秋季賣物會

咁快又一年啦！去年懲教署的秋季賣物會舉行時，剛巧在化療中，去不成；

 

今年手術後待好家中，親愛的又要上班，也去不成．．．

 

這已是前年的日記．．．

 

十一月二十四日(星期六)      晴

      長途跋涉去了赤柱的秋季賣物會

      上一次參與賣物會已是多年前的事了, 當時尚是職員訓練所的學員, 美其名是參與, 實質是做苦力

 

      事隔多年, 我連工作行業也轉換了, 再次遇見昔日的同事, 大家都......成熟了, 有不少更拖男帶女, 他們的小朋友已長高至我的肩膀......而我......仍是兩"手"清風, 不帶有一片雲彩......不是不消遙的

　　　　　轉季了, 有些上火, 又是烹龜的好時節

　　　　　　　　

 

 

　　　供人拍照的收費道具......但我決定拍霸王照

　　

 

           　　　           竟然有人偶出現

 

　　

 

 

　　　　   我最喜歡的lion dance

表現生龍活虎

 

　　

 

　　　                　　一整隊鼓頗具氣勢

　　

少年罪犯, 但久經訓練下, 整隊band很棒呢!

 

要看今年的盛況嗎？去szechung個blog啦！http://hk.myblog.yahoo.com/szechung-kayaker/article?mid=45487

 

希望明年去得成吧！

宅女生涯原是空......

　　今天，是手術三週紀念日，還未收到醫院的電話，今次，應該可以大大步攬過去吧！（收慣左壞消息，今次收吾到，真係有ｄ令人難以置信．．．）

 

　　自去年六月至現在，一輪的衝鋒陷陣－－－－化療之後是手術，手術之後是電療；吃完全餐不久，又來一次手術；以為可以過幾天好日子，又要多做一次手術；展轉間，一年半的日子過去了，其中，沒有多少天是太平的日子！

 

　　這年半過的，大多是宅女的日子－－－－留守家中（逼不得已時）休息上網看電視玩電視遊戲焗蛋糕搓麵包做麵粉花；外出閒逛（不用到醫院打針食藥檢查開刀留院覆診時）逛遍遠近街市大小商場公共公園山頂牡丹樓．．．．．．

 

　　最後一段宅女生涯（希望啦！），我將之發揮得淋漓盡致．．．

 

　　　　　　　　依書直焗．．．

　　

 

 

好求其既朱古力紅莓蛋糕，攞左返學校迫人食．．．

　　

 

　　落左好多心機但味道都係好一般既士多啤梨蛋糕

　　

　　

 

 

　　　　　　　　出術中．．．

　　

 

　　　　　　　　吾係好成功．．．

　　

 

 

　　　　天氣冷了，穿上它，滿屋走．．．

　　

 

 

　　　讓朋友知道我尚健在的網上遊戲．．．

　　

 

　　我不留戀這一段宅女生涯，因為，這都只是苦中作樂；但我也不會刻意忘記，因為，這是我走過的路，回不去，也不想回去，走過了，走得過，也是好事！

 

　　往後，我會好好地做人，也希望我可以好好地做返個人！

等電話

現在，除了每天在家休養外（真係吾係好夠精神出街．．．），就是在家等電話．．．

 

正確地說，是等電話不要響起來．．．很矛盾！

 

事緣手術後兩星期（即是這星期）會有病理報告，昨天剛好兩星期；如果報告無大礙，醫院不會打電話來；如果報告有問題，便要召我回去．．．

 

今次，要過兩關：

第一關子宮病變情況；

第二關卵巢水瘤是良性抑或惡性

 

因此，現在每天都在等電話不要響起．．．

 

　　看見入院的相片，好像已經是很遙遠的事（我真是一個善忘的人），真的不知道自己是怎樣走過來的；走得過，忘記得快，也是好事！

 

　　親愛的取笑我，差一點就要拖旅行筴入院了！

　　

 

　　主診醫生成日問，呢隻咩野蒞架？嗰隻又叫咩名？每次，都有姑娘代答．．．

 

