以前北上，多數都係羅湖城闊太；
而家北上，吾同年齡層面都有；
當然，活動方向都吾同啦！
按摩美容，書城買書，日本餐廳豪吃，小肥羊打邊爐，各式其色．．．
這一天，跟狗場主人北上．．．
場景一 福田文具批發中心
一面揀文具，一面傾閒計．．．
主人：想買水仙頭，吾知呢度有無呢？
我：副校話佢浸左水仙啦！問我要吾要呀！佢好似
都行呢頭架喎．．．
主人：日頭吾好講人呀！但佢好似識去再平ｄ既批
發喎...
吾夠三分鐘，副校真係出現我地面前．．．
場景二 地鐵出口
主人：我上次喺水上明珠都撞到羊sir呀！
我：咁．．．點呀？佢同邊個蒞呀？
主人：我見佢一個人，佢話同老婆蒞喎！
我：（好衰咁）大老婆定小老婆呀？
主人：吾知呀！我趕住入房．．．
我：嘩！比着我，第一時間問佢攞揞口費啦！蝕
左啦你！
注：羊sir其實係正值老實既好男人，衰嗰個係我！
場景三 福田人人樂百貨暨超級市場
一班客人在揀緊開心果．．．
主人：嘩！ｄ開心果可以逐粒揀架？
我：依？佢地响南京買返蒞既碧根果噃！
主人：（已經逐粒揀緊．．．）
收穫．．．
其實，都吾知買蒞做咩．．．因為我都吾係好食pancake既．．．但係見到好鬼得意，又平，所以忍吾住．．．
福田文具批發中心 點樣去呢?
回覆刪除[版主回覆01/21/2010 23:07:00]搭車去．．．
福民站，好似係Ａ出口，近小肥羊架！
真係日頭唔好講人，好邪架~~~~
回覆刪除[版主回覆01/21/2010 20:46:00]係囉．．．
咁都被你遇到熟人
回覆刪除[版主回覆01/22/2010 23:22:00]係囉, 去台灣同澳門仲撞到七彩呀, 真係約都無咁準!
週圍行吓，買吓嘢，真好 ! 話唔定遲啲係街都會撞到你 !
回覆刪除[版主回覆01/21/2010 20:44:00]咁邪？
我今個星期二都上過深圳羅湖城買野~~
回覆刪除[版主回覆01/21/2010 20:43:00]有咩收穫呀？
依家都唔知幾多朋友上去飲飲食食, 朋友還教我到錢柜唱K, 唱足一個下什都係$35, 唔知係唔係呢!
回覆刪除[版主回覆01/21/2010 20:43:00]係囉！ｄ人話唱ｋ好抵，但我都未試過，我驚我吾識走火警呀！
約咗班太去買中國服, 遲d有表演呀!
回覆刪除[版主回覆01/21/2010 23:11:00]ＷＯＷ～～ 好耐無去羅湖個邊，都係去福田多Ｄ！我有朋友有以下經驗．．．
小弟在剛過去的聖誕節假期, 在羅湖商業城五樓某酒樓進餐, 正值晚市之際, 座無虛席, 門外陸續有知音客守候, 忽然一隻體型龐大的老鼠在食肆正中的通道, 以袋鼠的步法、劉翔的速度, 彈下彈下走過, 在場人士無不目定口呆. 同場還加演酒樓職員追捕米奇老鼠一幕. 素來講求效率的內地酒樓職員, 竟然在事發後十多分鐘, 賓客仍在場的情況下, 展開追補行動...
我住天水圍, 去福田口岸或深圳灣口岸仲快過出市區
回覆刪除[版主回覆01/21/2010 23:10:00]而家深圳都係市區蒞．．．
我都想去買下書, 但係大鄉里唔識路
回覆刪除[版主回覆01/22/2010 14:26:00]去到福田口岸, 過左關, 入地鐵, 去少年宮(好似2蚊人仔), 就到左龐大既新書城啦!
揾日煎隻牛牛旦黎食下啦!
回覆刪除[版主回覆01/22/2010 14:26:00]不如試下pancake啦!
IF i go to 福田文具批發中心by taxi.Is it expensive? How much is it?
回覆刪除[版主回覆01/24/2010 12:19:00]^^ 你想响邊樹搭車去先? 如果係你屋企樓下就無taxi可以直接去到囉!^^
從福田口岸大概都吾洗跳鏢, 因為係直行一百米左右, 皇崗去都好近, 吾洗跳鏢或廿蚊樓下啦! 在福田口岸搭地底車就一個站2蚊人仔!
你幾時得閒, 我同你去仲好啦!
咁~~~ 福田口岸點去架? 我次次過左海關就有人押解我去目的地, 只係識去羅湖交通城, 同皇崗口岸
回覆刪除[版主回覆01/25/2010 21:15:00]我諗你搭西鐵去到元朗站，地下有Ｂ１去落馬洲鐵路站（即係福田口岸）；如果搭火車，上一班往落馬洲鐵路站（福田口岸）既列車，總站落車後過左關就已經係地鐵站，自動售票機選＜少年宮站＞，２蚊人仔
另外，皇崗口岸坐的士去都好近，廿蚊人仔左右啦！
好似好多野買喎~~
回覆刪除[版主回覆01/26/2010 21:31:00]好多假野買^^
哦! 明白了, 唔該晒! 我呢個隱蔽阿叔, 都要搵日出動下
回覆刪除[版主回覆01/26/2010 21:33:00]新書城(即係少年宮)好行過舊書城, 闊落好多好行好多!
錯啦, 感冒不同情緒, 感冒要檢查清楚咩事, 因我長期好密都常病者, 他無奈者, 他雖然係基督徒都係人.
回覆刪除[版主回覆01/26/2010 21:31:00](Empty)