等了好幾個星期，終於等到．．．
1. 晴天；
2. 但又不太熱；
3. 親愛的日間有空閒；
4. 不太遲起床．．．
因此，今天去了沙田踏單車．．．
以前（當然是很久很久以前，once upon a time...）可以由早上從大圍～～大埔～～大尾督～～新娘潭～～大埔～～大圍．．．
現在，從沙田至大埔，已有點兒吃力；
加上沿途有很多阻撓．．．
我的最愛，軟雪糕！
汽水雪糕冰菠蘿
見住人食都覺得酸！
然後，去了小時候居住的屋村．．．
我家樓下是噴水池，每天晚上噴灑時，都會有五彩繽紛的射燈，煞是迷人！
光顧了尚在營業的麵檔
麵食，仍然保持水準！
盛記在沙田經營了五十年，但最近被領滙加租，有機會不能再經營下去了．．．
然後，順道理了髮
再吃了死亡食物，才回家
如果下星期的天氣好，可能會再去遠一點，也可以再多吃一點 : P
周星馳電影的經典一幕......
化學老師：呢位同學叫咩野名？
星星：周星星
化學老師：你呢？
小山：黃小山
化學老師：（面向黃小山）周星星同學，我地而
家開始啦！
每日上課，都有類似的事件發生．．．係每日！
事件一
三年級英文課．．．
我：open your book and turn to P.46
學生：打開第幾頁呀？
我：P.46!
另一個學生：我地而家做咩呀？
我：．．．．．．．．．（究竟我喺度做緊咩呀？）
事件二
另一班三年級，常識課．．．
我：用藍筆圈住既地方，要特別留意，但吾洗你地
寫詞語啦！
即刻有人舉手：老師，藍筆圈住既要吾要寫詞語呀？
事件三
舞蹈比賽完結後．．．
我：而家攞齊ｄ野，check多次對鞋有無攞齊，我地要
落樓上車啦！
落到樓下．．．
學生：我漏左對鞋呀！
我：．．．．．．（仲可以點呀？）
事件四
帶學生去電視台表演，有個學生負責拿一支喇叭作道具，回程前提他要拿好．．．
回到學校門口．．．
老師：聽日比賽，你記住帶埋去喎
學生：哦！
老師：你放入袋，吾好再攞出蒞啦！
學生：哦！
老師：依？你剛才有無攞返蒞呀？
學生：有呀！而家喺個袋度！
老師：哦，咁你返去啦！
老師返到教員室，收到電視台電話，話我地漏左支喇叭．．．
老師馬上打電話比學生．．．
老師：你支喇叭呢？
學生：喺個袋度囉！
老師：你打開個袋睇下
學生：哦．．．呀．．．吾見左．．．
老師：．．．．．．．．（男人，無論幾多歲，都
係信吾過！）
化學老師，緊有一個喺左近．．．
同場加映：吾膠擦
指導學生英文作文中．．．
我：你個fullstop應該寫埋喺上一行．．．
學生：有呀！寫左啦！
我：咁，你吾擦左呢個既？
學生：吾膠擦！
我：吓？（你吾係講粗口呀？）
學生：吾膠擦！
我：你講咩話？（ｏ靚仔，講粗口？）
學生：吾膠擦！
我問另一個學生：你聽吾聽到佢講咩呀？
另一個學生：．．．．．．
我：你慢ｄ再講多次啦！
學生：我吾記得左擦呀！
我：．．．．．．（笑到出吾到聲）以後講野要逐
隻字講清楚啦！
同場再加映：你會有報應
老師：你吾乖，我要寫你手冊，攞手冊出蒞！
一年級死仔包：吾攞！
老師：咁我叫你班主任同你寫啦！
一年級死仔包：你會有報應架！
老師帶住個死仔包去見班主任．．．
班主任：你有無咁講過呀？
死仔包：無呀！
老師：你無？
死仔包：無呀！你老人痴呆之馬！
係囉，又係去台北囉！
對上一次去旅行係去台北－－－－九月尾去左聽準基演唱會．．．
