我的名牌手袋

你有名牌手袋嗎？　LV？ GUCCI？ AGNES B？ PRADA？

妹妹說：不要開始買第一個，否則，你會一直買下去，永不超生......

後來，我真的買了第一個；然後，第二個；跟著，第三個......

現在，我的口頭譂是：買手袋既QUOTA爆咗.....

因為，已經夠用啦，用唔切......

因為，我每日都挽住全世界獨一無異，價值連城，手快無，手慢都無的名牌手袋......

我的名牌手袋

今日，係我的名牌手袋生產四十周年紀念日，祝福佢可以好好保養自己，讓我多挽四十年，繼續幸福地向大家炫耀炫耀 ^^

 

南歐之旅........險釀血案事件簿.......葡萄牙篇

險釀血案事件一：葡萄牙自駕遊......出煙事件簿
肇事機率：９９％
案發經過：
到達葡萄牙的波圖(Porto, Portugal), 在機場取了七人車, 車卻開不動, 原因是......我的技術差, 開不動"手波"的七人車...
C小姐頂上, 七人車順利開動, 向距離機場十分鐘的酒店出發, 惡夢卻由此而起...
我在副駕席, 看着C小姐有如冼拿上身一樣, 在陌生的環境下, 把七人車的速度一下子提升至百一，百二公里...
我：可以開慢D, 我地超速呀=='
C：係咩？個標板反光，我睇唔到呀！
我：=="
就快到既時候...
我：好似有Ｄ燒膠味喎，係咪未拉手掣呀?
C：唔係呀，拉咗啦！
後座敢死隊們：唔係喎，真係有味喎，仲愈來愈勁喎...
我：咁...到咗啦！泊車啦！
親愛的率先落車，走到車頭...
親愛的：嘩～～～～老婆，架車出煙呀！
我：冷靜Ｄ，唔洗咁大聲！（我同敢死隊們繼續收拾行李落車）
親愛的：架車出煙喎，咁點呀？
我：咁...........Check in先啦！
親愛的：吓？Check in先？你唔洗打開個車頭蓋睇下呀？
我：咁，你咪打開睇下囉，但係，你識睇咩？
親愛的：唔識呀！
我：咁咪係囉，Check in先啦！
浩浩蕩蕩咁攞咗房之後，開會，最後決定，去食葡撻先！
食完野，硬住頭皮再開車，都係唔掂，入唔到後波，出車時要大家一齊落車推車...咁點算呢？退咗架車？咁又點去山上既酒莊？點落里斯本呢？
一路行返去酒店時，途經一家中國雜貨店，我提議衝入去找人幫忙......
結果，在外地的同胞指點下，終可在翌日再次踏上征途！

