧!


2008年9月12日 星期五

病簿二十六......今日打吾成第五針

第五針開始由AC針,轉打T針


 


AC針係直接打入血管,所以可以見完醫生後排隊打針


 


T針係一滴一滴咁吊入血管,要多d時間;而且會過敏,因此見完醫生後,要第二個工作天打


 


因此,今日見完醫生後,星期二先至打針


 


又可以過一個比較快樂既中秋節啦!吾洗死下死下咁過!


 


祝大家中秋節快樂!


 


 


2008年9月10日 星期三

我們是一群漂亮的鳳凰

鳳凰,是傳說中的生物,中國人喜歡將鳳凰跟龍配成一對


 


傳說中的鳳凰,永生不死----因為他能在火中重生


 


昨天晚上,跟患癌的blog友共聚,突然,覺得我們是一群漂亮的鳳凰----治療中,就似被火燒一樣痛苦;治療後,重生了:


1. 毛髮重新長出來了


2. 電療後,被燙傷變黑的肌膚會長出像新生嬰兒的


 皮膚來


3. 生活方式不一樣了,更著重健康


4. 人,不再像以前般執著


5. 看事物的方法不同了


6. 常想方法令自己和身邊的人更開心


7. 多了更多新朋友/病友


8. 對生老病死有更深入的體會


 


重生了,讓我們展翅高飛吧!


 


 


 


只可惜,鳳凰,相傳是男的......


2008年9月8日 星期一

Daisy Bell (A Bicycle Built For Two)

中學時,聽到呢首歌,覺得好浪漫----

 

Daisy Bell (A Bicycle Built For Two )


 
      
 

There is a flower

Within my heart,

Daisy, Daisy!

Planted one day

By a glancing dart,

Planted by Daisy Bell!

Whether she loves me

Or loves me not,

Somethimes it's hard to tell;

Yet I am longing to share the lot-

Of beautiful Daisy Bell!

 

Daisy, Daisy
Give me your answer do.
I’m half crazy,
All for the love of you.
It won’t be a stylish marriage.
I can’t afford a carriage.
But you’ll look sweet,
Upon the seat,
Of a bicycle built for two

 

    

後來出黎行走漿糊,改左Daisy呢個英文名

 

 

結果,讀Postgraduate Diploma 時,堂堂都比個外籍教授問問題,佢仲要一面唱,一面叫我個名----Daisy, Daisy! Give me your answer do.

 

 

 

 

從來,擇偶既條件:前途,身家,學歷,都吾係放係前面----因為我覺得,我需要既野,自己可以找回來,吾需要他人去滿全我既願望...

 

後來,讀教院時,有朋友因為男朋友學歷低,工作前景又吾理想而同佢分手...

 

當時,感到好訝異...

 

再後來,結左婚,人又成熟左(吾係老左呀!),對生活既體驗多左,知道現實,真係好現實架...

 

兩個人係埋一齊,最少要有穩定既生活,感情,先至會長久!

 

睇返以前,好似幼稚左小小又浪漫左小小...

 

傻人有傻福,嫁左個吾算富有,但生活穩定既老公,真係有架單車,但就不是Built for two,我亦都無坐過佢車尾...

 

至於首歌,佢從來都吾知有呢首歌,因此我從來都無聽過佢唱比我聽...

 

我仲有時間,我等得既...

 

 

 

 

 

 

前一排,老公同d同事晨咁早睇到套粵語長片,勁搞笑----

 

譚丙門:你跟住我,你怕吾怕捱窮呀?

 

南虹:只要我地一家人一齊,我係吾怕窮既!

 

 

我老公同d同事:嘩!有人吾怕窮架咩?咩野對白黎架?

 

 

 

原來,我以前係粵語長片既南虹----好勇,吾怕窮!

2008年9月7日 星期日

又返番轉頭......

今次,比白兔太太叫返轉頭...d問題吾同左好多啦!

 

遊戲規則如下:
被點中名的朋友請像我一樣回答所有問題,並發一篇BLOG在自己的網誌上!

