一個人在途上......法國, 巴黎

 

　　　　Teddy Daisy, 我地出發去巴黎啦!

　　

 

 

　　見到羅浮宮外面既金字塔入口，就令我想起：中國人在此撒了一大泡尿......

　　

　

　　

　　　　　　　　富麗堂皇

　　

　　

　　　　　大概全世界最靚既，都在此了！

　　

　

　　　大皇宮，都係果ｄ啦！要＄，所以無入去...

　　

 

　小皇宮，亦都係果ｄ，但吾洗＄，咪入去行下囉！

　　

　

　　

　聖心堂，天主教堂，入左去為剛去世的同事祈禱...

　　

聖心堂好靚好靚，反而在英國沒有進過很多教堂，因為英國的教堂大多是聖公會的，沒有我祈禱的地方，加上，又要入場費（真難明！），所以都沒有入內參觀；況且，看一間跟看十間，大概都是差不多吧！

 

 

　　　　聖心堂外，有人演奏旋律優美的豎琴

　　

 

 

　　　　　　凱旋門，點都要到此一遊啦！

　　

 

　　　　飲食男女介紹的小店，很不錯！

　　

 

crepre，ｄ香蕉．．．有ｄ似大蕉．．．但都幾好食

　　

 

　　　　電影場景成日見到既佐治三世橋

　　

 

遊鐵塔時，剛下雨，又濕又凍，頂層也沒有開放，後來，雨越下越大，所以只是逗留了一會．．．

 

小插曲：

有一日，行完ｄ景點，諗住去郊外既outlet貢下，所以上左車，又要轉車，又上車．．．點知其中一個轉車位要入票，但我張票又吾ｗｏｒｋ喎，見到ｄ人就咁就跳過ｄ閘口，咁我．．．無咁做，因為有個男仔問我係咪入吾到，跟住夾住我一齊過．．．

到站時，又要入票（一般都只需要入站時入票，出站行出去就得架啦！），我張票又吾得．．．我就找站內穿制服的人問（好似有槍架！都吾知咩人蒞．．．），佢同我講左一大輪法文（！），大概意思係話我張票不適用於呢個站啩（幾聰明伶俐！），但我當然是擺出一面蠢相（吾洗擺，已經係！）加上一面不解（呢個真係要比ｄ戲．．．），最後，佢好無奈咁放左我出去．．．

　　

回程時，迫住要買票，原來去程的霸王車要５個幾．．．歐圓啦梗係！

 

下一站，英國，湖區

一個人在途上......英國, 巴斯

今日返到香港啦！

 

第二站，在英國的巴斯Bath.

在巴斯，住在大學宿舍裏，環境很好，很整潔，一人一房間，洗手間浴室要共用；只是，一開始時，有點難找，出入都要坐巴士；但，很便宜，每晚只要２１磅！

 

　　

　　

　　最有名的羅馬大浴池，入場費要十幾磅，結果我無入去，反而去左浸ｓｐａ，入場都只是２２磅

　　

　

 

　　　　　　　　　剛巧有人結婚

　　

 

 

　　　　　　　　討吃的小鴨子

　　

　　　　　　　　　

　　　　　　　走累了，在河邊抖一抖

　　

　

　　　　　河邊停泊了色彩豐富的運河船

　　

 

　　本來去英國旅行的主要目的是坐運河船在郊區遊蕩，但由於當地正是暑假期間，所以很多船公司的預約都滿了；最終也給我找到一間可以逗留三日兩夜；豈料付過款後多天，也收不到回音，致電又只有留言，所以只好另外ｂｏｏｋ了在湖區的酒店；酒店ｂｏｏｋ定了，才收到船公司的回覆．．．結果，今次無緣在小船上留宿了！

 

　　　　　　　坐不了，看看也是好的！

　　

 

　　　　　　　　很有特色的水閘ｌｏｃｋ！

　　

　　　

　　

　　

 

下一站，法國巴黎！

一個人在途上......英國, 倫敦

很多病友說，化療後，很多機能都變差了－－－－記憶力衰退，體力不及從前．．．．．．

 

我的情況也大概如此－－－－本來已經不太好，現在就更差了．．．

 

