2008年10月29日 星期三

電腦壞左...麵粉花要趕工...見醫生...

昨日和今日都好忙


 


昨日...


1. 要返學校為舞蹈組的比賽報名


2. 前日部電腦boot吾到機,所以昨日要去黃金換


    hard disk(其實前一個星期已經死左一次,無晒d


    相同file,好在公司同事教我執返d相咋,都煩左


    幾日呀!)


3. 返到屋企,又要set過晒d野,慘!


4. 馬鞍山師奶今日生日,我準備送比佢既花仲未


    造好,要趕工


 


  終於都造好啦!但d顏色仲未乾...


 


今日...


1. 一早去醫院抽血


2. 下午見醫生


3. 回家後,又出去送禮物比馬鞍山師奶


4. 又要搞電腦...


 


聽日,第七針啦!仲有兩針就可以排期做手術啦!


 


2008年10月28日 星期二

秋季賣物會

 


每年十一月,都有秋季賣物會,去年與親愛的山長山遠趁左次熱鬧,但今年尚在化療其間,剛巧十一月二十日左右是最後一針,因此,不能趁多次熱鬧的機會比較大......


 


這是去年的日記...


 


十一月二十四日(星期六)      晴

      長途跋涉去了赤柱的秋季賣物會



      上一次參與賣物會已是多年前的事了, 當時尚是職員訓練所的學員, 美其名是參與, 實質是做苦力
 

      事隔多年, 我連工作行業也轉換了, 再次遇見昔日的同事, 大家都......成熟了, 有不少更拖男帶女, 他們的小朋友已長高至我的肩膀......而我......仍是兩"手"清風, 不帶有一片雲彩......不是不消遙的




轉季了, 有些上火, 又是烹龜的好時節





供人拍照的收費道具......但我決定拍霸王照





                      竟然有人偶出現




   我最喜歡的lion dance
表現生龍活虎




                      一整隊鼓頗具氣勢




少年罪犯, 但久經訓練下, 整隊band很棒呢!





2008年10月26日 星期日

新款木乃伊

 


  我常想

: 如果有一天, 我真的對親愛的忍無可忍時
, 我可會親手


      到時, 會有以下一幕嗎
?



 


      要等多久, 才會被人發現呢
?

      我真的會法網難逃嗎
? 怎讓才可以逃之夭夭呢
?

      


2008年10月22日 星期三

嫵媚.無眉

一般人聽到化療,即刻想起


1. 無頭髮


2. 嘔


比較起其他痛苦,無頭髮,其實真係好小好小好小事


 


小事還小事,開始丟頭髮時,真係不無感慨


打完第一針無耐,洗頭時,頭髮一大撮一大撮咁丟落,成個浴缸都係,沖晒去去水口度,最後,要麻煩親愛的幫我執手尾----因為都真係幾吾開心,仲要自己親手掉落垃圾桶......


 


其他毛髮,都要好小心----好似眉毛咁


 


洗面時,要輕輕力,生怕眼眉毛眼捷毛會掉下來


 


但係幾小心都好,都已經掉下不小


 


一向都吾會畫眉,因為條眉都吾可以好嫵媚,但都叫做有野睇下啦!  



 


而家,似有還無咁,吾畫,吾係好得......


其實畫左都吾係好得,因為我吾係好識畫,所以會出現邊高邊低,邊濃邊稀,邊粗邊幼既情況......


有時,仲要似黃小虎添......


要努力d先得啦!


 


 


2008年10月17日 星期五

神七升空有感

神七升空當日,正是我發燒入院之時,剛好在病房內目睹升空的過程


幸好我比神七早些返回地球


好多人以神七為傲


但我有不同的想法


中國尚有很多地方未能解決溫飽的問題


中國的教育尚有很多注資的空間


但中國卻要用巨款注資研究外太空


有點充大頭的感覺


更重要的是,早幾年有很多中國間諜在美國被捕的新聞----很多都是與外太空科技有關的


所以,神七成功升空時,我不是不開心的,只是有太多的感慨吧了!


2008年10月14日 星期二

又包埸

今次吾係包戲院既場,係包游泳池既場


打完針既第三四日,就算勁打wii fit之後,都瞓吾到,前兩日仲要食安眠藥添(但食左都無瞓得吾好呀!),因此,昨日去左妹妹家既會所游水


可能因為D人要返工啦!天氣又轉涼左,所以得我一個人游----吾洗擔心,有兩個救生員陪我架!真係醫生多過病人勒!


自少喜歡游水,小學時在體院跟陳耀海教練;一夠十四歲,就馬上考拯溺章;無甚目標大志,只因為喜歡游水


好奇怪,昨日游左45分鐘,一D都吾覺得累,亦無感覺體力下降,反而愈游愈精神


好怕到左夜晚又瞓吾到,又要食安眠藥


結果,兩點零鐘開始眼瞓啦!睇多一陣書就瞓到今朝9點,吾洗食安眠藥,幾叻!


今晚...都係靠Wii啦!


 


另外Co Co介紹我飲夏枯草,但我又驚自己咳未好,吾敢飲


結果,買左d蔗汁飲,效果都幾好,無好似第一支T針時咁燥熱----係無 ' 咁 ' 燥熱咋!都仲好燥熱架!


 


 


 


2008年10月13日 星期一

病簿三十七......提升白血球針

打完化療第六針已經五日啦!大致上都無咩野,只係有小小消化困難,食左野之後吾係好消化到,有小小頂住咁姐......


昨日開始,又要打白血球針啦!因為上次打完4支就已經發燒入院,白血球仲升上19.9既高位,因此,同醫生商量過之後,醫生話可以打少3支,即係打4支就可以勒----但係我都仲係好擔心會再發燒,發燒真係令我又驚又辛苦,仲要親愛的擔心.......


因此,打完第三支白血球針之後,我會偷雞----隔一日至再打,希望個反應無咁大啦!


白血球針真係令我又愛又恨......


一方面可以提升我既抵抗力,無咁易受感染,順利升班完成化療;


但係另一方面,佢既副作用都吾細架,盜汗骨痛嘔吐不特止,仲令我牙關合吾埋,成條金魚咁----都幾搞笑架!


仲有兩支化療針,就可以排期做手術,同癌小姐一刀兩斷啦!


癌小姐,吾好掛住我,我吾係你杯茶黎架!