2008年10月4日 星期六

我家的靈異檔案(下集)

               

真人真事, 不可思議



      我之前買了兩盞水晶燈, 一盞座地的,放在客廳;另一盞座枱的,放在梳妝台前



      事情, 就發生在這一盞水晶燈身上


   


   



                    呢一日......



      放學後與親愛的一起回家不久, 洗手, 收拾了一下, 打開房間的門, 發現水晶燈開著了......


我      : 你有沒有開著水晶燈?
親愛的: 我回來後沒有進房間啊!
我      : 那......是我早上忘了關燈嗎?
親愛的: 我從來都不會動你梳妝台的東西

我想  
: (他又真的不管我的東西)
  

   
      表面上, 這是一件失魂事件......................


 




                       過左幾日...... 



      親愛的放假在家, 我放學回家後......


親愛的: 你今天又忘了關燈

我      : 吓
? 但我今早真的有關燈啊
!
親愛的: 但今早你離家後, 燈是真的開著了

我想   : (死佬, 係咪想搞到我神經衰弱, 然後
           claim保險, 同個二奶雙"縮"雙"淒"呀?)


      吃飯後, 我入房間拿換洗衣服
 一打開房門, 看到水晶燈開著了, 不一會, 它在閃, 閃了四五下後, 自動關上了


我想  : 1. 咁閃法, 拍鬼片咩?
          2. 用了不足一個月, 那麼快便壞了?
          3. 有無保養呢?
          4. 燈泡燒左?
          5. 睇下點先算啦


     

我走過去, 想把開關關掉了再檢查, 怎料
......燈的開關早已關掉了
......即是說
......我根本沒有開燈, 但它竟然會自動閃
......
      我忘了說, 這燈可以調教光暗的, 開關是用扭的.....................

      我跟親愛的說了, 他的反應是...


親愛的 : 吓? 原來盞燈有咁既功能

我想    : (功能
? 用黎嚇人
? 定係會自動 
             開, 仲可以閃?)


      有時, 男人同女人諗既野又真係幾吾同......



 


 


2008年10月2日 星期四

病簿三十五......今日又打吾成第六針

今日按照醫生既指示覆診,一心諗住聽日打第六針,點知...


 


醫生:出左院之後仲有無發燒呀?


我:無啦!


醫生:仲有無咩野吾舒服呀?


我:都無啦!


醫生:但係上次留院時,我地check到你有菌喎!


我:吓!


醫生:你上次係17號打針既,到而家得15日,


   未夠數噃,未打得住,下星期三再黎抽血睇


   下打吾打得啦!


我:吓?哦!


 


就係咁,以後要星期三抽血同見醫生,星期四打針


即係要遲一個星期畢業啦!


 


 


 


2008年9月30日 星期二

他們來自澳洲

今天收到一份意想不到的禮物......


 


是一份坐飛機黎既郵包......


 


打開之後......


 


仲有一盒曲奇餅......


 


事緣早兩年去左澳洲進修兩個月,有幸住進親切友善既Daniel家庭



 


自從小學開始,已經要分擔家務;


長大成家,更加要打理家務事(當然,親愛的都有分擔,而家仲要係做大份架!);


但係在澳洲期間,最粗重既家務只係擰下刀叉,set table咁,真係......咁大個女都未試過吾使洗衫洗碗煮飯掃地拖地倒垃圾


Daniel一家對我照顧週到,因此我返香港之後,都仲有同佢地保持聯絡


我病癒後,希望可以同親愛的到澳洲一遊,一方面可以探望Daniel一家;另一方面,當我係澳洲時,成日都覺得 "如果而家親愛的同我一齊就好啦!",所以真係想同佢去下個d地方


 


其實,暑假時都收到兩隻可愛既小狗...


 


佢地係同我一齊响澳洲進修既同學仔

送既,因為佢地知我既仔仔女女都蒙主寵召左,所以就送佢地兩個比我,等佢地可以陪我打嬴呢埸仗!


因此,佢地都係因為澳洲而黎架!