因此，想一個人去去旅行，試一試自己還肯不肯；加上８月中要回到手術台上，若有什麼閃失，都叫做玩過了，開心過了－－－－實情是我的人緣差，沒有朋友願意跟我去旅行．．．

 

無論是什麼原因，我都到了英國了！

 

首站，是倫敦；景點，都是那一些；但是，都要到處看看，到此一遊吧！

 

　　　　　　　　　大笨鐘

　　

　　

　　　　　　　Ｌｏｎｄｏｎ　Ｅｙｅ

　　

 

 

　　　　　　　像廸士尼嗎？誰像誰啊！

　　

      　

 

 

　　　　　　　格林威治皇家天文台

　　

 

　　子午線，我人的一半在東半球，另一半在西半球

　　　

 

 

　　　　　　　　　　　　　　下雨了！　　　

　　　

 

　　　

 

 

                    Queen's House, Greenwich

       

 

　　　　　　　　　　白金漢宮

　　　

 

　　　　　西敏寺．．．對面的小教堂

　　

 

　　　我在倫敦的住處，二級建築文物啊！

　　

下一站，巴斯，英國

 

 

 

 

 

 

 

 

 

 

 

 

 

麵粉花

　　　　　　原來，都已經學左好多盆新花

　　

 

 

　呢盆最難，仲要整到成棵菊花咁......其實佢係牡丹...

　　

 

　　　　　

　　　　　　　荷花，都幾ｏｋ架！

　　　　

 

　　　葡萄風信子，最仔細，要小粒小粒咁整

　　　　

 

　　　　　　　　　桃，都幾靚架！

　　　　　

　　

 

　　　　　　　　　　　三色堇

　　　　　

　

 

 

　　　　　　　　　　　聖誕集

　　　

　　　

　　　　

　

 

　　　　　　　　　　　屈金香

　　　

 

 

 

 

 

 

 

 

 

 

 

 

豬牛梗，四圍走

小學停課，但大部份老師都要回校工作；我校也一樣，但也體貼地預留幾天給我們在家工作

 

趁有時間，約了老爸吃午飯，再去逛藝術館

 

原以為星期三可以免費進場，豈料一心參觀的路易威登Lovus Vuitton展覽要收費，因此只好買票入場

　　　　　

之後，又到停泊在海港城的忠僕號Doulos走走

　　

　　

　　

與爸爸消磨了一個下午，回家已是六時多．．．

 

然後．．．．．．

 

發現自己發燒，加上肚瀉，兩三天都欠胃口．．．常常都會想得太壞的我，馬上上網看看豬牛梗的病徵．．．幾項病徵都命中了．．．

然後，急忙打電話到醫務所book時間看醫生．．．

 

醫生說了一大輪，結論是：

1. 未經抽樣化驗，無人可以肯定是否豬牛梗，因為病

　徵跟一般的流感無甚分別；

2. 縱然中了彩，一般病情都很輕微．．．言下之意，

　好番都吾未必知自己中左豬牛梗；

3. 政府的流感診所，主要是收集數據作究研及控制

　疫情；

4. 吃藥，多休息，不要再往街上跑；

5. 再有問題才去流感診所求助；

6. 不用太擔心．．．

 

其實，我是頗擔心的：

1. 親愛的因工作要後天才回家；

2. 妹妹到意大利要下星期才回來；

3. 不想驚動老爸，但跟他整天在一起，若有事，可能

　會牽連到他；

4. 可能會拖累學校，同事，朋友；

5. 不可以再四處走了：本來今天約了同事大吃大喝呢！

6. 預約了麵粉花的上課時間，也要取消了！

7. 化療時，每打一針都發一次燒，因而入了好幾次

　醫院，還要入住隔離房．．．我不要呀！

 

想太多了，因為今早已退燒．．．

但我通常都是黃昏後再發燒－－－－日間平平安安，一到六七時左右，開始混身不適，由骨頭內燒出外．．．

希望今晚大步攬過啦！

 

 

 

 

 

 

 

 

 

