中醫初診．．．紅燒豬手

完成化療已經一段日子，手術又做完，係時候睇睇中醫調理下啦！

 

妹妹係元朗睇過個中醫，好似幾好咁，後來聽人講佢都好出名下，所以星期六去左睇，試下夾吾夾我．．．

 

醫師：面色幾好喎，有無涂粉呀？

我：無呀！

醫師：（把脈）係咪好攰呀？

我：返左工攰ｄ．．．

醫師：咁叻，仲返工添？

我：化療完想試下仲得吾得．．．

醫師：化療無丟頭髮咩？

我：假髮黎架．．．（明氹我姐）

 

醫師好細心，人又好好，有個年紀好大既婆婆睇醫生，佢扶出扶入，又吾收診金，藥費又收得好平好平－－－－其實藥費係藥材鋪收既，所以鋪頭ｄ人都好好．．．

 

醫師教我：

１．每日一餐以生薏米當飯食，對醫我呢個病好好

２．化療時打既針會令血管受傷，摸落去會硬ｄ既

　（佢吾講我都吾覺），可以去國貨公司買盒無煙

　　艾草薰下手肯，每日廿分鐘左右，ｄ血管自然

　　會軟返，就吾會咁易手痺

 

１．艾草－－－－以兩計，吾係呢隻；

　　艾條－－－－４至５蚊，好大煙，最好吾好揀；

　　無煙艾草－－－－３０蚊左右，一盒有５條

２．樽仔－－－－我用玻璃樽

３．蠟燭

４．點著蠟燭，用蠟燭既火點艾條，然後灸至皮膚潮紅，約廿分鐘

５．將未用完既艾條放入樽內扭緊，留待下次再用