今日係開工既第二日，亦係正正式式吾早退，上足咁多堂，仲要代埋堂既一日．．．
體力，還可以，只是放學時有ｄ攰，所以速速回家抖抖．．．
最吾習慣既，係要長時間帶住個小英二號－－－－我個假髮．．．
可能不自覺咁會用個頭就住就住，所以頭，頸，肩都好鬼攰．．．
最慘既係，ｄ頭髮成鬼日打結，攪到成個癲婆咁，又要成日玩無頭東宮－－－－除左個頭落黎梳．．．
我已經落重手左護髮素，前幾日仲買左順髮噴霧，效果都係一般．．．
睇黎，要同小英二號焗下油至得．．．
可喜既係：ｄ學生都無懷疑我ｄ頭髮係假既－－－－係我未露出破綻呢？還是ｄ學生吾夠觀察力呢？
保重身體!不能太累!
回覆刪除[版主回覆01/05/2009 21:14:00]知道！
好快你就可以飛起"小英二號"架喇,繼續努力.
回覆刪除[版主回覆01/06/2009 23:17:00]到時，驚小英會好傷心．．．但怕且我會好開心．．．
個髮每次用時都噴噴水及用埋髮乳.效果就會好一些.~
回覆刪除[版主回覆01/06/2009 23:20:00]我已經噴順髮水架啦，仲買左個蒸氣負離子直髪夾日日夾，但都仲係好打結呀！可能係因為小英二號長左小小，比較難打理啦！所以今日我用髪夾夾起左佢．．．
2009身體健康!!!一切順利!!
回覆刪除[版主回覆01/06/2009 23:20:00](Empty)
好厲害！不過都要小心身體。
回覆刪除[版主回覆01/06/2009 23:20:00]知道！
係呀，戴假髮打結好麻煩架。我復工時戴咗個多月，頂唔順，改戴帽算了。
回覆刪除我覺得未戴過假髮啲人 (e.g. 你啲學生)，係唔覺得你戴咗假髮嘅。
祝你早日飛咗佢啦
[版主回覆01/06/2009 23:21:00]到時，驚小英會好傷心．．．但怕且我會好開心．．．
小英二號焗下油至得... 咁都可以諗諗~haha！！
回覆刪除.....依家假髮真係好似，很多人都唔覺的 另我用一隻牌子GEL long -keep定型啫喱Super Hard，直頭硬到好似賭聖咁頭 萬靈、屈臣氏都有！
[版主回覆01/06/2009 23:23:00]咁硬，會吾會吉親人架？但都幾有太空ＦＥＥＬ噃！咁我咪要著返套銀色衫襯返？
加油。
回覆刪除點頭髮會好快出的，等過了農曆新年，就可以不要戴了。
[版主回覆01/06/2009 23:24:00]無咁快啩？而家個頭只係黑黑地咋．．．
你好叻呀！開工大吉！
回覆刪除我都睇唔出你個係假髮。你D頭髮有幾長？我嗰陣頭髮長出3-4cm時，個假髮好易甩，所以成日頭dup dup 。真人假髮好似好梳D噃~
[版主回覆01/06/2009 23:27:00]有頭髮時會容易甩？咁．．．
買小英２號時，店家比定個夾我，話出頭髮時可以夾住Ｄ真頭髮，會無咁容易甩喎，仲叫我到時上去教我用添．．．希望快Ｄ可以用啦！
祝你早日飛咗小英二號!
回覆刪除[版主回覆01/10/2009 14:34:00]而家個頭有片草皮，睇黎，有排都未飛得起小英．．．
哈哈~~~~唔帶時將個假髮放上地拖玩「無頭東頭周圍飄」
回覆刪除