去年今日ｖｓ明年今日

昨日，見了牙科醫生．．．

去年的牙科覆診日本來是６月４日，但當天被急召往見乳腺科醫生，結果牙科覆診日變成了癌症確診日．．．

本來見牙醫的時間推遲到９月，但化療期間白血球低，不適宜進行任何口腔治療，所以安排了在６月１２日．．．

今年的覆診日，剛巧又是６月１２日，真是不無感慨．．．

去年見醫生的心情，可想而知，尤其是安排來年覆診日期時，真怕自己等不到．．．

今年有幸尚餘狗命再見牙醫，真有說不出的興奮．．．

到最後，也是安排來年覆診的環節時，我也同樣地希望我可以平平安安地等到這一天．．．

 

 

 

 

 

 

 

飛越瘋人院

呢幾日，除左豬流感，最熱門既話題都應該係癲佬斬死四歲童．．．

呢ｄ話題，好自然就胆拖社區精神健康，政府政策，資源分配．．．嗰ｄ都無咩可能解決到既問題．．．

 

做緊化療時，有三四個月瞓吾到又瞓吾好，而且打左針既第三四日會有異常焦慮，行吾安坐吾落既情況出現，所以，腫瘤科醫生轉介左我睇精神科－－－－我知我知，好多識我既人都認為我應該早廿年就睇啦－－－－因為我又真係癲癲地既！

 

其實我覺得自己單就患病呢件事上，都算係處理得幾好，接受得幾好，因為我從來都無諗過自己有幾不幸，只係覺得自己成日都好好彩－－－－好彩及早發現；好彩被私家醫生誤診左，拖左兩個月都仲救得番；好彩有咁多親朋好友支持；好彩識到班ｂｌｏｇ友；好彩吾洗死住．．．

生老病死，隨時都會發生喺每一個人身上，發現自己患上癌症，有咩奇呢？

只係恐怕自己抑壓左ｄ負面情緒而不自覺，好似吹波咁，頂吾住既時候爆左出黎．．．

加上化療時無聊，咪去睇下囉．．．

 

去到九龍醫院既大堂，首先係見到一個女人係度同個汽水機傾緊計．．．

 

上到二樓排隊交錢，係一條好長既龍，有個電車男由龍頭開始向龍尾方向，逐個問人：你係咪１０Ｅ架？

我見佢就黎行到埋黎，就好似好不經意咁擰轉左個身，點知．．．

親愛的：１０咩野Ｅ呀？你以為自己好出名呀？

　　　　你估個個都識你呀？

個男人一路行開一路喺度吱吱噚噚．．．

我忍吾住笑，親愛的問我笑咩．．．

我：嘩！最吾正常嗰個好似係你喎！你胆敢咁樣同

　　佢講，你吾驚佢係你後面伏你呀？

跟住，親愛的全程要望實電車男行左去邊．．．

 

交完錢，係大堂等緊既時候．．．

有個斯文蠟頭男係度講緊電話，全程係用hand free黎講既－－－－係無線，無藍牙，同無電話．．．

內容係：

1. 開解下自己　

2. 講下人是非　

3. 都有ｄ係講時事架

4. 同工作有關

講得都好大聲架，成個hall靜晒，得佢把聲．．．

你又吾好以為佢傻得晒呀，叫名時，佢又有反應噃！又識得比票尾姑娘check......

其他，都係嗰ｄ啦，一方面覺得好淒涼，一方面又要忍住吾比自己笑嗰ｄ啦－－－－我都真係好魔鬼下，但有時又真係．．．

 

第一次見醫生時，醫生問完一大輪之後．．．．．．

醫生：其實你情況都好好架啦！始終經歷左一個咁大既轉變，你都接受都幾好呀！

我：咁．．．吾食藥得吾得呀？

醫生：得！你都可以吾洗食藥既！咁．．．你想點呀？

我：可吾可以見下心理治療呀？

醫生：可以幫你安排，你一陣要抽左血先走得喎！

我：吓？呢度都要抽？（個排真係抽血都抽乾！）

 

抽血時，姑娘叫我加油．．．．．．好感動呀！

 

結果，心理醫生就覺得我既焦慮不安同長期失眠係由於化療藥既影響

 

好似去運吉咁，但其實，都幾有得著架！

見到咁多人咁轉牛角尖，咁睇吾開，真係幾發人心省架，有咩緊要得過條命仔呢？仲有咩睇吾開呢？

心理醫生問我既問題，真係好到，我有時都會問下自己：你有咩係最擔心架？

我諗我從來都只係擔心吾知幾時先中六合彩．．．．．最好係金多寶嗰期啦！