2012年4月1日 星期日

細說新語

又一年...

我們相識於追逐時

廿二年前的盛夏晚上,幾個剛入學堂的同期在飯堂外相遇。

然後,大家聊起來。

然後,有人開始你打我我追你。

然後,副校長離遠經過喝停責罵。

然後,第二天早上,有三女四男在校長室門外等照肺。

當中,有我,和親愛的。

我們相戀於失足時

畢業後,雖然一起被派住同一地點,但我們的關係不太好,我甚至有點討厭他。

後來,辭去了工作,到教院讀書。

後來,大約是二年級時,同學們一起到赤柱燒烤,巧遇到學堂上飛貓隊課程的親愛的。

後來,一起看戲吃飯逛街。

後來,在尖沙咀中港城的某處,我一不留神,被小梯級絆倒了,正要摔倒時,親愛的一手拉起我。

後來,沒有再放開手了,一拉拉了十七年。

後來,按照親愛的的說法,當時,我是假意摔倒的。

我們相依在患病時

晃眼間十多年,我們跟一般夫婦或愛侶一樣,時而吵鬧時而恩愛時而怨恨時而關切......

直到08年的4月1日,已感覺身體出現變化,但這一天,我們選擇了先到......

然後第二天才去找醫生。

然後,手足無措。

然後,無奈接受。

然後,我發覺你對我的愛,比我想像的,多很多。

然後,你發覺,原來你這樣愛我。

然後再然後,然後到了今天。

今天,你謝謝我的包容。

今天,我也要謝謝你對我的付出,我全部接收接受了。

和去年一樣,期許我們能夠延續這個奇蹟吧!




2012年2月26日 星期日

九州......福岡篇


到達福岡的第二天一大早,到天神的西鉄站買了套票,往福岡的近郊走走----情況大概像我們從九龍搭火車到粉嶺再轉小巴去鄉郊吧!



套票2440日元, 包含了:



1. 來回西鉄車費


2. 接駁小巴來回車站接送


3. 溫泉卷----溫泉頗大, 有室內也有室外, 有山有水, 有花有草有石頭; 泉水有冷有暖有熱有溫, 還有按摩池電氣池等。


4. 定食



下次去, 要HEA一日!


回到郊區的車站, 跳上的士, 請司機載我們到附近的士多啤梨園



先在小屋付款



可愛大眼仔, 跟我們解釋完細則後, 加上一句'奸巴爺'!


我們便開始"奸巴爹"了






摘下來的, 還可以加朱古力呢!


回到福岡, 還有時間, 便到OUTLET走走, 貨品的款式及價錢都很不錯 ^^



晚上, 到屋台吃吃路邊風味



屋台=大排檔



第二天一早, 開始下雪。 雖然我們都很興奮, 但真是太冷了, 所以躲在天神地下街SHOPPING



下大雪



雪中花


越下越大, 到上機時, 也因為雪太大而要延飛個多小時。



回來後, 新聞說日本的雪災嚴重, 路封了, 人死了, 不是不可怕的; 我們全程都很順暢, 不是不幸運的!


 


2012年2月18日 星期六

新春九州...長崎...熊本之行


七月去了九州, 八月到了歐洲, 十月去了韓國影紅葉, 因此聖誕乖乖躲在家中孵豆芽, 一心想在農曆新年可以再在家中種草菇,
豈料碰上平價而又剛有機位的套票(爛借口!), 因此, 又去了一趟九州...


一早起行,



到達長崎, 已然天黑



到附近吃鄉土料理


然後到附近眼鏡橋的河邊看長崎燈會。


燈會即是中國人的元宵節,由於長崎聚居了不少中國人,因此由農曆新年開始會舉辦燈會,有各大大小小的節目,持續整整一個月呢!而不少日本人也會專程從各地來長崎參觀燈會。


當地人說,燈會進行期間,會很多人很擠擁......但在我們這些來自擠迫城市的人看來,真的說不上很多人,甚或多人,只是三三兩兩,有些,零落的......


長崎,是一個安靜的城市。



長崎燈會





第二天一早,慢步到港口......長崎很小很安靜,景點很集中,很多地方步程可到。



搭上往離島的渡輪...



