顯示具有 鳳凰重生記 標籤的文章。 顯示所有文章
顯示具有 鳳凰重生記 標籤的文章。 顯示所有文章

2013年4月1日 星期一

四月一日是餘人..........餘生請你指教的人

一年一年又一年,十五年了,互相嘶殺了十五個年頭,來到了今天。

你不體貼,

但我會記得你每天晚上為我倒的一杯水,

放在床頭櫃上的一杯水,

放在我每天要服用藥品旁的一杯水;

你不溫柔,

但我會記得你每次購物時為我提重物,

也記得每次上街為我挽包包,

還有,還有進餐前為我摺疊好的紙巾。

每次吵咀後,

也是你先打破困局的。

以後,我們大概不會不吵咀吧?

到時,也請你高抬貴手;

而我,也會多學習體諒容忍。

我想,

你會是與我共渡餘生的人;

我相信,

你也是這樣想的吧!

我們還有很多事很多物很多情要學習呢!

餘生請你指教了^^

愚人雜思憶

http://blog.yahoo.com/daisywong/articles/62261/index

細說新語

http://blog.yahoo.com/daisywong/articles/656829

 

2012年6月13日 星期三

八條腿......拯救隊

上星期二傍晚駕車回家途中,發現有一八條腿的小朋友在車頭玻璃上。

第一時間叫自己先冷靜,然後看清楚它在外面,還是裏面。

不幸地,小朋友與我存活在同一空間......

正在掙扎應該冒着生命危險飛快回家,還是把車停下作處理時,它活潑地在玻璃上爬來爬去。

馬上找個路傍把車停下來,想濫用警力找警察先生幫忙,但警察找不到,只在車尾找到一隻人字拖。

有人說,把它打死的同時,它肚子內的小小孩會四散逃跑......

而且,我不見得有打死它的勇氣。

結果,我把人字拖擊在它身傍。

結果,它走入了冷氣槽內。

我懷住戰戰兢兢的心情把車駕回家,再在家中取來一支生化武器,把車廂都沈沒了。

第二天,不敢駕車上班,並且盤算把車賣掉。

親愛的:呢D野多數一對架。

同事H說:一定係你老公放架,上星期就喺浴缸放蜈蚣,而家就放蜘蛛。

這幾天,杯弓蛇影。

今天外出午飯時......

後座的同事P上車後:你個八隻腳小朋友反咗肚噃。

前座的同事O:好囉,唔洗拋西瓜都可以搵返條屍,西瓜都慳埋。

同事H見到遺照:你老公都好狠喎!(果然,有家室既女人係會好有危機感)

同事C:咁你有無見到佢屋企人呀?(呢D真係好朋友...)

親愛的說:你發現咗隻公呀?好消息係,公係無毒架。(我話無毒不丈夫就真



2011年12月26日 星期一

我的名牌手袋




你有名牌手袋嗎? LV? GUCCI? AGNES B? PRADA?


妹妹說:不要開始買第一個,否則,你會一直買下去,永不超生......


後來,我真的買了第一個;然後,第二個;跟著,第三個......


現在,我的口頭譂是:買手袋既QUOTA爆咗.....


因為,已經夠用啦,用唔切......


因為,我每日都挽住全世界獨一無異,價值連城,手快無,手慢都無的名牌手袋......



我的名牌手袋


今日,係我的名牌手袋生產四十周年紀念日,祝福佢可以好好保養自己,讓我多挽四十年,繼續幸福地向大家炫耀炫耀 ^^



 

2011年5月15日 星期日

王子公主奴隸獸

王子,除了配公主,原來也可以配灰姑娘。


公主,除了配王子,還有其他選擇嗎?


乞兒王子,應該配誰呢?


聽過乞兒王子的故事吧?


有?


沒有?


忘掉了內容? 


有沒有聽過.........乞兒公主的故事呢?


在不是很久很久的現在, 有一位乞兒公主........


乞兒公主自小家貧書少讀----即係唔係好識字,不學無術咁囉...


乞兒公主家中,有...





公主床





公主魔鏡(問巫婆借來的...)





