今朝一早到左ＱＥ，準備打第五針，點知．．．
姑娘：有無準時食藥？
我：有呀，晚八朝八，每次食一粒
姑娘：吓？食左幾多粒話？
我：一粒囉！我比你睇勒！（將藥包遞比姑娘）
姑娘：．．．你係出面等一陣啦！
姑娘跟手call左醫生落黎，搞左一輪
姑娘：你應該每次食兩粒架，醫生跟住你上次既份
量開，所以開得一粒（即係開錯左啦！）； 
但係你第一次打，驚你會有危險，為安全起
見，所以今日吾打住啦！你今晚開始食兩粒，
聽日再黎啦！
我：哦！
因此，可以放多一日假啦！
放多一日假，梗係吾好嘥啦！
結果，老公去左打機，我去左睇戲－－－－仲包場添，幾豪呀！
套戲叫咩都吾重要，最重要既係，全個戲院得我一丁友，一個人睇晒，咁大個女都未試過！
又打唔成...當休息囉! government warning!! 戲院不可以拍攝架!! 哈哈
回覆刪除[版主回覆09/16/2008 20:33:00]吾可以攝錄呀馬？影相都吾得？咁．．．會吾會比人拉架？我以後吾敢啦，姐姐！
係呀,T針吃2粒.早晚.還有胃藥...我上一針都唔記得只吃一粒...後打前狂吃補數
回覆刪除咁我同你都係明天打T針囉~!!努力~!!加油~!!放心~!!副作用會無AC那樣(醫生話).最緊要有氣促心悸就即出聲~唔好忍~打時掃掃手的血管.打完正常無副作用住的.放心~一定會好過你之前的針~!!
一起努力~!!加油~!!
[版主回覆09/16/2008 20:32:00]知道，師姐！
無副作用住，咪可以去睇多套戲囉？
好想知你係咩戲呀?得你一丁友咁正,學人包場添呀,利害喎,我又要包場.
回覆刪除[版主回覆09/17/2008 20:01:00]無聲火2.0
係我ｄ閒人先有機會包場咋！
好鐘意你個"打pat pat", 你應該送比開錯份量的傻傻醫生啦!!
回覆刪除[版主回覆09/17/2008 19:58:00]係打緊佢架
個醫生有冇攪錯架﹗咁都可以錯.........
回覆刪除聽日打完針你一定可以去睇多場戲，因為同未打針冇分別。
我估你星期六先會開始唔舒服，不過都係好輕微既野，放[心啦﹗
可唔可以話我知你睇左咩戲呀?
[版主回覆09/17/2008 19:58:00]又吾係咩野大錯失，係人都會做錯夥架啦！咪當放多日假囉
我今日真係睇多左套戲呀！你咁醒既，咁都估到
昨日就睇左無聲火2.0，都ｏｋ架
好抵WOR, 俾幾十蚊可以包場，係邊到睇咁正？
回覆刪除[版主回覆09/17/2008 19:54:00]屯門既ＵＡ
包埸, 好豪呀!
回覆刪除[版主回覆09/17/2008 19:53:00]＄４５包場，抵呀！
真係抵，一張飛就可以包場
回覆刪除[版主回覆09/17/2008 19:53:00]係架！不過係得我呢款長期病患者至有機會遇上咋，吾好羨慕呀！
一張飛可以包場！？你發達了，有冇買六合彩呀？
回覆刪除[版主回覆09/17/2008 19:50:00]買左吾記得對添
醫院越黎越差，咁緊要都會開少藥俾病人，真過份，質數一路下降，廿幾年前，做我份工要每星期六下午一點，放工後即刻上堂，食住飯黎聽醫生講書，4個鐘，無小息，無人要去方便，因為唔想聽漏一句，完成整個課程，要考筆試、實習試，考到有証書，而家求其有手有腳就可以做，做開既同事講點做，跟住做，做錯唔緊要，再做囉，唔識睇report唔緊要，遲D醫生睇，但心臟病唔遲得，會失救，對公立醫院有D失信心。
回覆刪除[版主回覆09/17/2008 19:49:00]都係以前政府個年代專業ｄ，轉左醫管局之後，資源又小左，人材又流失晒，唉！
遲ｄ仲話醫療改革，ｃｕｔ資源，逼人買保險，美國同日本都有版睇啦－－－－死路一條
結果既係有份交稅既要自費睇私家醫生，入私家醫院；無份交稅既使用政府資源
唔係呀嘛﹗咁筍？
回覆刪除超平價做大班，正呀﹗
[版主回覆09/17/2008 19:43:00]係呀！＄４５就包場啦！
醫院有點兒戲, 藥都會開錯!! 不過可以放多一天假, 當補數!
回覆刪除祝福妳打針順利, 無副作用!!
[版主回覆09/17/2008 19:42:00]算啦！係人都會出錯啦！又吾係大錯，咪開開心心放多日假囉！
Daisy大藥煲︰
回覆刪除多謝到訪及俾的意見，我會多睇幾個中醫的。
又不可打針，有冇搞錯。
[版主回覆09/17/2008 19:41:00]打吾成針咪當放多日假囉！
印象中，如果個中醫係有料既，係吾會開咁多味藥架，因為有料既中醫能對正下藥，除了主治藥物外，只要多加三兩味平衡和加強藥物，再加上一兩味藥引，十味八味藥已經好夠
而家ｄ中醫成日都十幾廿味咁，都吾知邊樣至有效，好多時係因為中醫對自己缺乏信心，所以會亂石投林；但縱然未必醫得你好，但就食你吾壞囉！
因此，好多人都話睇醫生要夾人囉！
難得你咁豁達！
回覆刪除係呢，部戲叫せ名？
[版主回覆09/17/2008 19:30:00]吾錯都錯左啦！嘈都無用，算比啦！又吾係ｄ好嚴重既錯失，係人都會有錯既
部戲好ｏｋ架，叫無聲火2.0，有Nicholas Cage 同楊采妮，美國收第一架
你老公係大細路？打機？唔睇戲？
回覆刪除[版主回覆09/17/2008 20:03:00]係呀！佢好鍾意打機架！同親佢睇戲都瞓架，好無癮架，所以咪分開行動囉，大家都開心ｄ
嘩! 抵到爛啦!!! 想試到一個人包都唔係咁易o架.........
回覆刪除呢次真橫睇又得, 掂睇都得, 瞓响度睇都仲得, 得左 !
[版主回覆09/17/2008 21:48:00]係架！不過係得我呢款長期病患者至有機會遇上咋，吾好羨慕呀！
咪痴線啦妳!
回覆刪除[版主回覆09/17/2008 22:13:00](Empty)