2008年7月23日 星期三

正菜

香港人話"正",即係好,筍,頂級既意思


入院時,我有"正"飯食


  


 


  究竟"正"菜,有幾"正"呢?睇睇......


  


 


        呢個咪"正"肉囉 


  


 


          "正菜" 


  


 


    間中吾會煮生米既"正飯" 


  


 


呢個係私貨既營養品,$18一包,我訂左兩箱,有橙汁同桃汁----因為我係勁吾飲得奶架!佢地成日都幫我吊住條命架!


     


黃金海岸既早餐

昨晚,好叻女,無食安眠藥,間中醒下咁都瞓到今朝8點鐘


太多時間係屋企,會屈悶自己......


於是,去左附近既黃金海岸食早餐!


Hige呢?係黃金海岸既牡丹樓咋!


 


  雖然都係食吾晒,但都已經算係好好胃口啦!


  


 


      仲有靚靚景致陪住我呢! 


  


 


        呢間係準基住過既酒店


  


2008年7月22日 星期二

病簿十五......我又出冊啦.......又係英國...女皇醫院既天字一號房

星期日,打到第六針白血球針時,半夜d骨痛醒左,考慮左好耐,決定食一d止痛藥----因為化療期間,我係吾可以亂食藥架!


最後,都叫做止到痛...


第二朝一早係星期一,即刻打電話比腫瘤科姑娘問下d藥仲食吾食得啦!


姑娘話無問題,叫我8月1日至返去覆診


於是,我繼續打埋第七針


結果,下午2點開始發低燒,但就一點一點咁燒上去,一個鐘裏面,由37度,升到37.7度


 


再打比姑娘


姑娘:m......其實......你都吾算發燒既


我:我覺得自己愈來愈燒喎,而且,我之前因為


  發燒,要住院勁吊抗生素喎


姑娘:咁...你3點9之前返吾返到黎?


我:得......(我咁驚死,梗係得啦!)


 


結果,又係留院


結果,又係天字一號房


結果,今日9點幾醫生話比我出院


結果,要抽血等埋報告至出得院----因為醫生話我肝功能有d問題


結果,3點鐘都終於走得


Home, home, sweet home!


 


輕鬆位一


診療室內,我,老公,靚女醫生...


我:咦?隔離房咪係搞鬼醫生(即係我既主診)


老公:係囉,我都認得佢把聲


我:因咩樹咁大聲呀?


突然有個醫生經過......


我:咦?林醫生喎!(係我上次入院8日內後兩日既主


  診,亦係上次急求靈藥既醫生)


醫生行過左,又行返轉頭......


醫生:點呀?


我:你開d藥瞓得四個鐘咋!


醫師:喂!個隻,最勁架啦!放鬆d啦!


我:.........(好驚下期六合彩又吾中......)


 


輕鬆位二


病房姑娘:啊!我認得你,好多書睇嗰個呀馬!你


     又係一號房呀!


我:Hi~~


 


輕鬆位三


姐姐今朝黎拖地...


姐姐:吓!你又入返黎呀?


我:係囉!


 


       成手都係針孔,就黎變道姑


  


 


         之後,仲要抽多針... 


   


 


      食埋咁多藥,個肝無事就奇啦!


   


 


         我既入院四寶 


   


 


 今次一號仔變左埋面個張床,但都係一個人一間房


   

 


 


          我既早餐


   


 


2008年7月21日 星期一

I Miss My 2B Class

Me: Boys and girls, let's have some revisions about


       the clothing. Can you give me some clothing


       names?


Victor: Trousers.


Me: Very good.


Kitty: Dress.


Me: That's right.


Fiona: Socks.


Me: Good. What else?


Kathy: Panties.


Class: Hahaha~~


Me: (Smile) It's correct!


Jerry: T-back.


Class: ?


Me: ...........(I've never taught you this item before...)


2008年7月20日 星期日

半個外人

半個外人=半個自己人


未入門,真係難以當成自己人


但經過今次,我覺得你真係可以升格為自己人


多謝你對我妹妹咁好,我將妹妹交比你啦!


另外,都要多謝你山長水遠買來清甜爽脆既紅提,吊住左我條命----當你陪住虛弱既我,走上回家的路時,我真正感覺到,你係我既親人!


2008年7月19日 星期六

病簿十四......提升白血球針

今朝四點幾就痛醒左,因為打左下面既針,有骨痛既副作用


由於我係萬中選人造吾到血既人材,所以醫生要我打提升白血球針


第一針,姑娘打,順手教我打


第二日,第二針,姑娘睇住我打


第三日,第三針,自己係屋企打


我都估吾到我自己咁堅


其實,住我對面係一個男護士,同我老公係同事,雖然吾同環頭,亦都叫吾出名,但平時都有打招呼


所以,如果我真係落吾到手時,會拍佢度門,請佢出手


但係,原來,我都真係幾堅架!自己都估吾到!


 


          未開既樣


  


          開左既樣


   

 


 


       打完要放入水樽內


    


        消毒綿,pro呢? 


   


 


七日七支,盛惠$6060


所以,一點一滴都吾能夠少----雖然有政府比錢姐!


2008年7月18日 星期五

病簿十三......我又從煉獄回來了

久違了,我的好朋友們!


打完第二針後,一直依賴醫生的安眠藥----不只是晚上,有時大白天都要依賴它...


到後來,已經過左六日,都仲係行吾安,坐吾定,莫講話睇書,連電視都睇吾到,每5秒要轉一個動作----或行,或企,或坐,或瞓...


食又食吾到----1點鐘食完半碗飯,3點鐘可以完完本本嘔返出黎,即係話,完全消化吾到


吾止係飯,湯同粥都吾得


最後,決定到QE覆診,求醫生解救


因為係特別籌,所以要等到最後


等待時,有如喪屍一般,個種感覺,我呢世都吾想記得,下世都吾想再有


最後......


我:醫生,我頂吾住啦!


醫生:你講多d啦!


我:好似d學生咁有過度活躍症咁(下刪50字,


  即係上面個d啦!)究竟係邊隻藥搞成我咁架?


醫生:m......應該吾會過喎,你有無d咩野係好擔


   心架?


我:m......無呀?


最後,醫生開左d勁d既安眠藥,同d日間用既鎮定劑比我


食左,好左d,好過無


d安眠藥都瞓都幾個鐘架,鎮定劑都令人日間有睡意...


始終,都係要等d化療既藥力過...


昨夜9點半食左安眠藥,瞓到3點;而家,雖然係半夜4點幾,但感覺比之前好左好多!


希望一日比一日好,可以好快同你地見見啦!