　　藍豆種在手上足足十日，差點兒就真的可以生根發芽！由於抗生素破損性很強，打入血管時很痛，多打幾次會令血管蔽塞，令手臂肌肉又紅又腫又痛，要另找地方再種豆；結果，十日內種了三次；　

 

　　兩種抗生素，鹽水，葡萄糖水，無晒位！　

　　

 

　　呢支最勁，要用鹽水溝淡先打，但都打到好痛

　　

 

　　這一個是最後一個藍豆；醫生找來找去也找不到位置種豆，於是，我介紹這個熱門之選給她，結果可以一擊即中！

　　

我：醫生，你好叻呀！一次就搞掂！

靚女醫生：嘩！你介紹架喎！

我：我介紹都要你手勢好先可以一擊即中喎！

靚女醫生：你成日種吾到架咩？

我：都吾係既，最高紀錄都係連種四次啫，我都未

　　叫，我ｄ同房見到已經代我'雪雪'聲勒！

靚女醫生：咁就祝你好運，吾洗再種啦！

 

 

　　一日要抽幾次血，有時要在打抗生素前抽一支，打完後再抽一支．．．抽血抽到隻手無晒位，成手都係窿，有時要在腳上抽，抽完右腳，抽左腳，要抽右腳．．．所以我一見抽血姑娘入來時．．．

我：姑娘，你認錯人啦！

姑娘：（打個突）無認錯，係你啦！我認得你！

我：（弊！比人點左相添！）

 

　　　　　可以上下網，都無咁悶！

　　

 

　　團餐都算係咁啦！有中餐西餐揀，仲有甜品食，我真係好需要苦中一點甜！

　　

　

　　

　

　　

 

　　　　　　　　　仲有下午茶

　　

 

 

　　　　　　　日望．．．

　　

 

　　　　　　　夜望．．．

　　

 

　　　　　　　　都係望返歸．．．　

　　

 

　　可能我的命數是不適合太富貴，看過幾次私家醫生都被誤診為良性腫瘤，真是差一點就要了我的命；

　　在確診癌症，至現在子宮病變，我都是在公立醫院接受治療；我慶幸自己遇到的都是有經驗又盡責的好醫生，就是未有豐富經驗的年輕醫生，也會多次徵詢顧問醫生的意見才定奪；今次的主診醫生更是一個和善有禮的顧問醫生，談笑之間，就已經救了我一命，令我非常感激！

 

　　希望醫生們護士們都可以得到病人的信任，工作開開心心，順順利利．．．最好忘記我，吾好打電話比我．．．

 

十日精華遊

這一年來，多次留院，但覺得今次最為凶險．．．

 

Day 1 早：好人好姐咁入院

　　　午：開始發燒

　　　晚：開始禁食，成晚瞓吾到

 

Day 2 早：越來越燒，晨早醫生來看我，決定比我做

　　　　　手術，十點半入手術室，麻醉科醫生又攪

　　　　　一輪，最後都決定比我做手術，真係個個

　　　　　都咁藝高膽大！

　　　午：四點鐘推出手術室（通常呢ｄ手術都只係

　　　　　做個零兩個鐘，今次做左五個幾

　　　　　鐘．．．），都係成身都係喉啦！

　　　晚：外科醫生見我，告知手術情況：

　　　　　好在你有做到手術，因為開左肚先知你卵

　　　　　巢有水瘤，仲穿左，ｄ水滲左落個肚度

　　　　（即係遲左會有奪命腹膜炎啦！）所以你先

　　　　　會發燒（咁好彩？），已經幫你割左ｄ

　　　　　瘤，同洗左肚（洗肚？有無落洗潔精　　

　　　　　呀？）；水瘤通常都係良性既（良性．．

　　　　　．呢句咁熟既？好似比人呃左幾次

　　　　　啦．．．）

　　　　　成晚都發燒，瞓吾到

 

