ＱＥ既護士好好人，醫生好搞笑
Episode 1
醫生睇左一輪d報告，又問左一輪問題，終於入正題啦
醫生：你係咪想做左化療先做手術？
我：係．．．
醫生：（遞左張一頁雙面印既紙我面前，上面有ｄ藥
名，我叫佢做Ａ餐）如果打針就會有以下既
反應；（再遞兩張雙面印既紙，又有另一ｄ
藥名，我叫佢做Ｂ餐）呢ｄ係比較新既藥，
但就要自費．．．．．．（跟住又具體而搞
鬼地解釋左一輪）
我：咁．．．即係有無擴散到？（都未講過我知我仲
有幾耐）
醫生：係ｄ骨同ｄ血度噚吾到，肝呀，肺呀，胃呀都
噚吾到（都係無正面答有定無）
老公：咁．．．而家即係第幾期？
醫生：而家好難講第幾期，因為．．．（又要下刪300
字）要切左ｄ林巴check左先知第幾期，
而家，起碼第二期左右啦！即係吾係最早期個
隻囉！
Episode 2
老公：如果係你，你會點揀
醫生：我而家都無病，到我有病時先再揀啦；我個人
就係咁架啦，無事就吾好去諗，有事先算啦
（我好似係有事都吾係好想去諗，我咪強過
佢？）
老公：．．．．．．．．．．
我：佢既意思係你會recommend我做邊個treatment最
適合
醫生：好多地方都有吾同既政策，有ｄ地方就吾洗錢
既（個ｄ地方關我鬼事咩）；好似美國咁，就
一定得一隻藥，無得揀．．．（遊花園，下刪
300字，最後都係叫我自己決定）
我：（．．．．．．點解新一輪既政治助理無佢份
既？）
Episode 3
妹妹：Ｄ新藥用左幾耐，會吾會有Ｄ studies去支持佢
醫生：咁．．．你肯定吾係全地球第一個囉，都用左
幾年架啦，個個人既反應吾同，十個有八
個．．．（又係下刪300字，遊左一輪花園）個
個人吾同囉（．．．新一輪既政治助理真係無
佢份？）
Episode 4
老公：如果打頭個四針都一樣，咪可以打完四針至決
定？
醫生：吾係架，你要訂定架啦，如果你打打下針要轉
既話，可能就真係全地球第一個架啦（搞到我
心思思想試下添），你最遲星期五決定啦！因
為你要星期五開始打針
我：我而家可以決定啦，Ｂ餐．．．呀！吾係，係兩
頁紙自費嗰個呀！
Episode 5
我：咁．．．自費藥物既收費係幾多？
醫生：（响醫生袍既左上衣袋攞左部計數機出黎計，
我開始忍吾住笑）大約９千幾蚊一針啦（爭ｄ
聽錯左９千幾蚊一尺）
總結係：
1. 星期五，我要開始殺死自己
2. 仲有兩日可以返學校做埋d手尾，要求分（數）既同
事吾洗擔心，我做得切既
3. 要先打８針
他野
4. 中年男人３大願望－－－－升官（我老公，算吧
啦！）發達（今期金多寶又吾中勒）死老婆（睇
黎，我都仲可以擺多陣）我老公一個都無得
中．．．
沒有留言:
張貼留言