 


 


2008年9月27日 星期六

病簿三十四......又渡完假返黎啦

我又渡完假返黎啦!


今次係一個三日兩夜既行情


 


留醫既原因有兩個:


1. 發左兩日燒


2. 白血球太高,有19.9(差d就同血癌患者有得


           揮啦!)


因為以上兩個原因,加上我又有咳,醫生驚我有感染,所以咪入院觀察下囉!


 


好奇怪既係,打完第五針化療針之後,日日都勁流虛汗(無論冷氣開到有幾大)

,一入院,d汗馬上止左,一滴都無----吾通醫院既氣勢真係咁強,咁止到咳?


 


其實入左院都好忙架,有好多野做...


 


首先,日間既:


1. 量血壓----每日幾次


2. 度體溫----都係每日幾次


3. 打抗生素----日間兩次,半夜一次


4. 一日五餐


 早:粥+包


 早點:蛋


 午:飯+菜+肉+湯+橙


 晚:飯+菜+肉


 宵夜:麵包+牛奶(但係因為三聚氰安既關係,


          牛奶暫停供應)


5. 午間探訪


6. 晚間探訪


7. 睇電視


8. 睇書


9. 睇住d姑娘同姊姊出出入入咁照顧我地


10.同d同房傾下計


11. 咳


12.


13.


 


而夜晚呢,就比較少d勒:


1. 量血壓


2. 度體溫


3. 打抗生素


 


但係分開三段時間做囉!


 


所以瞓瞓下就要伸隻手出黎,又或者要張開個口


 


我就淨係呢三樣姐,同房既仲有其他野要做,例如換片片啦,吉手指驗血啦,打針啦......


 


所以,差吾多每個一鐘頭就有姑娘或者姊姊入黎做野,成晚個房都好繁忙架!


 


因此,三日兩夜既行情都吾算太悶太難捱...


 


好囉,出左院,可以靜下啦!


 


 


2008年9月25日 星期四

病簿三十三......QE渡假

昨晚退燒後,今日成日都燒下又退下咁,結果 ,過左四點鐘都仲燒緊,所以決定入QE睇下


因為過左五點先到QE,醫生都走晒,所以唯有轉去睇急症


而家等緊驗血報告,要等三個鐘呀!所以而家係大哥家攤抖下,等神洲七號升空時,就係我睇報告之時啦!


吾知洗吾洗入院呢? 


 


 


 


 


 


 


2008年9月24日 星期三

病簿三十二......今日又發燒

今日起身時感覺比昨日好,但又係到傍晚時開始發燒啦!


次次都係門診關門時至黎燒,又要入急症!


 


見到d同行病友在化療中都可以抽空外出渡假,好羨慕,亦都希望自己情況穩定d時,可以出外走走----澳門珠海都好啦!最好就緊係台北曼谷首爾啦----而家吾洗諗啦!


我諗我既渡假地點就係得QE咋!


 


食左兩粒必利痛(醫生之前開既),如果吾退燒,又要執包袱啦!


最憎留醫吊抗生素!


 


而家9點鐘啦!


食左藥兩個鐘,本來燒到38.4度,而家回落返去37.6度,所以今晚都可以吾入院住,聽朝瞓醒睇下洗吾洗去門診度覆診啦!


有癌病又真係幾麻煩,又吾可以求其找個醫生睇,下下要睇返腫瘤科......


等我大步D,攬過佢先!


 


 


 


2008年9月22日 星期一

病簿三十一......手痺脚痺

比起AC針,T針真係已經好好


首先,無以前咁嘔----以前起碼嘔7日


又無咁暈,可以活動下,出下街----以前起碼足不出戶7日,C左係屋企


而家,只係有D手痺脚痺,肌肉有小小痛----有朋友既反應係骨痛,我慶幸尚未有呢D感覺,所以覺得非常非常咁感恩


只係呢隻藥比較燥熱,令我喉嚨痛,出汗,昨晚仲成晚都半夢半醒之間,瞓左同無瞓過差吾多


今日要想個好D既方法----勤力D做運動,同食多D西瓜和水梨,希望可以消緊D燥熱啦!