祝大家花開富貴

事事如意

大吉大利
身體健康
一切都順順利利
年初五(1月30日星期五)下午約左白兔太太唱K,有無blog友有時間想一齊去呢?留言啦!到時記住著多件衫,因為我會開聲唱...
比起未病之前,而家忙左好多...
早上起身後,要做多好多野至出得門口,所以日日都好蚊水至返到學校
以前淨係梳洗就出得門口,而家...要加埋做防水腫運動,帶假髮(最麻煩,成日都吾係好滿意,要搞好耐!),畫眉(最難!),砌花茶,煮早餐(因為吾想再係外面食,無咩益!),食早餐...
返到屋企,除左日常要做既野之外,仲要煮食,梳頭(小英成日都好吾聽話!),做防水腫運動,炙手,煲藥...所以而家都無咩時間做運動!
返學最富挑戰性既既,除左體力之外,就係要帶住小英...又熱又焗又辛苦,成日吾為意咁就住就住,搞到頸梗膊痛...
其實打完第五針化療,已經開始出頭毛;但係出左幾個月,都係得幾mm!
打晒八針既第三個星期,d頭毛真係出多左,出密左,出快左!
而家,已經有1cm左右啦!
就連d眼眉毛都有d起色,開始標返出黎啦!
所以近呢幾日,條眉吾使畫咁多啦,因為已經開始有眉目啦!
返左工兩個幾禮拜,都算適應得吾錯;上星期仲帶左學生外出比賽

由於要幫學生整頭化妝,仲要整成廿個學生,仲比d髮夾整傷左隻壞手...所以隻手都好傷下
其實今年已經好好多,有多一位同事一齊做,又有導師同家長幫手----往年比賽或表演都係得我一個人一腳踢咋...
但係,返到學校都好鬼攰...
到左夜晚,已經覺得隻手有d痺;第二日晨早五點幾隻手痺到我死左...呀吾係,係醒左
嗱嗱聲做下去水既運動,都要成個鐘d痺痛先散緊d
跟住成日都痺痺痛咁...
跟住個幾日都仲有d痺...
呢幾日,連另外隻手都痺埋...
咁即係吾關傷口事啦!應該係攰姐,抖下應該會好好多既...
昨日去左廣華見物理治療師,佢叫我要努力d按下條刀疤,要按鬆佢,否則電療時成個範圍都會鈣化,到時會好麻煩...
點麻煩呢?我諗...會變岩石胸啩...咁咪吾洗怕地心吸力囉?
治療師話我有80分,可以做完電療至再覆診!
我話我會手痺,佢又教左我做d舒緩既動作----雙手擺頭後,手踭向前後擺動
晚上同blog友食飯,過左一個好吵耳好開心既夜晚...
雖然尚未完成療程就返工會辛苦d,但生活就精彩好多,開心好多!
完成化療已經一段日子,手術又做完,係時候睇睇中醫調理下啦!
妹妹係元朗睇過個中醫,好似幾好咁,後來聽人講佢都好出名下,所以星期六去左睇,試下夾吾夾我...
醫師:面色幾好喎,有無涂粉呀?
我:無呀!
醫師:(把脈)係咪好攰呀?
我:返左工攰d...
醫師:咁叻,仲返工添?
我:化療完想試下仲得吾得...
醫師:化療無丟頭髮咩?
我:假髮黎架...(明氹我姐)
醫師好細心,人又好好,有個年紀好大既婆婆睇醫生,佢扶出扶入,又吾收診金,藥費又收得好平好平----其實藥費係藥材鋪收既,所以鋪頭d人都好好...
醫師教我:
1.每日一餐以生薏米當飯食,對醫我呢個病好好
2.化療時打既針會令血管受傷,摸落去會硬d既
(佢吾講我都吾覺),可以去國貨公司買盒無煙
艾草薰下手肯,每日廿分鐘左右,d血管自然
會軟返,就吾會咁易手痺

