喺ＱＥ做完電療，要返廣華醫院覆診，因為廣華有姑娘教我護理傷口，又有物理治療師跟進我既情況
姑娘介紹左隻藥膏比我搽，仲要搽到好似cream cake咁．．．
搽左兩個禮拜，又真係舒服好多，皮膚無咁慶，又好滋潤，而家紅印都退左好多啦！
姑娘話我係好少數好好彩既人，原來好多先打化療，再做手術既病人，多數都仲係要全乳切，原因係，就算打左化療先，個腫瘤都吾會細好多；而我既情況就係個瘤比Ｄ藥打到差吾多無晒，所以先有機會做局部切除手術
有時聽到其他人講化療都吾係幾辛苦時，就會覺得點解自己對化療藥既反應會咁大既，點解咁吾好彩呀！
原來，塞翁失馬，焉知非福呢！
今日見物理治療師，佢話我情況都幾好，只係刀疤位既肌肉因為纖維化左，變得好緊，所以而家開始，又要搓my breast啦！
另外，又叫我做多ｄ深呼吸，因為電療時除左電燶左個一尺乘一尺既表面之外，仲會電到個肺，所以會吾夠氣，而深呼吸就可以幫助擴張返ｄ肺氣胞
無以前咁長氣．．．睇怕最開心既都應該係親愛的．．．同埋我ｄ學生．．．
我依家跑兩步都喘氣
回覆刪除好一句「塞翁失馬，焉知非福」！ Miss 即係 Miss ！
回覆刪除我都係冇乜氣，唱 K 唱唔到一首歌！
[版主回覆04/15/2009 22:15:00]咁．．．唱吾唱到兩首呀？
一定係你平時做得好事多，好人有好報，相信冇幾耐，你仲正過以前。
回覆刪除[版主回覆04/15/2009 22:21:00]如果真係做得好事多，就吾洗十分鐘去一去厠所，半個鐘嘔一次，一嘔就嘔成十日，食野又無味，又食吾到，幾個月都瞓吾到，成條喪屍咁，出街又要人扶實，成個阿婆咁．．．真係吾知點捱過黎．．．我諗，我都係前世吾修．．．
可能"打到無哂"係好例外，之前電療工作人員都咁様拿來講。
回覆刪除[版主回覆04/15/2009 22:19:00]當時，我仲以為一般人都係咁添
嘩一尺乘一尺咁勁, 個胸有冇咁大範圍阿?
回覆刪除[版主回覆04/17/2009 13:42:00]個鬆就緊係無啦, 有既話, 都可以去馬戲團表演.......
一尺乘一尺係包埋腋下包至鎖骨至肚臍, 成幅圖咁架!
請問那藥膏是radia gel ??
回覆刪除[版主回覆04/17/2009 13:49:00]係body dream, 60蚊支, 係廣華一樓乳腺科內既妍進會買, 只開早上, 下午吾開
『塞翁失馬，焉知非福』，你的樂觀令人敬佩。
回覆刪除[版主回覆04/17/2009 13:43:00]吾係咁樣, 可以點樣呢?
放心啦，我開頭都無咩氣，過左一年左右，就可以唱歌，不過，我發現好易咳。
回覆刪除[版主回覆04/18/2009 18:37:00]而家個心有d痛, 下次可能要問問醫生...
咁妳要努力D搓your breast喇
回覆刪除[版主回覆04/21/2009 12:13:00]咁重要既責任, 梗係交比人啦!
個姑娘係張姑娘定柯姑娘呀?點解佢地冇幫我睇傷口嘅
回覆刪除我到依家都覺得唔係好夠氣,早排感冒又有咳,平時睇一次醫生已經好返,今次呢...成日覺得條氣唔多順,個日睇中醫,希望新藥方有幫助喇.
[版主回覆04/21/2009 12:18:00]點會無同你睇呀? 咁邊個介紹你搽cream呢? 應該係睇左傷口至做物理治療, 你仲畢左業添
我一電完就即刻打比梁姑娘,梁姑娘問我皮膚有冇特別唔妥,我話冇呀,佢話如果冇就可以唔駛約見姑娘,有就要即刻通知,但係就一定要約物理治療先,咁之後,個傷口又真係冇乜特別,電完第1次見物理治療師,佢都話我唔錯,搽蘆薈gel係放射治療師介紹我的,佢日日見到我皮膚.
回覆刪除我電緊個陣都好勤力做深呼吸同做物理治療師教我的2式運動,都依家都仲有做,但係都依然唔多夠氣兼唔順,可能如果唔做仲差,因為柯姑娘千叮萬囑一定要多做深呼吸.