公主水晶燈





公主裙


當公主在書房上網時,她的奴隸獸,巴拉巴拉,在廚房洗洗擦擦;


當公主玩了一整天後,剛收工的巴拉巴拉會自動自覺為主人按摩;


當公主外遊時,巴拉巴拉守在家裏;


當公主生日時,巴拉巴拉為主人準備驚喜生日會;


當公主兩手空空逛街時,巴拉巴拉雙手拿着一貨櫃的東西跟在身後......






公主,配奴隸獸,好像更為合適...


試想想,王子,富有高貴有教養但有脾氣挑剔嫌棄要求高花心風流;


奴隸獸,廉價但任勞任怨,當然,也是有脾氣的,畢竟, 是'獸'啊!也有可能花心......



我想,巴拉巴拉還是適合乞兒公主吧!


你的巴拉巴拉呢?找到了沒有?快些找一隻回來吧!


2011年4月28日 星期四

很重要和不很重要的

每年都期待四月的交流考察團,因為可以走出井底,看看香港以外的教室,看看香港以外的生活......


 


啊!原來台灣的小學一星期只有一兩節英文課!原來別人的校舍是有足球場的!原來內地的大人小孩有午休午睡的時間!原來自己生活的地方是很富足的!原來我們都是很幸福幸運的幸運兒!


 


期待,也因為一大班相識的人,一起學習,一起遊玩,一起胡鬧,不是常有的機會----尤其當人長大了,被很多很重要或不很重要的人與事牽絆着,常常令我們放不下,離不開。


 


今年出走的兩日一夜,令我們暫時放下纏繞,重回學生時代...... 因為出發前,已經有人跟我說:喂!通頂囉=='(也真是學生時代才有如此膽量!)


 


結果,我們......





在青翠的林木中留下青蔥的倩影


 


 





飛簷走壁

 

 





高瞻遠矚

 

 





然後, 回到現實裏

 

 





體會人的緲小

 





也體會人的重要

 


令我更加珍惜眼前看似很重要或不很重要的----人和事。


2010年6月25日 星期五

她, 也來了

從前,總是很痛恨你,


痛恨你那尖尖的下巴,


痛恨你那火紅的朱唇,


痛恨你那婀娜的身影,


忽明忽滅地出沒在我家的露台,


痴痴地凝望着我;


但每當我走近,


你卻又一動不動,


故作不知,


令我患得患失...


  


 


有一年,你悄悄地走後,


有幾十個小小的你,


出現在我面前,


剎是可愛!


 


自此,


我對你不再是那麼厭惡了!


  


  


縱然你再張牙舞爪,


  



我也不驚擾你,


任由你強而有力的臂膀,


在我面前展現...


 


 


 


悄悄的你,


又在幽暗的夜裏來襲...



今年,


你要留下千個小螳,


還是萬個小螂呢?


 


2010年6月16日 星期三

阿蟬來我家

每年,阿蟬都來我家...


每年,阿蟬都來我家提醒我,悠長的夏日來臨了!


今年,阿蟬又來了...


  


  


  


雖然,阿蟬很吵耳,每天不分晝夜地鳴叫,蟬仔小小卻響徹雲霄!


 


有時,真的很煩擾;但一想到,他們雌伏在泥土內三數年,長大後,卻只能吵三數個星期,不禁唏噓無限...好!我忍你!


 


阿蟬,盡情燃燒你的生命吧!希望明年,我仍可以等到你再來我家!


 


2010年5月20日 星期四

我的周星星同學.........們

周星馳電影的經典一幕......


化學老師:呢位同學叫咩野名?


星星:周星星


化學老師:你呢?


小山:黃小山


化學老師:(面向黃小山)周星星同學,我地而


      家開始啦!


 


每日上課,都有類似的事件發生...係每日!


 


事件一 


三年級英文課...


我:open your book and turn to P.46


學生:打開第幾頁呀?


我:P.46!


另一個學生:我地而家做咩呀?


我:.........(究竟我喺度做緊咩呀?)


 


事件二 


另一班三年級,常識課...


我:用藍筆圈住既地方,要特別留意,但吾洗你地


  寫詞語啦!


即刻有人舉手:老師,藍筆圈住既要吾要寫詞語呀?


 


事件三 


舞蹈比賽完結後...