再對上一次都係去台北－－－－八月，剛剛係打大風嗰幾日，即係塌酒店嗰次呀！點知，台中打落台南高雄大災難，但台北無事．．．http://hk.myblog.yahoo.com/daisywong1209/article?mid=7106
係囉，一年去左三次，次次既行程都差不多－－－－新光三越，誠品，１０１，西門町，鴨肉偏，士林，野柳，九份，淡水，烏來，溫泉．．．．．．
今次去，是學校舉辦了交流團，到新竹參觀兩間小學；我們提早兩天出發，多玩兩天！
今次去，笑晒，買晒，玩晒，用晒，開心晒一年既配額．．．．．．幸好，新一年的財政年度在四月一日開始
吾講咁多，去片啦！
Day 1 27/3 (Sat)
早機去，下午已在烏來瀑布，並且發現貓神藏身於瀑布下
你睇你睇！佢幾吾順超！
除左貓神，仲發現左個一抽二lung既阿嬋．．．
同埋吾肯比錢但又要泡新鮮溫泉既歐巴桑．．．
從英國遠道而來的Peter Rabbit也來湊熱鬧．．．
當然，長髮美女們也不蝕抵啦！
推介溪蝦，要成隻連頭連尾連穀食！
排長龍既山豬肉香腸！
小火車！
Day 2 28/3(Sun)
首兩天下榻四季酒店
酒店的推廣價：
1. 每人大約HK$1000，住兩晚，包早餐；
2. 包便當
3. 包車到陽明山賞花；
4. 包四季溫泉飯店兩人一房泡溫泉
5.還有一個afternoon high tea.
12月尾到廣華覆診時，醫生話我左面個'鬆'好似或者有機會希望吾係有問題，所以安排左我早ｄ做乳房造影．．．
今日，死期到．．．
同事：你今日覆診呀？見吾見到靚仔醫生架？
我：今日只得姑娘，仲要係滿清十大酷刑覆診法！
同事：吓？
我：首先，將個'鬆'放上枱（Ｘ光枱），然後，用兩塊透明膠板夾'實'，要'實'到就蒞爆但又未爆之間（嘩！好玄呀！），跟住同你影相（照死光）．．．如果我痛到暈左，姑娘會水潑醒我，或者摑醒我囉！
同事：痴線！
我：真係好鬼死痛架！呀！吾想去覆診呀！
咁，當然，時辰到，我都係死死地氣準時到醫院報到啦！
見到張姑娘．．．
我：張姑娘！
張姑娘：Hi!
親愛的：（剛剛行入蒞）張姑娘！
張姑娘：呀！又係你呀！（即係認得親愛的）
我：而家都仲係，遲ｄ睇下有無得換啦！
張姑娘：（你隻衰野ar！）
等左好耐，姑娘做低左四五個之後，到我啦！
先係右面，然後左面；跟住右側面，左側面；再蒞多個上面．．．我張張都交足貨架，我有對鏡頭笑架！
影完著好衫到外面等．．．
等左一陣．．．
姑娘：小黃菊，你要加照呀！入蒞除衫啦！
我：吓？咁大鑊？點解呀？
姑娘：ｍ．．．照到你有鈣化點呀，不過好多人都有囉．．．
即時諗：鈣化點．．．即係有異常，有腫瘤，好似仲要係惡性先會出現鈣化點．．．定係個'鬆'生左隻牙呀？咁，今年無去荷蘭睇花展，出年會吾會無機會呀？咁係咪要辭工呀？玩下先再落場得吾得呀？係咪又要化療呀？有無第二ｄ揀呀？又跨欄？咩原來有千五米欄架？
除衫，再照幾張，著番衫後，姑娘話要再照多幾張，又要除衫．．．
總共照左十九幾張．．．
出到去．．．
姑娘：（打開門）你吾走得住喎，醫生send左野蒞叫你去照埋超聲波喎！
我：吓，我十二月尾先照完喎，又照（咁抵？）？
姑娘：係呀，你坐低等一陣啦！
一回頭，親愛的已經喊緊．．．
