之後，換左個320萬像既手機，升左級，但除左澳洲，又真係好似影吾返ｄ靚ｄ既相咁！
可能因為天氣，素材，心情都吾同左啦！
韓國選手－－－－Rose
又係韓國選手－－－－Assorted
泰國既Assorted
知道自己患病當日－－－－６月４日，馬上去出部有500萬像既手機－－－－因為恨左好耐啦！當時驚等吾到呀！
但就真係無時間，無精神，又無素材影到靚靚既花仙子！
無花，咪影下其他囉！但就無ｄ令人 ' 嘩 ' 一聲既相，全都係平平淡淡咁......
等我病好，帶埋我既500萬像再影過！
2008年7月29日 星期二
花----Please call me genius
我愛花，所以見到花，會吾理其他人既目光，猛咁影...
影花影得最多既，並吾係花展度，而係响澳洲讀書時，係人地既屋企門口－－－－好多澳洲人都好有心機打理個花園架！
好在，成日响人地門口擾擾攘攘，都無比人話過！
一號佳麗係同我同名既Daisy小姐
二號佳麗係清麗脫俗既Calla Lilies
三號佳麗係日裔既Miss Sakura
四號係Werribee Mension既小雜錦
五號佳麗係黎自澳大利亞既荷裔Miss Tulip
邊位佳麗係你既心水呀?
講個秘密你知，ｄ相全部係用手機影，仲要得200萬像素咋！
就咁睇都OK，放大左就無咁靚囉！
所以，而家既手機有500萬像，可以放大ｄ相啦！
真係自己讚自己架，我既拍攝技術都真係幾OK架－－－－Please call me genius！
今年今日同去年今日．．．一
呢幾日有番ｄ精神，所以為自己準備左ｄ節目，當為第三波前既獎賞！
昨日，約左馬鞍山師奶去宜家家俬食午餐
師奶：去邊度食呀！
我：咁去宜家度食啦！少ｄ人！
師奶：吓？家俬鋪都有野食架咩？
我：係呀！有ｄ枱枱櫈櫈咁囉，嫌硬既，咪試下ｄ
床舖呀，床單呀，咁囉！
今日，約左小wing子早ｄ係葵芳新開既A-one
小wing子幫我係書展買左四本卓韻芝既書
我一早話左佢身體吾係幾好，仲要同我攞咁多書，結果真係令佢背痛勒！
小wing子，你背痛，我心痛呀！下年我地一齊去，帶架車仔去同佢死過！
個傻妹不單止吾背收我錢，仲買左禮物比我......
禮物１－－－－Cute爆既車廂貯物掛袋
禮物２－－－－攬枕－－－－又有新成員加入，以後四寶要改名叫五福啦！
之後，去左相熟既飾物店買頭ｘ（吾識寫，睇圖啦！）
呢間小店真係好熟，幫襯左好多年，所以吾洗驚個假髮跌落黎比人笑，所以，搏左命咁去試！
店主都係叫阿Wing，佢好有眼光，Ｄ貨好靚，又知Ｄ客既心意，仲打左個六折比我！
四個加埋，你估下幾多錢？
.........................九百！
係吾平架，但個人覺得值囉！尤其放係上面個兩個，係法蘭西貨式，如果响水晶專門店買，九百，都買到一個既！
最緊要係，帶左，個假髮自然好多！
而且，個設計會令人帶耐左，頭既兩邊都吾覺累，同Ｄ十零廿零既貨式好吾同！
黑色個兩個平好多，每個幾十啦！
店名－－－－紫宇
地點－－－－葵芳地鐵站傍既葵涌廣場３樓（最頂
個層）
Hello Kittly and Friends,幾時到我地見見面呀！
不過要打埋第三針先，死期係８月１日......