回答之前,請刪除一條你不喜歡的問題,另出一條問題代替。

完成後,再點人繼續遊戲,並到對方BLOG留言通知
 
被點名者不得拒絕回答問題,不完成遊戲的人,會是一個無義氣的人!

 

* * *


1)你自己的性格弱點?

悲觀

 

2)你宜家個心最想做但又做唔到?

食得瞓得玩得做得

 

3)到目前為止,有咩令你最覺得自豪?

身邊有好好既老公同好好既朋友,仲有好好既家人


4)你最想去旅行的地方是哪裡?

英國既運河船屋

阿拉斯加或芬蘭睇極光

同老公去邊都得



     5)     現在最想做乜野?

快d好返,吾好令錫我既人擔心

 

6)你最渴望擁有的東西是甚麼?

已經有啦----我老公,如果無左佢,我有咩都無用


7)你的人生觀?

處理好而家既問題,將來既野,將來至算

 

              8)人生中,最快樂嘅一件事?  

有個好老公,有班好朋友,有好好既家人

 

9)你最鐘意既一隻歌 ?

 

Daisy Bell (A Bicycle Built For Two )

 

Daisy, Daisy
Give me your answer due.
I’m half crazy,
All for the love of you.
It won’t be a stylish marriage.
I can’t afford a carriage.
But you’ll look sweet,
Upon the seat,
Of a bicycle built for two


10 )你會跟最喜歡人說些什麼?

我會努力加油,珍惜你地對我既關懷

2008年9月5日 星期五

Honey

返埋今日學,要正式放病假啦!又要麻煩d同事幫我執手尾,真係吾好意思!


 


今日,我地一大班人食Hot Pot Lunch,地點係...


學校......


 


好開心呀!可以同大家爭食,仲食左好多添!


 


 


呢兩日有幾聲咳,所以用熱水沖檸檬飲----呢個方法對我都幾有效架!


 


因為酸,所以加左小小蜜糖


 


蜜糖係錦田狗場主人暑假遊泰國時買既


 


其實,我好清楚,以佢既性格,佢係吾會花幾百蚊買呢d蜜糖既----因為我同佢都去過幾次泰國,佢會買蜂皇漿,但就吾會買蜜糖


 


今次佢之所以買蜜糖,係因為我----雖然佢無講,但我知道佢聽人講,話食左呢隻蜜糖對我個病會點好點好,所以,佢咪買囉!


 


初初識佢,覺得佢係一個好自信既人----我從來都無咁自信既朋友,感覺好特別;後來,仲成為好朋友添!


 


識耐左,原來,佢係一個口硬心軟既人,就算佢有幾吾鍾意,佢都吾會睇住任何人死----仲要係幫左人都吾聲吾聲咁,有人真係比佢幫左都吾知架----有時都替佢好吾抵,好多人以為佢好串,其實佢就得個殼,心地鬼死咁好!


 


我病左,佢吾會日日留言,日日打電話比我,但我知佢好吾開心,知佢好關心我;去到佢屋企,又一家大細一齊招呼我


 


我地會係一輩子既朋友!


 


我希望佢永遠幸福!


 


 


       下次隻手伸出d呀吾該!


     


     下次要影靚d,一齊去個大d既迪記!


 


 


 


 


2008年9月4日 星期四

病簿二十五......又退燒啦!

昨晚食左安眠藥,竟然可以一覺瞓到今朝----近呢三個月,都係第一次!


 


今朝,又退左燒啦,所以,又可以返學啦!不過因為有d累,所以就早d走


 


今朝一早打左電話比腫瘤科既姑娘,姑娘叫我吾洗擔心,應該係白血球針既反應,情況吾係咁嚴重,如果我真係再有其他吾舒服,或者再發燒,先至返去見醫生


 


聽見姑娘咁講,當常安樂晒,而家,只要多d休息就得啦!


 


我會無事既!


