上星期二傍晚駕車回家途中，發現有一八條腿的小朋友在車頭玻璃上。
第一時間叫自己先冷靜，然後看清楚它在外面，還是裏面。
不幸地，小朋友與我存活在同一空間......
正在掙扎應該冒着生命危險飛快回家，還是把車停下作處理時，它活潑地在玻璃上爬來爬去。
馬上找個路傍把車停下來，想濫用警力找警察先生幫忙，但警察找不到，只在車尾找到一隻人字拖。
有人說，把它打死的同時，它肚子內的小小孩會四散逃跑......
而且，我不見得有打死它的勇氣。
結果，我把人字拖擊在它身傍。
結果，它走入了冷氣槽內。
我懷住戰戰兢兢的心情把車駕回家，再在家中取來一支生化武器，把車廂都沈沒了。
第二天，不敢駕車上班，並且盤算把車賣掉。
親愛的：呢Ｄ野多數一對架。
同事H說：一定係你老公放架，上星期就喺浴缸放蜈蚣，而家就放蜘蛛。
這幾天，杯弓蛇影。
今天外出午飯時......
後座的同事P上車後：你個八隻腳小朋友反咗肚噃。
前座的同事O：好囉，唔洗拋西瓜都可以搵返條屍，西瓜都慳埋。
同事H見到遺照：你老公都好狠喎！（果然，有家室既女人係會好有危機感）
同事C：咁你有無見到佢屋企人呀？（呢Ｄ真係好朋友...）
親愛的說：你發現咗隻公呀？好消息係，公係無毒架。（我話無毒不丈夫就真
好搞笑呀! 不過如果係我, 可能已經棄左車啦...haha...
回覆刪除[版主回覆06/14/2012 11:26:46]我d朋友好搞笑, 同埋搞事囉=='
哈哈哈~~~好好笑﹗你可以出笑話集
回覆刪除[版主回覆06/18/2012 21:35:16]實情係, 好得人青架><
點頂！笑死人！
回覆刪除[版主回覆06/28/2012 23:14:26]嗰條青竹蛇, 應該係入去車頭捉老鼠, 然後比野CAKE住咗, 返唔到出蒞; 你就唔啱啦, 人地幫你滅鼠, 你都唔幫返人...
[版主回覆06/28/2012 23:11:42]那些年, 麻省都唔少呢D蛇蟲鼠螞, D蜘蛛都大大隻, 成隻手板咁大, 好在當時有OP做清潔, 因此沒有與蜘蛛同'車'的機會...
[fatty回覆06/18/2012 23:10:35]那些年，住大嶼山石壁宿舍，試過開車無幾耐，有條青竹蛇係車頭吐舌！哈哈，當年我地係大嶼山的私家，架架都係錢七漏水之流，都唔知會唔會走入車廂！第二朝就見條蛇係車頭內熱死左！也成日有老鼠走入車頭內，咬 d 電線！
[版主回覆06/18/2012 21:35:58]嚇死人就真=='
無毒大丈夫..哈哈
回覆刪除[版主回覆06/18/2012 21:36:17]好毒...
Long time no see. 又, 幾個月前男友車內有隻半個手掌咁大的蜘蛛, 毛毛的, 真係嚇死. 又又, 去年屋企有隻一個手掌咁大的在屋角, 佢背上有數百隻半粒米咁大的BB, 仲驚..
回覆刪除[Phyllis Phoebe回覆07/10/2012 14:33:58]好彩附近住左個唔怕的女生, 急CALL佢黎用生化武器. 一噴D BB四散, 跟住又狂噴一輪先死晒...
[版主回覆07/02/2012 23:24:23]嘩！真係超級恐怖！尤其係背上有ＢＢ嗰單，真係.............結果你點對付佢呀？生化武器定係煲Ｄ十三太保過佢安胎呀？
[Phyllis Phoebe回覆07/02/2012 13:35:55]你LEE隻小CASE啦.. 我一年O係屋企殺好多隻.
你驚八隻腳曉朋友,睇你唔出wor!
回覆刪除[版主回覆08/16/2012 08:48:27]除咗貓同狗, 基本上識郁既我都驚, 尤其係蜘蛛老鼠曱甴蜈蚣蝘子蛇!