我:而家攞齊d野,check多次對鞋有無攞齊,我地要


  落樓上車啦!


落到樓下...


學生:我漏左對鞋呀!


我:......(仲可以點呀?)


 


事件四



帶學生去電視台表演,有個學生負責拿一支喇叭作道具,回程前提他要拿好...


回到學校門口...


老師:聽日比賽,你記住帶埋去喎


學生:哦!


老師:你放入袋,吾好再攞出蒞啦!


學生:哦!


老師:依?你剛才有無攞返蒞呀?


學生:有呀!而家喺個袋度!


老師:哦,咁你返去啦!


老師返到教員室,收到電視台電話,話我地漏左支喇叭...


老師馬上打電話比學生...


老師:你支喇叭呢?


學生:喺個袋度囉!


老師:你打開個袋睇下


學生:哦...呀...吾見左...


老師:........(男人,無論幾多歲,都


   係信吾過!)


 


化學老師,緊有一個喺左近...


 


同場加映:吾膠擦 


指導學生英文作文中...


我:你個fullstop應該寫埋喺上一行...


學生:有呀!寫左啦!


我:咁,你吾擦左呢個既?


學生:吾膠擦!


我:吓?(你吾係講粗口呀?)


學生:吾膠擦!


我:你講咩話?(o靚仔,講粗口?)


學生:吾膠擦!


我問另一個學生:你聽吾聽到佢講咩呀?


另一個學生:......


我:你慢d再講多次啦!


學生:我吾記得左擦呀!


我:......(笑到出吾到聲)以後講野要逐


  隻字講清楚啦!


 


同場再加映:你會有報應


老師:你吾乖,我要寫你手冊,攞手冊出蒞!


一年級死仔包:吾攞!


老師:咁我叫你班主任同你寫啦!


一年級死仔包:你會有報應架!


 


老師帶住個死仔包去見班主任...


班主任:你有無咁講過呀?


死仔包:無呀!


老師:你無?


死仔包:無呀!你老人痴呆之馬!


2010年2月8日 星期一

如有笑死,閣下自理


警告:以下事件全部屬實,如有笑死,閣下自理!


 


某一年,任教二年班的中文;


有一篇作文的課題是----我的媽媽


我:同學,有無人吾知媽媽叫咩名架?


一二三四五六七八九隻手舉起上蒞...


我:咁...嗱,今日返屋企記住問下媽咪叫


  咩名喎!


同學們:哦! 


第二日...


又係我:同學知道媽咪叫咩名未呀?


都仲係有四五六隻手舉起...


都係我:咁...其實你地可以喺手冊度噚到媽媽


    個名架噃!


同學們:哦!


結果,我收到以下一篇作文:


我的媽媽叫陳太...


 


 


有一年,同事收到以下呢份考試卷...


有一天,我和媽媽到XX去,在X上,我們見到一個老皮皮,老皮皮在X着XX,我們見到,馬上走上前去X老皮皮,我XXX,媽媽XXXXXXX,後來媽媽和我XXXXX,XXXXXXX,老皮皮說:XXXXXX,XXXXXXX,XXXXXXXXXXX,XXXXXXXX,最後,XXXXXXX!


 


成篇都媽媽XX...


 


2010年2月5日 星期五

跳掣燒fuse

近排,忙...


 


試後入分(幾十萬樣勁複雜極抽象的各項進展性評估分,考試分...);


填寫各項試後表格;


試後各科組的長途會議(校務會議,校支組,英文科,常識科,數學科,視藝科...);


編寫進度;


設計英文科寫作工作紙;


編寫全方位教材(包括開會,powerpoint,教學流程,工作紙,活動安排...)


帶隊比賽(籃球,舞蹈,兩星期內出了三次比賽兩次表演...)


視藝科要安排學生作品參展...


 


前個星期五,放學後連開四個全方位教學會議,結果,右面肩頭打上抽筋至右面大腦----名副其實"痴"孖筋...


 


星期一至五,最基本的朝六晚六;


有時/常常,還要在home office加班...


 


上星期日,帶學生外出表演...


