打左針後,成日都嗅到自己身上的病人除
所以,呢幾日會:
1. 盡量打開晒屋企的窗
2. 噴下香水
3. 用濃味入浴用品浸泡,又可以令自己瞓得好d
4. 四周噴下d香香噴霧
5. 插下d香花
6. 開少D冷氣
八鄉狗場主人由泰國帶返黎既香氛,係我喜愛既西柚味,可以加水後噴灑於屋內

自己係優之良品買既西柚味浴鹽,好清香,又吾太貴,只係$40,比卓悅既浴鹽清好多,香好多

天水圍師奶提供的泡泡浴露,勁多泡,泡沫細密纏綿

又係天水圍師奶提供既,不過未開

而家,日日都可以有好心情啦!
打左針後,成日都嗅到自己身上的病人除
所以,呢幾日會:
1. 盡量打開晒屋企的窗
2. 噴下香水
3. 用濃味入浴用品浸泡,又可以令自己瞓得好d
4. 四周噴下d香香噴霧
5. 插下d香花
6. 開少D冷氣
八鄉狗場主人由泰國帶返黎既香氛,係我喜愛既西柚味,可以加水後噴灑於屋內

自己係優之良品買既西柚味浴鹽,好清香,又吾太貴,只係$40,比卓悅既浴鹽清好多,香好多

天水圍師奶提供的泡泡浴露,勁多泡,泡沫細密纏綿

又係天水圍師奶提供既,不過未開

而家,日日都可以有好心情啦!
颱風走左,風和日麗,又係洗衫既大好日子

雖然遠處仲有層層疊疊的雨雲,未算係好天朗氣清,但已經令我心情好好多啦!

今日都無咩特別,都係作下嘔出下冷汗咁啦!過度活躍都未到;
所以今日可以同親愛的到街市買野,回家又可以親手煲湯;
又可以食到d野;
又可以睇電視同雜誌;
仲可以上網寫blog添
今日真係要感謝天主比左咁清爽既一日我
今日係打針後既第二日,真係好似天山童姥散左功咁,好虛好虛!
昨日食左野都嘔返出黎,諗住飲杯菊花茶清下佢啦!連杯茶都完完本本出返黎----比條路行下好喎!
最後,出絕招----食橙!
結果,昨日既戰績就係食左兩個橙勒!
結果,虛到要親愛的事事為我張羅......
例如:
我:好熱呀!
親愛的拿拿聲去開風扇
又例如:
我:想食橙!
又拿拿淋開個橙我食
再例如: 
我未出聲,已經倒定d水比我飲
又會日日掃地拖地清潔家居
仲會用扇同我撥涼
又會幫我按摩令我容易入睡
但係,出得黎行,預左要還........
十二日後......
早上
我會一早起身出街買餸,返歸煲湯煮飯等親愛的返歸
飯前
親愛的:洗吾洗幫手呀?
我:吾洗,你出去坐啦!
飯後
親愛的:等我洗啦!
我:千祈吾好,等我做,可以消磨下d時間,有返
d運動,可以早d瞓得著!
頭七快d過啦!
最辛苦既第三四日就黎啦!有無棍呀?扑暈我先啦!
中學時最愛刨金鏞小說
大家記吾記得天龍八部裏面,虛竹和尚遇上天山童姥既一段呢?
話說虛竹遇上一個小女孩,小女孩十分虛弱,功力全無----原來她正是手段毒辣,武功高強既天山童姥;只是當時佢剛散功,所以武功全失
親愛的話我似天山童姥----打針前,行得走得,食得玩得,武功高強,手段毒辣......;打針後......吾洗講啦......
本來昨日係打第四針既日子,但因颱風既關係,QE星期四已經
所以,又可以輕鬆多一日啦!
由於三七呢個星期行得走得,又吾洗入廠維修,所以日日有街出,亦都日日有食神,食左好多野,所以肥返幾磅,而家總數都係無左廿五六磅......
希望第四針又比第三針好啦!
而家,剛剛死完返黎,仲好快手咁食左碗麵,叻呢?點知轉個頭就成碗嘔返出黎..........果然係天山童姥......
營養補充品又要出動啦!
頭七:打完針頭七日,所有副作用出晒黎,比死更難受
三七:打完針第三個禮拜,行得走得食得瞓吾得,但已經好開心
頭七就吾好提啦!
三七,日日出街會親朋好友,朝朝去街市買餸煲湯煮飯,晚晚打wii游水做運動,都好開心,好精彩
都係要多謝親朋好友撥出寶貴既時間同我killing time啦!
月上柳稍頭,人約黃昏後----去奶奶家途中

有閒情逸緻可以插下花

煮飯煮到悶,轉下口味包水餃

中間個幾隻創意水餃係親愛的既作品,我就悶d,包極都係咁既樣!
本來今日又係頭七既第一日----今次第四針啦!但因颱風既關係,昨日被QE召左去抽血,聽日早上先打針!
又可以輕鬆多一日啦!
聽日先再死過啦!
而家要死去煮飯啦!
被朋友所害,要玩答問題遊戲!
遊戲規則如下:
被點中名的朋友請像我一樣回答所有問題,並發一篇BLOG在自己的網誌上!回答之前,請刪除一條你不喜歡的問題,另出一條問題代替。完成後,再點另外10個人繼續遊戲,並到這10個人的BLOG留言通知對方。被點名者不得拒絕回答問題,不完成遊戲的人,會是一個無義氣的人!
1)你自己的最大優點?
喜歡令身邊既人/朋友快樂
2)你最鍾意什麼活動/運動?
同親朋戚友親愛的一齊,玩咩都開心
3)到目前為止, 有咩令你最難忘?
證明患上癌症
4)你最想去旅行的地方是哪裡?
法國南部既普羅詩旺
英國既運河船屋
阿拉斯加或芬蘭睇極光
5)人生中最後悔既事?(自己出的題目)
未有好好照顧患病既媽媽
6) 如果一生人只可以吃一種食物渡日,你希望那東西是什麼?
水果
8) 人生中,最快樂嘅一件事
認識我老公
9) 你最欣賞嘅人?
努力謙和又幽默既人
10) 如果可以再選擇, 你還會選擇現時的伴侶嗎?
會.......因為怕佢會睇到呢篇blog
要老點10個人, 中獎者係:睇到呢篇blog既人,自己執生啦!
根據史記記載, 漢高祖劉邦有位寵妃----戚姬; 也有位妒忌心極強的皇后----呂后





2008年的盛暑, 讓我們一起來把"人彘"重現人間吧!





















