2009年7月23日 星期四

一個人在途上......英國, 倫敦

很多病友說,化療後,很多機能都變差了----記憶力衰退,體力不及從前......


 


我的情況也大概如此----本來已經不太好,現在就更差了...


 


因此,想一個人去去旅行,試一試自己還肯不肯;加上8月中要回到手術台上,若有什麼閃失,都叫做玩過了,開心過了----實情是我的人緣差,沒有朋友願意跟我去旅行...


 


無論是什麼原因,我都到了英國了!


 


首站,是倫敦;景點,都是那一些;但是,都要到處看看,到此一遊吧!


 


         大笨鐘


  

  


       London Eye


  


 


 


       像廸士尼嗎?誰像誰啊!


  


       


 


 


       格林威治皇家天文台


  


 


  子午線,我人的一半在東半球,另一半在西半球


   


 


 


              下雨了!   


   


 


   


 


 


                    Queen's House, Greenwich


       


 


          白金漢宮


   


 


     西敏寺...對面的小教堂


  


 


   我在倫敦的住處,二級建築文物啊!


  


下一站,巴斯,英國


 


 


 


 


 


 


 


 


 


 


 


 


 


2009年6月21日 星期日

麵粉花

      原來,都已經學左好多盆新花


  


 


 


 呢盆最難,仲要整到成棵菊花咁......其實佢係牡丹...


  


 


     


       荷花,都幾ok架!


    


 


   葡萄風信子,最仔細,要小粒小粒咁整


    


 


         桃,都幾靚架!


     

  


 


           三色堇


     

 


 


 


           聖誕集


   

   
    
 


 


           屈金香


   


 


 


 


 


 


 


 


 


 


 


 


 


2009年6月17日 星期三

豬牛梗,四圍走

小學停課,但大部份老師都要回校工作;我校也一樣,但也體貼地預留幾天給我們在家工作


 


趁有時間,約了老爸吃午飯,再去逛藝術館


 


原以為星期三可以免費進場,豈料一心參觀的路易威登Lovus Vuitton展覽要收費,因此只好買票入場


     


之後,又到停泊在海港城的忠僕號Doulos走走


  


  


  


與爸爸消磨了一個下午,回家已是六時多...


 


然後......


 


發現自己發燒,加上肚瀉,兩三天都欠胃口...常常都會想得太壞的我,馬上上網看看豬牛梗的病徵...幾項病徵都命中了...


然後,急忙打電話到醫務所book時間看醫生...


 


醫生說了一大輪,結論是:


1. 未經抽樣化驗,無人可以肯定是否豬牛梗,因為病


 徵跟一般的流感無甚分別;


2. 縱然中了彩,一般病情都很輕微...言下之意,


 好番都吾未必知自己中左豬牛梗;


3. 政府的流感診所,主要是收集數據作究研及控制


 疫情;


4. 吃藥,多休息,不要再往街上跑;


5. 再有問題才去流感診所求助;


6. 不用太擔心...


 


其實,我是頗擔心的:


1. 親愛的因工作要後天才回家;


2. 妹妹到意大利要下星期才回來;


3. 不想驚動老爸,但跟他整天在一起,若有事,可能


 會牽連到他;


4. 可能會拖累學校,同事,朋友;


5. 不可以再四處走了:本來今天約了同事大吃大喝呢!


6. 預約了麵粉花的上課時間,也要取消了!


7. 化療時,每打一針都發一次燒,因而入了好幾次


 醫院,還要入住隔離房...我不要呀!


 


想太多了,因為今早已退燒...


但我通常都是黃昏後再發燒----日間平平安安,一到六七時左右,開始混身不適,由骨頭內燒出外...


希望今晚大步攬過啦!


 


 


 


 


 


 


 


 


 


2009年6月13日 星期六

去年今日vs明年今日

昨日,見了牙科醫生...


去年的牙科覆診日本來是6月4日,但當天被急召往見乳腺科醫生,結果牙科覆診日變成了癌症確診日...