險釀血案事件二：都係葡萄牙自駕遊......水溝油事件簿
肇事機率：７０％
案發經過：
高速公路飛馳中......
我：得返半缸油，要入油啦，架車要入汽油定係柴油呀？
Ｃ：梗係汽油啦！
我：我上年喺法國租嗰架車，入柴油噃，歐洲好多車都係入柴油架！
Ｃ：（馬上拿出contract摷）倚？係喎！真係入柴油喎！
到咗油站，有六支油槍，槍上面有似英文嘅葡萄牙文，都似Gasoline既串法，大概係Gasoloae，同Gasolone咁啦！
Ｃ：係柴油呀嘛！係咪即係呢支呀？我入啦！
我：係啩...
Ｃ：（已經入緊）
Ｐ：喂！唔係喎，呢幾支有個細隻既英文字Diesel喎，入錯咗喎！
Ｃ：吓？咁我停囉喎！
敢死隊們：咁點呀？
我：咁..........去個廁所先啦！
由油站洗手間出蒞，Ｃ已經問緊個油站靚仔職員......
結果，靚仔叫我地入返滿柴油，溝淡佢，博一博......
結果，咩都夠膽死既敢死隊就梗係....................博一博啦！
結果，又比我地博到喎！真係替間租車公司慘 =='
險釀血案事件三：仍然係葡萄牙自駕遊.......飛越懸崖事件簿
肇事機率：８０％
案發經過：
揸慣右軚既小黃菊揸住架左軚車向歐洲的天涯海角進發中...
C：小黃菊呀，開過小小你嗰便啦，我地就蒞飛落懸崖啦！
揸開右既小黃菊：哦！
後座的勇死隊成員：（抹一把汗）點解佢地可以講得咁輕鬆既？
險釀血案事件四：都仲係葡萄牙自駕遊......入錯路軌事件簿
肇事機率：６０％
案發經過：
入到里斯本，即係城市，車多，路繁忙，仲要已經入黑......
Ｃ：跟住點呀？
Ｐ：到啦喎，前面轉右係啦！
Ｃ：轉右呀？呢個路口呀？
Ｐ：er.........
Ｃ：（已經轉咗入去）
記住，當時係夜晚...
後座的勇死隊成員們：（七嘴八舌）嘩！入左鐵路軌呀！點算呀？快Ｄ轉返出去啦！
Ｃ：（繼續比油）
我：前面轉左啦！
轉咗左無耐，已經見有電車落緊蒞......
係囉！咪就係呢架囉！佢個車頭凹陷架，即係唔止我地入錯路軌啦！
險釀血案事件五：到達葡萄牙里斯本.......無床位，想殺人事件簿
肇事機率：５０％
案發經過：
在網上book咗hostel，六個床位，男女混合房，點知去到，話無位......
一時又話電腦無顯示，一時又話個房比咗人，要拆開我哋一人一間同其他人瞓，講咗又攪咗好耐，終於都比返一間房我哋。
實情可能應該或者毫無疑問以為我地咁夜都唔到，比咗床位walk in客，我地到咗，見我地想殺人咁既面口，即刻同我地死番掂佢！
險釀血案事件六：葡萄牙里斯本.......Hostel 跌落樓事件簿
肇事機率：３０％
案發經過：
Our room
張床，緊貼窗邊，無窗框，無圍欄，仲蛋拖超高......

結果，我瞓親愛的上面張床...
結果，我無碌落床，又無跌落街...
結果，碌落床既，係另有其人...
事緣清晨六點幾，某某叫某某一齊起身去洗手間，點知阿某某唔慣瞓咁高既床，一個無為意，跌咗落床......
大家都即刻起身扶起某某，安頓後，某某同某某就去咗洗手間......
N：點解會咁既？
親愛的：嘿～我睇晒成個案發經過，首先係咁咁咁，然後又咁咁咁（一面講，一面示範），跟住咪咁咁咁囉！
N：（因為親愛的好搞鬼，忍唔住笑咗）
某某返到蒞：你個阿N，人地跌親你仲咁大聲笑人，我喺廁所都聽到呀！你好野呀！
N：唔係呀..........(百詞莫辯......)
險釀血案事件七：里斯本.......nicam事件簿
肇事機率：２０％
案發經過：
葡萄牙人比較和善好客，就算佢唔識英文，都會同你講一大輪葡文，仲要當你明佢講咩...
我地坐

落車之後，有個婆婆好好心咁指示我地方向（遊客都係去嗰ｄ地方架啦），親愛的順勢拿張葡撻相出蒞問阿婆，阿婆好努力咁講咗一大輪，然後...

親愛的：真係想拎個remote 出來，轉呀婆nicam呀！險釀血案事件一：葡萄牙自駕遊......出煙事件簿

南歐驚險旅行團.......行程篇

Day 1 ~ 2 (1-2/8/2011)
singapore airport
Day 3 (3/8/2011)
羅馬水道橋+白雪公主城堡 + 樓下示威 @ Madrid
我的名牌手袋

Day 4 (4/8/2011)
皇宮及市內觀光 + SEAFOOD LUNCH + Outlet w/地鐵封站封路 @Madrid
Lunch at apartment. We've oysters, salmon, shrimps, foise, soup and bread.