這個星期六,帶學生到電視台表演;


這個星期日,黃昏時帶學生外出比賽至晚上十時----第二天,還是要朝早六時正爬起來穿帶整齊上班去...真係想請事假(因累請假一天^^)


 


上星期一連幾天,工作至夜深;


終於,上星期四晚上,我完成左一個powerpoint,第二個ppt 做左一半時(大概十二點左右啦!),嘩啦嘩啦地一吐而快----真係做到嘔!


我視之為燒fuse...


最後,都係做多45分鐘就瞓啦!都叫做完成左大半啦...


 


多項選擇題:


點解小妹會跳掣燒fuse(嘔)呢?


A 因為身體弱左好多


B 咁做法,超人都死


C 天讉


D 犯賤


 


By the way, 近排個腦真係吾夠RAM用,好多字都吾記鬼得點寫,吾好話英文(complicated都吾記得點串,要查字典...),連中文都吾識(吾記得 "複雜" 個 "複" 字,硬係以為係 "復雜" 或者 "覆雜"...仲有 "筋" "痴" "掣" 字都吾記得點寫...),呢篇blog寫左我個半鐘(平時15分鐘就KO啦!),咁既水平教書,真係呃飯食...


吾緊要啦!做晒以上事務性既工作,都無咩可能有時間教好D書架啦!


2010年1月20日 星期三

港燦北上拾趣記

以前北上,多數都係羅湖城闊太;


而家北上,吾同年齡層面都有;


當然,活動方向都吾同啦!


按摩美容,書城買書,日本餐廳豪吃,小肥羊打邊爐,各式其色...


 


這一天,跟狗場主人北上...


 


場景一 福田文具批發中心


一面揀文具,一面傾閒計...


主人:想買水仙頭,吾知呢度有無呢?


我:副校話佢浸左水仙啦!問我要吾要呀!佢好似


  都行呢頭架喎...


主人:日頭吾好講人呀!但佢好似識去再平d既批


            發喎...


吾夠三分鐘,副校真係出現我地面前...


 


場景二 地鐵出口


主人:我上次喺水上明珠都撞到羊sir呀!


我:咁...點呀?佢同邊個蒞呀?


主人:我見佢一個人,佢話同老婆蒞喎!


我:(好衰咁)大老婆定小老婆呀?


主人:吾知呀!我趕住入房...


我:嘩!比着我,第一時間問佢攞揞口費啦!蝕


  左啦你!


 


注:羊sir其實係正值老實既好男人,衰嗰個係我!


 


 


場景三 福田人人樂百貨暨超級市場


一班客人在揀緊開心果...


主人:嘩!d開心果可以逐粒揀架?


我:依?佢地响南京買返蒞既碧根果噃!


主人:(已經逐粒揀緊...)


 


 收穫...


 


 


 


其實,都吾知買蒞做咩...因為我都吾係好食pancake既...但係見到好鬼得意,又平,所以忍吾住...


2010年1月16日 星期六

請你滾...滾起佢!

學期即將結束,是我們又忙,又快樂的日子!


忙,是因為上下學期交替,要趕緊完成上學期的工作的同時,又要開展下學期的工作...


縱然學生上課半天,但我們仍要留守開會改卷入分;但也因為學生下午不用上課,可以回家吃午飯,我們這班奴婢也不用侍候主子們午膳了!


 


平日午飯...


 


三十五分鐘內要安排學生洗手派飯食飯收拾食具寫手冊去廁所排隊小息;逢星期三,五仲要膽拖檢查學生手冊...


我和同工們都好有效率,簡直係社會精英,國家棟樑啦!咁mission impossible既野,每天都發生,每天都解決到!仲有時間淨...因此我吾明點解好多小朋友在家吃飯時,又要氹又要罵,仲要成個鐘!


 


黃金三十五分鐘內...


 


學生A:(攞住個食哂既飯盒出來)老師,得未呀?


老師(即係我啦!):...(含住啖飯點頭)乖啦!


學生A:(將個飯盒返入飯箱度,返埋位寫手冊)


 


學生B:(攞住個食左兩啖既飯盒出來)老師,得


     未呀?


老師:(嗱嗱臨吞埋啖飯)未得呀!食得兩啖,浪


    費哂D食物,返埋位再食多D啦!


學生B:我好飽啦!