本來見牙醫的時間推遲到9月,但化療期間白血球低,不適宜進行任何口腔治療,所以安排了在6月12日...


今年的覆診日,剛巧又是6月12日,真是不無感慨...


去年見醫生的心情,可想而知,尤其是安排來年覆診日期時,真怕自己等不到...


今年有幸尚餘狗命再見牙醫,真有說不出的興奮...


到最後,也是安排來年覆診的環節時,我也同樣地希望我可以平平安安地等到這一天...


 


 


 


 


 


 


 


2009年6月1日 星期一

飛越瘋人院

呢幾日,除左豬流感,最熱門既話題都應該係癲佬斬死四歲童...


呢d話題,好自然就胆拖社區精神健康,政府政策,資源分配...嗰d都無咩可能解決到既問題...


 


做緊化療時,有三四個月瞓吾到又瞓吾好,而且打左針既第三四日會有異常焦慮,行吾安坐吾落既情況出現,所以,腫瘤科醫生轉介左我睇精神科----我知我知,好多識我既人都認為我應該早廿年就睇啦----因為我又真係癲癲地既!


 


其實我覺得自己單就患病呢件事上,都算係處理得幾好,接受得幾好,因為我從來都無諗過自己有幾不幸,只係覺得自己成日都好好彩----好彩及早發現;好彩被私家醫生誤診左,拖左兩個月都仲救得番;好彩有咁多親朋好友支持;好彩識到班blog友;好彩吾洗死住...


生老病死,隨時都會發生喺每一個人身上,發現自己患上癌症,有咩奇呢?


只係恐怕自己抑壓左d負面情緒而不自覺,好似吹波咁,頂吾住既時候爆左出黎...


加上化療時無聊,咪去睇下囉...


 


去到九龍醫院既大堂,首先係見到一個女人係度同個汽水機傾緊計...


 


上到二樓排隊交錢,係一條好長既龍,有個電車男由龍頭開始向龍尾方向,逐個問人:你係咪10E架?


我見佢就黎行到埋黎,就好似好不經意咁擰轉左個身,點知...


親愛的:10咩野E呀?你以為自己好出名呀?


    你估個個都識你呀?


個男人一路行開一路喺度吱吱噚噚...


我忍吾住笑,親愛的問我笑咩...


我:嘩!最吾正常嗰個好似係你喎!你胆敢咁樣同


  佢講,你吾驚佢係你後面伏你呀?


跟住,親愛的全程要望實電車男行左去邊...


 


交完錢,係大堂等緊既時候...


有個斯文蠟頭男係度講緊電話,全程係用hand free黎講既----係無線,無藍牙,同無電話...


內容係:


1. 開解下自己 


2. 講下人是非 


3. 都有d係講時事架


4. 同工作有關


講得都好大聲架,成個hall靜晒,得佢把聲...


你又吾好以為佢傻得晒呀,叫名時,佢又有反應噃!又識得比票尾姑娘check......


其他,都係嗰d啦,一方面覺得好淒涼,一方面又要忍住吾比自己笑嗰d啦----我都真係好魔鬼下,但有時又真係...


 


第一次見醫生時,醫生問完一大輪之後......


醫生:其實你情況都好好架啦!始終經歷左一個咁大既轉變,你都接受都幾好呀!


我:咁...吾食藥得吾得呀?


醫生:得!你都可以吾洗食藥既!咁...你想點呀?


我:可吾可以見下心理治療呀?


醫生:可以幫你安排,你一陣要抽左血先走得喎!


我:吓?呢度都要抽?(個排真係抽血都抽乾!)


 


抽血時,姑娘叫我加油......好感動呀!


 


結果,心理醫生就覺得我既焦慮不安同長期失眠係由於化療藥既影響


 


好似去運吉咁,但其實,都幾有得著架!


見到咁多人咁轉牛角尖,咁睇吾開,真係幾發人心省架,有咩緊要得過條命仔呢?仲有咩睇吾開呢?


心理醫生問我既問題,真係好到,我有時都會問下自己:你有咩係最擔心架?


