７月２日 零晨兩點幾
急症室醫生：你既白血球低左ｄ，不過打呢ｄ針就個個都係咁架啦！但係你有Ｄ發燒，所以都要入院睇睇點
我：吓...................(講到咁峰迴路轉既？)
結果，上到腫瘤科病房，個Ｄ.Ｏ.睇左個file...
D.O.：打呢Ｄ針就個個既白血球都低架啦！可能係急症室既醫生吾係好了解架姐，一般黎講都係比ｄ口服既抗生素你返屋企
我：咁．．．即係聽日出得院？
D.O.：聽日等主診醫生決定啦！
結果，主診醫生係一個Handsome佳...
Handsome佳：m......白血球有ｄ低，仲有ｄ發燒喎，住多一兩日觀察下先啦！
我：即係最樂觀聽日出得院啦？
Handsome：都係既......
結果，成日都燒
結果，成日都無胃口
結果，老公同妹妹同我搬左半間屋黎
結果，我係全房最行得走得既一個
結果，我係同死神最接近嗰個....................
成日都話我既白血球低，到底，有幾低呢？
第一日，係0.8
過左兩日，抽血再驗，係0.6，所以要即刻轉房
0.8同0.6代表咩野呢？
我係五月時做身體檢查，係8.8
正常既，應該介乎4.0-11.3之間
所以，ｄ醫生都好客氣架啦，只係用低低地黎形容......
我出院時，係有２點幾架，叻呢？
To be continue.............
真係升了很多啊!真係好叻!讚 !
回覆刪除[版主回覆07/09/2008 17:49:00]係架！但仲係有排都未到正常！
我試過最低係0.28，係打第四枝針既時候，不過無發燒。
回覆刪除[版主回覆07/09/2008 19:07:00]我已經打左針兩個禮拜，都係得0.6......
所以我諗我可以發燒燒到３９度，即係話已經好轉左啦，如果吾係，無抵抗力既話，即係頭個幾日，根本就燒吾起
所以，要多謝我阿媽！
都幾叻, 吃蕉也是提升白血球的方法之一呢, 我在找些資料給妳
回覆刪除醫院, 想當年幾乎成為我第二個家!
回覆刪除白血球, 血小板........平常心啦! 聽多幾次就嫌悶 Lu! 諗吓其他好玩嘢吖!
[版主回覆07/09/2008 20:38:00]盡量啦！
1)食梅花點香蕉
回覆刪除之前報紙也有提及好些醫學報告証實熟透香蕉有抵癌能力,及能有助提升白血球.
(2)飲速癒素
ORAL IMPACT(速癒素)絕對是提升白血球的首選,因為它營養價值超高,
當化療時白血球低,或因電療化療不能飲食時,速癒素便能大派用場.
(3)花生衣煲水
我未試過這方法,不過有很多病友試過很有效,飲完短期內白血球指數標升.
(4)食車厘子
大量食車厘子也是新幹線親身試過有效的方法,不過好像夏天才有車厘子.
(5)食雲芝丸,靈芝丸
中醫學說雲芝和靈芝都是幫助身體製造白血球的寶物, 新幹線化療前後都有食.
上述資料引用自blog友 " 糖果 "
[版主回覆07/09/2008 20:38:00]多謝你既資料，我會試下
醫生話我個ｃａｓｅ，食咩都無用，因為有３％既人係會完全造吾到血，我係３％裏面嗰個！
有冇收到我比你個電郵，我個靚媽一定要我同你講，我…母命難違。 我仲有唔記得既係，我靚媽話叫你著多件衫同戴帽/包頭，尤其在『英國女皇』果樹，靚媽話唔可以冷親。 靚媽仲話……我真係唔記得了，早知錄音啦！ 比靚媽知我係『Benz brake』(辦事不力)，實話我不孝。 講開阿死神，果日我同佢打牌時，佢叫我同你講，佢識咗個新女朋友，唔打算『追』你喇，仲叫我婉轉d同你講，叫你唔好再掛住佢。 咁你咪當放佢一條生路，唔好掛住佢囉。快d返嚟學校開當啦！
回覆刪除[版主回覆07/09/2008 21:35:00]收到晒啦！
真係要多謝靚媽既照顧，都吾知點報答你地好
阿死神．．．．邊個黎架？
希望聽日可以返學校望望啦！
(Empty)
回覆刪除[版主回覆07/10/2008 09:08:00](Empty)
叻女呀﹗果然有進步。
回覆刪除總之，有得食就食，有得瞓就瞓，有得玩就玩，yo!
其他d數字，隨遇而安啦﹗
記得我哋既約會呀﹗
[版主回覆07/10/2008 15:45:00]而家都有好多時間可以食，瞓，玩，可惜自己吾爭氣，食又食吾多，瞓又瞓吾到，玩又玩吾耐
Anyway, 我會比心機食，瞓，玩架啦！
叻女 >o< ((錫錫))
回覆刪除看來應該會持續上上上升 ~
[版主回覆07/10/2008 17:01:00]已經問人借住Ｄ白血球用住先架啦！