在島上浸溫泉


如果去長崎, 一定要試試這個超值之選...來回船票要1300日元, 但買套票只要1000日元:
來回船票+室內外望海溫泉任浸^^,在買船票的碼頭就可以即時買到套票。大約一個多小時才有一班航班,錯失了也不用急,因為碼頭有一個大大的shopping mall
=='



回程後到長崎港口吃飯




黃昏, 到山上看天主教堂



到天主教堂時途經童話屋




晚上, 到佐稻山看夜景



長崎的夜景是日本三大夜景之一, 賣點是海港兩岸除了有繽紛燦爛的霓虹燈外,
星羅棋佈的點點燈火婉延上山,。



回到住處吃自煮鹿兒島和牛和長腳蟹




第二天一早, 到附近參觀龍馬通



然後, 搭JR到熊本...



吃了拉麵@黑亭




參觀了神社後...


豈料, 熊本城已經關門了......飲恨!




到附近的櫻之小路逛逛



在熊本的收穫--不要少看他,他可是在熊本常常出沒的吉祥物啊!熊踪處處,就是在福岡也可發現熊出沒注意呢!



再搭上JR到福岡, 途中, 吃了在長崎買的蛋糕



 

2011年12月26日 星期一

我的名牌手袋




你有名牌手袋嗎? LV? GUCCI? AGNES B? PRADA?


妹妹說:不要開始買第一個,否則,你會一直買下去,永不超生......


後來,我真的買了第一個;然後,第二個;跟著,第三個......


現在,我的口頭譂是:買手袋既QUOTA爆咗.....


因為,已經夠用啦,用唔切......


因為,我每日都挽住全世界獨一無異,價值連城,手快無,手慢都無的名牌手袋......



我的名牌手袋


今日,係我的名牌手袋生產四十周年紀念日,祝福佢可以好好保養自己,讓我多挽四十年,繼續幸福地向大家炫耀炫耀 ^^



 

2011年11月22日 星期二

南歐之旅........險釀血案事件簿.......葡萄牙篇

險釀血案事件一:葡萄牙自駕遊......出煙事件簿
肇事機率:99%
案發經過:
到達葡萄牙的波圖(Porto, Portugal), 在機場取了七人車, 車卻開不動, 原因是......我的技術差, 開不動"手波"的七人車...
C小姐頂上, 七人車順利開動, 向距離機場十分鐘的酒店出發, 惡夢卻由此而起...
我在副駕席, 看着C小姐有如冼拿上身一樣, 在陌生的環境下, 把七人車的速度一下子提升至百一,百二公里...
我:可以開慢D, 我地超速呀=='
C:係咩?個標板反光,我睇唔到呀!
我:=="
就快到既時候...
我:好似有D燒膠味喎,係咪未拉手掣呀?
C:唔係呀,拉咗啦!
後座敢死隊們:唔係喎,真係有味喎,仲愈來愈勁喎...
我:咁...到咗啦!泊車啦!
親愛的率先落車,走到車頭...
親愛的:嘩~~~~老婆,架車出煙呀!
我:冷靜D,唔洗咁大聲!(我同敢死隊們繼續收拾行李落車)
親愛的:架車出煙喎,咁點呀?
我:咁...........Check in先啦!
親愛的:吓?Check in先?你唔洗打開個車頭蓋睇下呀?
我:咁,你咪打開睇下囉,但係,你識睇咩?
親愛的:唔識呀!
我:咁咪係囉,Check in先啦!
浩浩蕩蕩咁攞咗房之後,開會,最後決定,去食葡撻先!
食完野,硬住頭皮再開車,都係唔掂,入唔到後波,出車時要大家一齊落車推車...咁點算呢?退咗架車?咁又點去山上既酒莊?點落里斯本呢?
一路行返去酒店時,途經一家中國雜貨店,我提議衝入去找人幫忙......
結果,在外地的同胞指點下,終可在翌日再次踏上征途!