我諗我從來都只係擔心吾知幾時先中六合彩.....最好係金多寶嗰期啦!


 


 


2009年5月29日 星期五

忍無可忍,吾洗再忍

今日做左件衰野......


 


今早去左女皇醫院照超聲波...


醫生指示係要照前早一個小時飲兩杯水,照之前有"殊殊"既感覺先可以照------所以成個房十幾人,大部分人都係度練緊忍功...


 


我排第9...我忍忍忍忍,忍者上身...


 


點知,叫到6號籌時,有個攞住15號籌既新人走入黎,一入到黎就已經叫生叫死,又話急又話盛,要姑娘比佢睇先...


 


姑娘就叫左7號入去,佢又鬼殺咁嘈,姑娘唯有問大家可吾可以比佢睇先...


 


其他人都無出聲...


我:姑娘,我都好急喎,我吾可以比佢睇先


 


到7號出黎,佢又鬼殺咁嘈,姑娘又問...


8號仔:我無所謂,比佢睇先啦!


佢想衝入去...


我:咁即係到我啦!


 


我入左去之後,親愛的話佢衝左去厠所...


 


之後,佢就緊係照吾成啦!


 


跟住佢就喺登記處大吵大鬧,話人地吾就佢...


內容大至如下:


1.應該邊個急就邊個照先


 (咁吾洗派籌啦!有邊個吾急架?)


2.佢個女喺另一座照時,都係邊個急就邊個照先


 (嗰個unit既姑娘就真係應該比人投訴啦!)


3.姑娘吾安排佢打尖


 (吓?到時又真係到我投訴啦!)


4.其他病人吾就佢(鬼叫佢乞我憎!)


5.醫院安排失當,吾係即到即睇,要等


(鬼叫政府派比醫院既資源有限咩,你估d醫生護士想你等架?又想平,又想靚(比較起全世界,已經算係又平又靚啦),但又吾想比咁多稅,香港人真係好貪心!)


6.單打下我咁啦!


(要一個打完八針化療,肝同腎都傷晒既癌症病人讓比你先?我肯讓,你都吾好意思啦----不過我諗佢都無咩廉恥架啦!)


 


好心涼----我知我知,我係好黑心,好魔鬼,但佢又真係好乞我憎,淨係識得投訴投訴同投訴!仲要用d咁不合理既理由去投訴!比我做多次,我都吾會比佢先囉!


我諗佢吾係見有男人陪我黎,出聲話左我啦!算佢好彩啦!同本小姐鬧交,咪即係撩鬼攞命!


 


 


 


 


 


2009年5月19日 星期二

今日研究院畢業

今日又畢業......


 


今日係物理治療畢業......


 


物理治療師:吓?!你得啦!可以著返衫走啦!


我:吓?!(啱啱除左衫瞓低咋喎!)


物理治療師:個刀疤都仲有d緊,要大力d按下佢


     ,按多一年左右啦!


我:咁...係咪吾可以浸溫泉架?


物理治療師:都得既,浸既時候遞高隻手,吾好浸


      到咪得囉!(大家想像下個情況...


      都幾搞笑...)


我:咁係咪吾可以按摩呀咁架?


物理治療師:等我睇下你個報告先...你切左五


      粒淋巴,好小事姐,人地切左十幾粒


      就緊係吾得啦!但你記住要按多d個


      傷口,否則個疤好容易會痴埋一齊,


      妨礙排水;另外,排水運動都要每日


      做啦!得啦!攞返張畢業證書(遞左


      張覆診卡比我)走得啦!


 


就係咁,又有一科畢業啦!又覆少一科診啦!


 


長期請病假既歲月裏,尤其是打化療時,吾出得街,成日在家種草菇,覆診,也成為一個大節目----真係笑中有淚;而家復工啦!過返以往忙碌既生活,覆診,仍然是生活的點綴----監察住身體各方面既機能,又可以提醒自己小心注意健康,所以,我仍然樂意見見醫生護士...