其實我之前都有寫Blog，不過就吾係Yahoo度，而係Cyworld
Cyworld係韓國，台灣同大陸都非常火紅火紅，但係香港就影都無．．．．．．
以下係我個minihompy：
http://tw.cyworld.com/daisy1209
睇番ｄ日記，都好開心
去年既今日，你做緊咩呢？
去年今日，原來我去左泰國．．．．．．
五天的泰國勁食之旅又完結了, 又可以想想下一站去哪兒玩了
很少參加這些從早吃到晚的旅行團, 因為想多一些時間可以自行找尋一些特別的東西吃 這次旅行最慘烈的紀錄是一天裏吃了三個自助餐
早餐是酒店的自助早餐, 這個自助餐過份得供應煙三文魚; 午餐是魚生和海鮮鐵板燒自助餐; 晚上又是酒店供應的自助餐.............再也吃不下了
以下這些, 是僅有的, 可以外出吃到的, 而又具特色又便宜的食物
40銖的雞飯小小的一碟, 很便宜, 很好吃, 只是港幣10元
115銖的芭菲
環境一流, 雪糕質素一流, 來自瑞士的國際性連鎖店, 但只收泰國價錢, 我每次去泰國都一定到此幾遊 回來後, 又經常思念
2008年7月28日 星期一
被寵壞了...三
都話仲有好多野未晒架啦！
事件八 
入院時，有學生日間吾得閒來，結果洗左佢女朋友買個飯比我食
新抱仔係長沙灣返工，Lunch時，飯都吾食，山長水遠又冒住雨同高溫咁買個豬扖飯黎ＱＥ比我食，當時，真係感動到想喊！
事件九
地點－－－－酒樓
情況－－－－剛剛初步見完腫瘤科醫生，老公打電話...
老公：大哥呀！阿英生Cancer 呀！
大哥：.................(我聽吾到大哥講咩，老公無翻譯)
老公：大哥呀！我地想借你間屋......
大哥：借啦借啦！（雖然我聽吾到，但感覺到）
結果，要打針時，早上抽完血，去左大哥屋企hea，下午再去打針
借屋仲包All you can eat！幾筍呀！
大嫂同侄女仲成日留言同我打打氣ｔｉｍ
事件十
學校既姐妹為左我戒零食......
聽清楚，係零食喎！
我自問就真係吾得勒！
事件十一
ＢＬＯＧ友好快手咁就幫我找到想要既資料
事件十二 
學校既另一位姐妹為我提供每日一ＪＯＫＥ
事件十三 
我拉叔好忙，前排又病，但就成日掛心我，又煲湯我飲，又買保健產品我食，仲成日打電話同Send SMS比我關心我，開解我
而我四叔雖然都有好多好忙同好煩既野，但就成日掛心我，又會打電話同我打打氣
事件十四 
有朋友山長水遠走去韓國，找遍荒山野嶺，想找準基寫ｄ鼓勵既說話比我..................
事件十五
因病要請一段長時間既假，學校方面都盡量配合，同事又成日幫我執手尾，個個都叫我吾好擔心，安心醫病......
咁既上司，咁既同事，第二度一定找不回
嗚～～嗚～～～～真係無以為報，咁多位，多謝晒！
2008年7月26日 星期六
被寵壞了...二
吾係剩係我老公寵壞我，我既親朋好友都有份架！
事件一
暑假係ｄ朋友出門既旺季，成日收到ｓｍｓ問我有無野要幫我買返黎...........好感動！
事件二
名貴既蜜糖（真係好貴，幾舊水一小樽！），係三家姐四出找尋買比我既，又成日問我食晒未，要幫我補貨
食左呢隻蜜糖，我真係無爛口，又無咁口乾，正呀！
多謝家姐！
我諗住打第三針既時候先至開始食１５＋度既，因為到時會食吾到野，咁至少可以補充下ｄ營養呀！
事件三
新抱仔買比我既書，成人既十萬個為什麼，好掂！
事件四
四寶中，三寶都係人地送既
羅小姐－－－－妹妹
Teddy Daisy－－－－Miss Koh
小花－－－－老公－－－－吾知係買既定係人地屋企攞既.......好口密！死都吾講！
事件五
雖然今年去吾到書展，但就遙控左小wing子幫我買左幾本書
其實小wing子既身體都吾係咁好，仲要佢幫我攞ｄ咁重既書，真係辛苦晒！所以，吾好吾收＄呀！
但係，真係有令我置身現場一樣既感覺......書展，你等我，出年，你走吾出我五指山！
事件六
學校既姐妹，竟然為左我，出賣左佢媽咪......幫我係英國......女皇醫院度打點打點......都吾知點還......因為家母已經仙遊左，無得出賣......
下次你買左六合彩，等我帶埋去比我媽咪望下啦！
不過......暫時都未有一次靈囉......
事件七
大家風趣鬼馬既留言，成日都令我捧腹，對個病，絕對有幫助架！
當然，仲有好多事件，但係，今日晒住咁多先啦！
2008年7月24日 星期四
訂閱：
意見 (Atom)