Day 3 早午：開始可以飲水同飲米水；

　　　　　　開始越燒越高，過左三十九度，全日有

　　　　　　四五六個吾同科既醫生來看我，聽肺按

　　　　　　肚看傷口抽血，都話無大問題；

　　　　　　開始打抗生素；

　　　　　　可以落床坐，但未行到

　　　晚：都係瞓吾到，眼光光到天光；

 

Day 4 開始可以行到幾步．．．去廁所，兩人一房，

　　　房內有廁所，好近；

　　　燒過左四十度，　　　

　　　又係一日有四五六個醫生蒞睇；

　　　可以開始食粥，但成日都食吾到半碗粥，本來

　　　已經拔走左ｄ鹽水同葡萄糖水，又要吊返；

　　　開始肚瀉，醫生有兩個懷疑，一，對抗生素敏

　　　感；二，個肚有菌；因此，無比藥我食，要睇

　　　下瀉成點；結果，係一日十幾次，一晚又係十

　　　幾次；

　　　半夜姑娘ｃａｌｌ左醫生蒞睇我；

　　　成晚成個火爐咁，再一次發覺自己條命原來從

　　　來都不在我手，好無助，無野可以做，安慰

　　　自己吾擔心得咁多，但食左安眠藥都瞓吾到；

　　　開始審視自己情況，有幾個可能性：

　　　1. 吊完抗生素，退燒，出院

　　　2. 要轉隻勁ｄ既抗生素

　　　3. 高燒昏迷，神志不清

　　　4. 染上流感，來不及吃特敏福

　　　5. 最差情況，都無行先一步，後事一早交代晒

 

Day 5 全日燒，徘徊四十度左右，食左退燒藥都退吾

　　　到小小燒；

　　　醫生同我轉左隻勁ｄ既抗生素；

　　　一日抽幾次血，驗肝功能腎指數鉀含量；

　　　照左超聲波，無腎炎，個肚無積血，都算係好

　　　消息；

　　　食左止瀉藥已經無瀉咁多，但都仲係瞓吾到

 

Day 6 開始退燒，即係全日都係三十九度左右

　　　主診醫生話：無咩大問題既，轉左抗生素都

　　　幾好，叫你先生買多幾本八卦雜誌，住多幾

　　　日，打多幾針就好架啦！

　　　下午，情緒有ｄ失控，血壓又升心跳又標，好

　　　似有大石壓住心口咁，又比ｄ醫生護士問多兩

　　　問，喊左出蒞，結果ｄ護士群起圍住蒞安慰

　　　我；轉左更，ｄ新一更既姑娘又輪流入蒞安慰

　　　我，叫我吾洗擔心

　　　開始食到半碗粥．．．全日加埋．．．

 

Day 7 燒下退下，開始食飯，全日加埋都食到半碗飯

 

Day 8 主診放完週末返蒞：等我睇下邊個悶到喊先！

　　　都係燒下退下咁．．．

 

Day 9 退左好多，燒下退下，徘徊三十七度五左右

 

Day 10 主診醫生：再吾放你走你就偏晒嘴，下午打多

　　　　　　　　支抗生素啦！已經偷雞打少左一支

　　　　　　　　啦！今日黃昏時無燒就比你走啦！

 

歸家磅一磅，又吾見十幾磅．．．又一次入院減肥法，成功！

 

以前入院，覺得自己會捱得過既，捱得過，就會好；都曾經試過連續五日高燒不退，白血球跌至0.6(正常介乎4至11)，又是吊了幾天抗生素都退吾到燒，仲要入隔離病房，當時，都徬徨，也無助，但心底裏隱然覺得，我會好得返；今次，覺得要捱得過，吾係咁易；但終歸，都捱過左了！

 

現在，等待報告中．．．等醫生告訴我，我還有多久．．．希望可以過幾年安穩日子啦！真係病到好厭啦！

 

亦都希望出左事既朋友都可以好似我咁，大大步，攬過去，捱得過，就會有好日子等我地架啦！

放虎歸山......

終於都退燒出院啦! 剛剛回到家, 謝謝大家關心!