 


而家要瞓啦!因為只可以返埋聽日學,跟住就開始正式請病假啦!以後吾可以明正言順咁返學啦!


 


 


 


 


 


 


2008年9月3日 星期三

病簿二十四......晚晚都定時定候發燒!

今朝一早,行得走得,仲食得添,所以食完早餐就返學勒


 


結果...


 


今晚食完晚飯,探下熱,又燒


 


仲有幾聲咳


 


今次吾敢再食退燒藥啦!如果晏d再吾退,或者又要入急症室啦!


 


希望吾洗啦!


2008年9月2日 星期二

病簿二十三......未打晒白血球針已經發燒啦!

今早雖然有d骨痛,但都如常起床上學

(當然有食止痛藥啦!),然後跟同事食午飯,然後返歸


 


 


返到歸,個胃有小小頂,牙關又有小小緊,好似金魚咁;所以飲左d檸檬飲品,又舒服返d


 


 


但到左夜晚,完全無胃口,又見有d慶,探下熱,真係有d燒----每次發燒都食吾到野,所以咪輕左咁多囉!


 


 


我知我應該係骨燒!今次只係打左六針白血球針,仲有一針未打,都已經有反應啦!第七針,都係吾打住啦!我諗我都係受吾住!


 


 


上一次入院,就係因為打完晒白血球針,白血球勁標,所以半夜骨痛痛醒,第二日又嘔又燒,為安全起見,先至去QE睇特別籌,醫生都係為安全起見,叫我入院留醫睇睇----結果第二日就放我走啦!


 


 


有左上一次經驗,今次,只要休息一下,聽日,又係一條好漢啦!


 


不過,今日要破戒食安眠藥休息下啦!


 


你地睇我都寫到咁多,就知我無事啦!


 


如果聽日都吾掂既,先至打電話去QE問問啦!或者去睇睇啦!


 


瞓醒先至算啦!而家去泡泡浴,然後交交豬啦!乖呢?


2008年9月1日 星期一

放完暑假啦!

今年既七月一日,寫左以下既計劃,睇下我完成左幾多?


 


1. 去英國...女皇醫院渡假,仲要一渡大半年


(真係成日出出入入,又留院,又覆診,又特別診咁,果然係不負所望呀!)


2. 响屋企做下學校工作,想編一套全面d既教材比新移民學生 


(問同學仔借左ESL既教材參考,但就只限於參考囉...)   


3. 學普通話(未開始過!)


4. 學麵粉花(都未!因為Miss暑假好忙架!)


5. 非繁忙時間去街街(呢個就有勒!仲好勤力添!)


6. 吾做家務既家庭主婦(不嬲都係架啦!)


7. hea----努力咁食同瞓----我會比心


 機架啦!(盡力啦!但效果就吾係太好!仍然係


 無左30磅左右) 


8. 等老公收工(簡直係望穿秋水呀!) 


9. 寫煲(雖然無咩文采,但都好勤力咁寫!) 


10. 煲電話粥(我都吾知原來我咁煲得架!)  


11. 散步(天氣太熱啦!入夜又多蚊!)


12. 打wii(過左頭七都有落力打wii fit!代替散


    步囉!) 


13. MSN (成日纏住人!)


 


 


今日九月一日開學日,我都有開學架!


返到學校好開心,見到d同事,個個都精神左又靚左,又個個都好關心我!


 


 


放學時忍吾住响梯間睇d學生放學,佢地見到我都好開心,有d觀察力好強,問我點解瘦左咁多,有d低班d既就問我點解轉左髮型----佢地都吾知我病架,因為我吾想佢地吾開心!


 


 


呢幾日都會返學,雖然吾可以入課室(危險呀!)但就可以預備下d教材,等代課既老師可以輕鬆d;又可以寫下進度,或者一d paper work


 


 


唯一吾太好既,係戴住個假髮好鬼熱,結果都忍吾住要除一陣抖抖!


各位同事,吾好意思,嚇親你地添,下次,我會叫:屬豬屬狗屬牛屬羊既擰轉面!