我又死完返黎啦！
又一次殺死自己......
以為自己要留班－－－－白血球吾夠，打吾到第二針...
點知，又得喎；人生，真係好似坐過山車咁...
又想早ｄ打，早ｄ好；又怕打左，好辛苦；又吾想留班，但又想快ｄ畢業......真係貪心！
今次，又係個搞鬼醫生......
醫生：呢幾日有無咩野吾舒服呀！
我：（下刪５０字，都係個ｄ啦！大家都吾想知！）
醫生：咁......一係比個八五折你...
我：（吓？咁筍？）
醫生：一係就打多支造血針啦！（又係响左面個袋
度攞左部計數機出黎襟）一支９００蚊左右
啦！第四日開始打，連打七支，每次６０００
零蚊啦！
我：係咪每一次都係咁打呀？
醫生：係呀！
老公：嘩！加埋咪四萬幾？
醫生：係架！差吾多貴過化療架！咁你打吾打呀？
我：打！（有政府比＄，吾打就笨啦！愈係貴就愈
係抵呀！老公，我愛你......公務員既身份！）
打針房，我，靚仔醫生（ＱＥ既質素真係得呀！又後生，又靚仔，仲要吾係一個，而係個個都得呀！），仲有靚女姑娘
靚仔醫生：上次打，有無吾舒服？
我：打到第三支針時想嘔囉！
靚仔醫生：你放鬆Ｄ就得架啦！
我：你地咁樣幫人打完針，Ｄ手指咪好累囉？
靚仔醫生：如果日日係咁打，真係老鼠仔都打埋出
黎呀！不過應該係關節炎出左先囉！
打到第四支針，我開始忍吾住，嘩啦啦咁嘔晒５個鐘頭前食左既粥出黎
我：吾好意思！
姑娘：你都吾想既！（好窩心的一句）
靚仔醫生：你打完針要坐多一陣喎，好返Ｄ至走啦！
跟住，都無咩野，咪返歸等個巨浪湧埋黎囉！
不過，今次我早有準備啦！問醫生攞定好多回魂丹，到時，就吾洗驚Ｄ副作用啦！
我捱得過既！
沒有留言:
張貼留言