我：（嘩！會吾會開心得早左小小呀？咁快想換老婆？）ｍ．．．都未有事．．．照埋睇下點先啦！（er.......到底係邊個有事呀？仲要我安慰佢，以後吾帶佢蒞啦！）
照超聲波時，個女醫生照左好耐，跟住仲要加多個年紀大好多，好似好有經驗既醫生．．．總之又照左好耐啦！
著衫時．．．
我：咁，係咪跟返覆診時間呀？
姑娘：係呀！
我：有問題既話會收到電話？
姑娘：係呀！
我：兩個星期左右？
姑娘：係呀！
又等電話，又等個電話吾好響起．．．
警告：以下事件全部屬實，如有笑死，閣下自理！
某一年，任教二年班的中文；
有一篇作文的課題是－－－－我的媽媽
我：同學，有無人吾知媽媽叫咩名架？
一二三四五六七八九隻手舉起上蒞．．．
我：咁．．．嗱，今日返屋企記住問下媽咪叫
咩名喎！
同學們：哦！
第二日．．．
又係我：同學知道媽咪叫咩名未呀？
都仲係有四五六隻手舉起．．．
都係我：咁．．．其實你地可以喺手冊度噚到媽媽
個名架噃！
同學們：哦！
結果，我收到以下一篇作文：
我的媽媽叫陳太．．．
有一年，同事收到以下呢份考試卷．．．
有一天，我和媽媽到ＸＸ去，在Ｘ上，我們見到一個老皮皮，老皮皮在Ｘ着ＸＸ，我們見到，馬上走上前去Ｘ老皮皮，我ＸＸＸ，媽媽ＸＸＸＸＸＸＸ，後來媽媽和我ＸＸＸＸＸ，ＸＸＸＸＸＸＸ，老皮皮說：ＸＸＸＸＸＸ，ＸＸＸＸＸＸＸ，ＸＸＸＸＸＸＸＸＸＸＸ，ＸＸＸＸＸＸＸＸ，最後，ＸＸＸＸＸＸＸ！
成篇都媽媽ＸＸ．．．
近排，忙．．．
試後入分（幾十萬樣勁複雜極抽象的各項進展性評估分，考試分．．．）；
填寫各項試後表格；
試後各科組的長途會議（校務會議，校支組，英文科，常識科，數學科，視藝科．．．）；
編寫進度；
設計英文科寫作工作紙；
編寫全方位教材（包括開會，powerpoint，教學流程，工作紙，活動安排．．．）
帶隊比賽（籃球，舞蹈，兩星期內出了三次比賽兩次表演．．．）
視藝科要安排學生作品參展．．．
前個星期五，放學後連開四個全方位教學會議，結果，右面肩頭打上抽筋至右面大腦－－－－名副其實"痴"孖筋．．．
星期一至五，最基本的朝六晚六；
有時/常常，還要在home office加班．．．
上星期日，帶學生外出表演．．．
這個星期六，帶學生到電視台表演；
這個星期日，黃昏時帶學生外出比賽至晚上十時－－－－第二天，還是要朝早六時正爬起來穿帶整齊上班去．．．真係想請事假（因累請假一天＾＾）
上星期一連幾天，工作至夜深；
終於，上星期四晚上，我完成左一個powerpoint，第二個ppt 做左一半時（大概十二點左右啦！），嘩啦嘩啦地一吐而快－－－－真係做到嘔！
我視之為燒fuse．．．
最後，都係做多４５分鐘就瞓啦！都叫做完成左大半啦．．．
多項選擇題：
點解小妹會跳掣燒fuse(嘔)呢？
Ａ 因為身體弱左好多
Ｂ 咁做法，超人都死
Ｃ 天讉
Ｄ 犯賤
By the way, 近排個腦真係吾夠ＲＡＭ用，好多字都吾記鬼得點寫，吾好話英文（complicated都吾記得點串，要查字典．．．），連中文都吾識（吾記得 "複雜" 個 "複" 字，硬係以為係 "復雜" 或者 "覆雜"．．．仲有 "筋" "痴" "掣" 字都吾記得點寫．．．），呢篇blog寫左我個半鐘（平時１５分鐘就ＫＯ啦！），咁既水平教書，真係呃飯食．．．
吾緊要啦！做晒以上事務性既工作，都無咩可能有時間教好Ｄ書架啦！