Day 5 (5/8/2011)
Sea food Lunch at market + Cook sea food dinner at apartment w/比人昆 @Barcelona

一餐比一餐勁：聖子，蝦，魷魚仔，白酒煮青口，法國麵包蟹…
Day 6 (6/8/2011)
市內觀光：米拉之家+聖家church+Cable car to castle 睇全景 @Barcelona

Day 7 ~ 8 (7-8/8/2011)
Cruising at the mediterranean sea
上車去碼頭
NCL Epic
Day 9 Cruise (9/8/2011)
Pisa + Florence@ Italy w/ lost the train ticket

Pisa
聖母堂@Florence
Day 10 Cruise (10/8/2011)
Roma : Vatican+許願池+Colosseum+真理石@ Italy
凡帝崗Vatican
許願池@Rome

Day 11 Cruise (11/8/2011)
Naples@ Italy


Day 12 (12/8/2011)
Cruising at the mediterranean sea
Day 13 Cruise (13/8/2011)
Palma : 市內觀光+swam at the mediterranean sea
日出中 @Palma Island @ Spain

swam in the mediterranean sea
Day 14 (14/8/2011)
outboard, 奎爾公園 w/又比人昆@Barcelona

Day 15 (15/8/2011)
Porto + rent a car w/ a bomb in the car @ Portugal

Day 16 (16/8/2011)
drove to wine yard
wine yard
Day 17 (17/8/2011)
drove to the sunset and Lisboa
歐洲最西面的日落@葡萄牙
Day 18 (18/8/2011)
Visted the city centre. Fly to BCN + Dinner at Italy resturant


Day 19 (19/8/2011)
Had seafood lunch and brought ham at market. back to HK

吸收"福"射之旅...日本...九州...熊本&太宰府

過咗成個月先至寫下集，因為..........都係去咗玩, 去完日本再去南歐玩咗幾個星期, 剛剛至返到^^

 

別了別府後，搭乘橫斷火車到熊本，途中......

                      遠眺阿蘇火山

 

到達熊本, 在火車站寄存了行李, 便搭電車去熊本城。

 

                         熊本城

 

                          城內外眺

 

             城內，有熱心的義工在講解

 

 

在熊本吃過元祖熊本油膩拉麵後，再到火車站搭上通車不久的新幹線直達福岡，未己，已日落西山了。

 

到達福岡火車站後，問明巴士路線，便跳上巴士，豈料，上錯車......

 

大約九時左右到了總站，向零英語的巴士司機詢問，他二話不說，把我們車到巴士車廠=='

 

車廠內原本只有兩位職員，後來陸續有巴士司機收工回來（九時便收工！），見到我們都很好奇，他們都很盡力地與我們溝通，最終也知道我們的目的地是Hilton Hotel－－－－他們棒球隊Sea Hawk附近。

 

最後，有一位巴士司機親自帶我們走了十分鐘的路程搭西鐵，途中，不停跟我說韓文=='

 

最最後，在月台與好心的司機道別後（送我們到月台！），搭上西鐵，懷着感激的心情到達酒店......

 

翌日，又搭西鐵到太宰府走走。

參道，有很多特色的東洋物品食品用品等手送^^

 

 

                  求學問的太宰府

 

          一張紙條，一個祈求，一個盼望

 

傳說中的飛梅----梅花樹因主人被貶至福岡仕小官,這棵常伴主人的梅樹因掛念主人,一夜間飛到太宰府......也有說是飛梅因太仰慕太宰府主人的學問而飛來相伴........

 

鳥居－－－－日本人相信鳥是神的使者，可以把人的願望帶給天上的神明，所以他們起造鳥居給雀鳥作休息之用

 

                      清涼清澈清爽^^

 

太宰府的傍邊，是九州最大的博物館－－－－九州國立博物館。

最後，是福岡的市內觀光..........雖遇上颱風，但朝陽仍然眷顧我們^^

 

到日本玩了六天，浸了六天的溫泉－－－－哪怕是三十多度的高溫！

 

如果再去福岡，我會到福岡西鐵站的旅行部（Nishitetsu）買一日遊的套票到附近郊區走走，三四千日元便包交通溫泉和料理，很化算；另外也可以選擇到離島走走看，應該會很不錯。但我最想去的，是九州的天草島－－－－很冷門吧！一定會很有趣呢！