2009年2月11日 星期三

病人遊記...香港公園VS海洋公園

呢兩日好忙


 


首先,朝朝晨咁早起身去QE度照死光;


 


之後,去左玩...


 


昨日,去左香港公園----因為吾洗錢入場,又有好多野睇,又靚又盛...







當然,D相都係用手機影架啦!


 


今次,主要只係睇左雀仔;



係公園食左個早餐----香蕉3條,因為驚自己忍吾住食外面D無益既野,所以帶定香蕉做早餐,又有益又飽肚!


 


之後,去左海洋公園----


搭我最鍾意既吊車; 



 


見我最鍾意既海獅同海豹;





班衰豬仲爭食添...







 


去我未去過既水母館;



D水母真係靚到出塵呀!







 


與素未謀面既盈盈樂樂打招呼;


 


 


因為我買左個全年入場証,可以無限次入去,所以要入多D......雖然要孤身走我路...一個人有一個人既自由既!


 


下次要去海洋館!


 


 


2009年2月10日 星期二

Anti-cancer最後的樂章----電療

今日,晨咁早----六點半就要出門口去QE進行第一次電療


 


搭緊車時...


親愛的:一陣間係咪會有死光射嗰個位架?


我:吾係呀!係姑娘攞住支電筒照照下就得架啦!


 



其實係咁至真...


Step 1 上床擺位,其間又比人畫左d箭咀同交


   义係身...今日應該比平日有方向感...


Step 2 工作人員疏散


Step 3 部異形係身體上方探頭探腦咁轉動,其間仲


    發出d '機機' 聲


Step 4 發出死光----每次幾秒鐘啦,其間仲會


   有低音長響,好似我地照肺時個d低音---


   -吾係比老細照肺個d低音,係真係照肺個d


Step 5 重複Step 3至Step 4直至照暈...吾係,係


   照勻晒


Step 6 走得


 


第一個療程做25次,之後,醫生再睇下要吾要進行第二個療程


 


到時再算啦!而家,可以全職打Pet Society啦!


 


 


 


 


 


 


2009年2月8日 星期日

黃家私房菜

昨晚去左四叔家晚飯


事緣四叔貴人事忙,牛年至今都未有時間招呼我地;因為我地都好兇狠下架,個個都有指定動作----妹妹要食炆冬菇,親愛的要食南乳炆齋,七嬸要豉油雞......


 


結果,各位客官都非常滿意----四叔一出,阿蘇都要企埋一便


 


過幾年四叔退左休,都真係可以考慮下搞返間廣東私房菜噃!


 


阿叔話下次整個煎蠔士比我地試下,淨聽個名都知好高深,期待中......


 


 


2009年2月1日 星期日

try my best VS 摺紙人

好快好快咁,又初七啦!


話說過年之前分別去左KWH做物理治療同QE劃位做電療


 


首先係物理治療...


靚女治療師:除衫,瞓上床!


我:哦!


靚女治療師:傷口埋得幾好喎!(用力按個刀疤)


我:嘩!呀!啊!


靚女治療師:你個傷口好緊呀!你要按多D,按鬆佢,否則做電療時會成個鈣化左架!


我:哦!


 


因此,之後日日都好努力咁 "搓 my breast"...


 


 


年廿八去左QE劃位,做左摺紙人...


 


STEP 1


醫生睇完X-RAY片後,用marker筆係我身上畫左幾下,然後封上膠紙,以防刮花


 


STEP 2


放飯


 


STEP 3


換衫,準備捐山窿----電腦素描



 


STEP 4


比人警告:手擺頭,吾准郁吾准縮


 


STEP 5


捐山窿


 


STEP 6


比人貼左好多膠紙


 


STEP 7


又捐山窿


 


STEP 8


係身上畫左好多虛線同箭咀


 


STEP 9


紋身(紋左幾點mark位)


 


STEP 10


影相...無噚到陳冠希幫手添...


 


STEP 11


放人


 


從STEP 3 到STEP 11,大約都係半個鐘左右,設計師仲讚我夠定,所以可以好快完成!


 


返到屋企,見到自己成身又虛線又箭咀,好似人D摺紙D圖咁...


 


 


 


 


2009年1月26日 星期一

恭賀新禧

 


祝大家花開富貴



 


事事如意



 


大吉大利


身體健康


一切都順順利利


 


 


 


2009年1月22日 星期四

復二札記...有眉目

年初五(1月30日星期五)下午約左白兔太太唱K,有無blog友有時間想一齊去呢?留言啦!到時記住著多件衫,因為我會開聲唱...


 


比起未病之前,而家忙左好多...


早上起身後,要做多好多野至出得門口,所以日日都好蚊水至返到學校


以前淨係梳洗就出得門口,而家...要加埋做防水腫運動,帶假髮(最麻煩,成日都吾係好滿意,要搞好耐!),畫眉(最難!),砌花茶,煮早餐(因為吾想再係外面食,無咩益!),食早餐...


返到屋企,除左日常要做既野之外,仲要煮食,梳頭(小英成日都好吾聽話!),做防水腫運動,炙手,煲藥...所以而家都無咩時間做運動!


 


返學最富挑戰性既既,除左體力之外,就係要帶住小英...又熱又焗又辛苦,成日吾為意咁就住就住,搞到頸梗膊痛...


其實打完第五針化療,已經開始出頭毛;但係出左幾個月,都係得幾mm!


打晒八針既第三個星期,d頭毛真係出多左,出密左,出快左!


而家,已經有1cm左右啦!


就連d眼眉毛都有d起色,開始標返出黎啦!


所以近呢幾日,條眉吾使畫咁多啦,因為已經開始有眉目啦!


 


 


 


 





2009年1月21日 星期三

復工扎記

返左工兩個幾禮拜,都算適應得吾錯;上星期仲帶左學生外出比賽



由於要幫學生整頭化妝,仲要整成廿個學生,仲比d髮夾整傷左隻壞手...所以隻手都好傷下


其實今年已經好好多,有多一位同事一齊做,又有導師同家長幫手----往年比賽或表演都係得我一個人一腳踢咋...


但係,返到學校都好鬼攰...


到左夜晚,已經覺得隻手有d痺;第二日晨早五點幾隻手痺到我死左...呀吾係,係醒左


嗱嗱聲做下去水既運動,都要成個鐘d痺痛先散緊d


跟住成日都痺痺痛咁...


跟住個幾日都仲有d痺...


呢幾日,連另外隻手都痺埋...


咁即係吾關傷口事啦!應該係攰姐,抖下應該會好好多既...


 


昨日去左廣華見物理治療師,佢叫我要努力d按下條刀疤,要按鬆佢,否則電療時成個範圍都會鈣化,到時會好麻煩...


點麻煩呢?我諗...會變岩石胸啩...咁咪吾洗怕地心吸力囉?


治療師話我有80分,可以做完電療至再覆診!


我話我會手痺,佢又教左我做d舒緩既動作----雙手擺頭後,手踭向前後擺動


 


晚上同blog友食飯,過左一個好吵耳好開心既夜晚...


 


雖然尚未完成療程就返工會辛苦d,但生活就精彩好多,開心好多!