險釀血案事件二:都係葡萄牙自駕遊......水溝油事件簿
肇事機率:70%
案發經過:
高速公路飛馳中......
我:得返半缸油,要入油啦,架車要入汽油定係柴油呀?
C:梗係汽油啦!
我:我上年喺法國租嗰架車,入柴油噃,歐洲好多車都係入柴油架!
C:(馬上拿出contract摷)倚?係喎!真係入柴油喎!
到咗油站,有六支油槍,槍上面有似英文嘅葡萄牙文,都似Gasoline既串法,大概係Gasoloae,同Gasolone咁啦!
C:係柴油呀嘛!係咪即係呢支呀?我入啦!
我:係啩...
C:(已經入緊)
P:喂!唔係喎,呢幾支有個細隻既英文字Diesel喎,入錯咗喎!
C:吓?咁我停囉喎!
敢死隊們:咁點呀?
我:咁..........去個廁所先啦!
由油站洗手間出蒞,C已經問緊個油站靚仔職員......
結果,靚仔叫我地入返滿柴油,溝淡佢,博一博......
結果,咩都夠膽死既敢死隊就梗係....................博一博啦!
結果,又比我地博到喎!真係替間租車公司慘 =='
險釀血案事件三:仍然係葡萄牙自駕遊.......飛越懸崖事件簿
肇事機率:80%
案發經過:
揸慣右軚既小黃菊揸住架左軚車向歐洲的天涯海角進發中...
C:小黃菊呀,開過小小你嗰便啦,我地就蒞飛落懸崖啦!
揸開右既小黃菊:哦!
後座的勇死隊成員:(抹一把汗)點解佢地可以講得咁輕鬆既?
險釀血案事件四:都仲係葡萄牙自駕遊......入錯路軌事件簿
肇事機率:60%
案發經過:
入到里斯本,即係城市,車多,路繁忙,仲要已經入黑......
C:跟住點呀?
P:到啦喎,前面轉右係啦!
C:轉右呀?呢個路口呀?
P:er.........
C:(已經轉咗入去)
記住,當時係夜晚...記住,當時係夜晚...
後座的勇死隊成員們:(七嘴八舌)嘩!入左鐵路軌呀!點算呀?快D轉返出去啦!
C:(繼續比油)
我:前面轉左啦!
轉咗左無耐,已經見有電車落緊蒞......
係囉!咪就係呢架囉!佢個車頭凹陷架,即係唔止我地入錯路軌啦!係囉!咪就係呢架囉!佢個車頭凹陷架,即係唔止我地入錯路軌啦!
險釀血案事件五:到達葡萄牙里斯本.......無床位,想殺人事件簿
肇事機率:50%
案發經過:
在網上book咗hostel,六個床位,男女混合房,點知去到,話無位......
一時又話電腦無顯示,一時又話個房比咗人,要拆開我哋一人一間同其他人瞓,講咗又攪咗好耐,終於都比返一間房我哋。
實情可能應該或者毫無疑問以為我地咁夜都唔到,比咗床位walk in客,我地到咗,見我地想殺人咁既面口,即刻同我地死番掂佢!
險釀血案事件六:葡萄牙里斯本.......Hostel 跌落樓事件簿
肇事機率:30%
案發經過:
Our roomOur room
張床,緊貼窗邊,無窗框,無圍欄,仲蛋拖超高......

結果,我瞓親愛的上面張床...
結果,我無碌落床,又無跌落街...
結果,碌落床既,係另有其人...
事緣清晨六點幾,某某叫某某一齊起身去洗手間,點知阿某某唔慣瞓咁高既床,一個無為意,跌咗落床......
大家都即刻起身扶起某某,安頓後,某某同某某就去咗洗手間......
N:點解會咁既?
親愛的:嘿~我睇晒成個案發經過,首先係咁咁咁,然後又咁咁咁(一面講,一面示範),跟住咪咁咁咁囉!
N:(因為親愛的好搞鬼,忍唔住笑咗)
某某返到蒞:你個阿N,人地跌親你仲咁大聲笑人,我喺廁所都聽到呀!你好野呀!
N:唔係呀..........(百詞莫辯......)
險釀血案事件七:里斯本.......nicam事件簿
肇事機率:20%
案發經過:
葡萄牙人比較和善好客,就算佢唔識英文,都會同你講一大輪葡文,仲要當你明佢講咩...
我地坐

落車之後,有個婆婆好好心咁指示我地方向(遊客都係去嗰d地方架啦),親愛的順勢拿張葡撻相出蒞問阿婆,阿婆好努力咁講咗一大輪,然後...

親愛的:真係想拎個remote 出來,轉呀婆nicam呀!險釀血案事件一:葡萄牙自駕遊......出煙事件簿