1.艾草----以兩計,吾係呢隻;
艾條----4至5蚊,好大煙,最好吾好揀;
無煙艾草----30蚊左右,一盒有5條
2.樽仔----我用玻璃樽
3.蠟燭
4.點著蠟燭,用蠟燭既火點艾條,然後灸至皮膚潮紅,約廿分鐘
5.將未用完既艾條放入樽內扭緊,留待下次再用
每個人睇野既角度都吾同,好多時,年齡,性別,都會令大家既睇法有好大分別
單單就 ' 偽振 ' ' 慾女 ' 事件,就有好大分歧,有時真係諗吾到原來d男仔會咁諗架...
S----廿歲出頭,學生
F----廿歲出頭,就業中
親愛的----三十出頭有多,就業中
吾知講開咩...
親愛的:慾女既身材又真係一流呀!
F:係囉,幾索呀!
S:梗係揀個後生架啦!爭廿年喎,結果偽振都係揀
左錢...
親愛的:阿玉女身材都好好架!佢以前著個D衫
都迫爆架喎!
S:年紀差咁遠!
親愛的:咁又係...
原來新一代男仔會咁諗...
美人同英雄一樣,都係怕遲暮既...
我既睇法係,最衰嗰個係擺慾女上枱宣傳既尖睡聞----咁樣黎蝦一個女仔,最無品!
當然,D傳媒就緊係無良心啦!不提也罷!
其實個慾女都無做過咩姐,只不過同個中年男人做下朋友,POST下D相同D朋友分享下;我相信有關佢挑戰肉女,威脅要自殺呀咁,都係比人砌架姐...
咁當然,佢就梗係吾係小白兔啦,只係有D貪威識食,跟人去D爛鬼記者會所就當自己係上流人士既靚妹囉(你睇佢咁都要自拍留念就知啦);佢樣貌吾差,身材吾錯,性...格又隨和,我係男人都吾介意同佢做朋友啦!
至於偽振,我從來都吾覺佢有咩才情囉,讀緊中學時都有睇佢係日出報紙寫既專欄,印象中,吾覺佢有文筆囉,觀點又吾特別,但就特別嘩眾取寵;後來仲攪埋本爛鬼年青人雜誌,起初都幾有point既,後來就梗係越來越不知所謂啦!都吾明點解d人叫佢做才子,睇佢最近兩封公開信都吾覺佢有文采囉,同d中學生差吾多...
我又吾係好明點解d人會鬧爆阿玉女?其實,我從來都吾覺得佢係小白兔囉,但如果佢係影衰d女人既話,咁個d三姨太,四姨太,一號女朋友,二號助手咁,又點計呀?d姨太仲誇張到做埋保良局總理添...都吾知點保良,係咪即係有錢就得?個道德標準可以因而降低D?
真係每個人既思維方式都吾同...
未病之前好少追香港既電視劇集,因為好怕d男女主角性格完美,一定係好人,人地一定吾夠佢好,好人到成個白痴咁...
所以個d唐深瘋步呀,伙無王沙呀,都無睇過...
病左之後,吾洗返工,唯有定時定候睇下電視,追下劇,打發下d時間...
但都吾係咩野劇都睇,好似個d東咩野關,西咩野情;click入咩野屋咁,都無咩興趣,可以關電視,清靜下...
而家追緊既係豬光保器...
因為二家姐個角色真無寫得好爛下,直頭係精神分裂:之前第一個老公有婚外情時,比第三者侮辱都吾肯放手;而家個老公又有錢又靚仔(好多人都係咁講,但我吾覺囉),一次疑似出軌就要生要死刀仔拮大肶;仲要三十幾歲曾失婚婦人成日一臉天真咁,成個白痴咁,見到就僧啦!你當自己白雪公主咩?
所以罷睇兩日...定三日...吾記得...
點知吾睇幾日,已經過左兩年(你話個劇本幾爛呢!),追吾上時,好在有朋友同我補課...其實係我地互相補課至真...
好難得可以外出午餐的日子...
我:無睇兩日啦!吾想睇阿二家姐呀,好在佢收山
咋...
F:係囉,阿媽認左咪算囉,又話要報警又盛咁,
好鬼煩呀!(係呢個追劇既情況之下,我地都
吾介意妨礙司法公正,現實就梗係吾得啦!)
我:咁佢最後有無報寸呀?
C:本來上左的士去警署,但阿媽係後面追到仆左
係度,跟住咪無囉!(又係咁爛,好在無睇,
否則一路睇一路鬧,真係影響病情呀!)
F:阿李C奇洗吾洗坐監呀?
S:要呀!六個月呀!
C:危險駕駛就吾洗,但佢係引致他人死亡,所以
要坐監呀!(我地既法律常識一係就因為自己
惹上官非,一係就蒞自電視...劇)
我:
C:嘩!你知吾知噚日話過左兩年啦?
我:吓?
C:二家姐去左西藏遊歷呀,去左兩年囉...(C
計緊時候)阿媽出左黎成年半啦!
O:點解呀三妹話晒事咁既?
C:係囉,吾知呀,今晚講囉...
F:我兩個禮拜無睇啦,點解呀四姨太會害呀宋
世萬既?
今次,輪到我同呢位同學仔補課,其他同學仔都有協助架...
同場加映,張紙宜事件...
S:佢男朋友真係好變態,做埋D咁既動作...
我:外國露下都吾奇姐...
S:成個人爬上佢個身度呀!
我:咁又激左D...
S:真係估吾到張紙宜咁平喎...
M:係囉,平時見佢著d衫都幾大架...
C:咁佢平時都吾係好大姐...
M:都有d野睇架,都吾係平到咁架?
我:咁,瞓低時又真係平d架喎...
S+C+M:嘩!佢吾係瞓低架,係爬低架,爬低
應該係最現架麻...
我:吓?咁...我切緊d都可能大過佢噃!
一班靚女說說笑笑,咁又一個LUNCH啦!都好開心架!
今天是到QE覆診的日子...
由於上兩個星期四都是公眾假期,因此很多人都要延至今天覆診,候診室都擠滿人,我等了差不多兩小時,5點幾至到我...真係辛苦晒d醫生同姑娘!
今日覆診的主要內容是:
1. 安排電療,醫生話要做25次;由於見醫生時已
經5點幾,其他人都收晒工,所以要聽日再去排
電療期...
2. 由於我的病理報告顯示我的PR受體呈陽性,但
又不是太強,只是moderate,所以醫生提議可以
服食五年Tamoxifen抗荷爾蒙藥,但又未至於必需
由於藥物都有副作用,我的受體指數只是一般,所以我是傾向不吃藥;但親愛的又擔心復發機會增加...他的心情馬上跌至谷底...