老師:咁我叫你媽咪吾好再安排零食比你帶返學啦!


   小息時食完零食,而家又吾願食飯!


學生B:...(無聲出,返埋位誓願...)


 


學生CDE:(食完飯,鬼殺咁嘈...)


老師:(溫柔地)食完飯就寫手冊,或者攞野出蒞


    做,一陣間小息先玩啦!


學生CDEF:(吾識死,繼續嘈...)


老師:(仲有半盒飯未食)吾好再玩啦!


學生CDEFG:(靜左一陣,繼續玩...)


老師:(着左火,下刪三百字,太得人驚啦!)


 


每天都發生...直至......


考試,學生上課半天...


嘿!我們會...


 


 


 


 


 或者...


 


 


 


仲有幾日好日子過...


 


2010年1月8日 星期五

追趕跑跳碰日子中的樂子

復工後,忙亂了一陣子,轉眼間,又開始放聖誕假了!


以為聖誕假期可以好好玩一下,豈料整個假期都要背着個大藥煲!


 


         第一煲


  


 


          第二煲


  


 


 


       最近一煲...


  


  都未斷尾...


 


最後,假又放完,錢又洗晒(去執藥),工又要返...仲未病好添!


 


結果,只有在尋常的追趕跑跳碰日子中找樂子...


 


本來,我一星期的安排是(亂得)很有規律的:


星期一 最忙亂的一天,放學後回家休息


星期二 這一天不那麼忙,放學後和同事逛街晚膳


    或買菜回家煮飯仔


星期三 工作工作和工作,回家休息


星期四 拚命工作,回家休息


星期五 開會後盡早離開,找樂子去,渡小週末


 


但這一個星期,忙亂了好幾天----忙着工作,忙着看醫生...


因此,星期四,拚命工作後,我們再拚命去找樂子!


 


 未入電梯,我們會...


 

 


 


 


 


 再看看三年前的我們...


 


 食左防腐劑!定係三年蒞都咁白痴...


 


 


然後,一個特價20大元牡丹樓巨無霸餐,三個人分...仲要多左兩杯水同一把膠刀(用蒞分贓...),每人7個大洋,未食,已經覺得好鬼抵!


 


跟住,逛超市,行左成個鐘,三個人買左五百幾蚊!


 


 送走左保保媽,和狗場主人在快餐廳的快樂晚餐!


 


 


 


第二日,我地仲無聊到作詩...


大藥煲要煮risotto


狗場主人要打邊爐


保保媽要食麥當奴


愛美妮食吾到蝦堡


結果走左去噚Juno


 


...真係,無聊到爆,白痴到死!


 


有時,快樂真係可以好簡單!尤其係當你吾太介意自己係一個又白痴又無聊的人時...


2009年12月12日 星期六

我的快樂生辰

以前,生辰對於我,是年月的更替,是時日的見證----啊!又大/老一歲了!


今年,要走到這一天,很不容易,因為要走過很長很斜很崎嶇的路...


走過了,走得過,也是好的!


現在,每過一個生辰,就代表我又賺了三百六十五點二五日;每一個生辰,對於我,都得來不易!


因此,每年的生辰,都要見見朋友,好好相聚一番!


 


上一次和姐妹們一起大吃大喝,是在我成為長期病患者前夕...


http://hk.myblog.yahoo.com/daisywong1209/article?mid=325


當時,美食當前,雖然食而不知其味,卻也知道姐妹們沒有說出口的關心關懷!


 

 


 

 


 


從相片中,大概也找不到任何我將趕往刑場的諸絲馬跡吧!我想,大家當時內心,都是不無唏噓的...


 


 


  今天,再次聚首一堂,歡聚一番,我發覺...


  

 


  


  


  


  


       大家都越來越漂亮了...


 


  


 


   每年的生日,也有他們陪着我走過...


 


 


        無言感激...


 


 


   也有他,陪我走過了十五個年頭...


 

 


 


       送我高級禮券...


 


 


      帶我遊公園...


 


 


  帶我外遊...離島...機場酒店...


 

   


 


      吃超值自助餐...


 

 


 


遺漏了約會你嗎?不要緊,來日方長,你電我或我電你呢?