未掉頭髮之前，野心勃勃，諗住日日戴假髮，一口氣買左兩個假髮，所費不菲......
結果，由於天氣太熱，小英１號同２號出埸既次數，係少之又少.......
太難頂啦！見暈tim呀！
加上，我吾太介意人地既目光－－－－係囉！我係有病囉！仲吾讓個位比我坐？
所以，而家出街時，都係靠佢地......
Ｎ年前係泰國玩時，吾覺意買既，平（幾十蚊港銀），靚，柔軟舒適，包到個頭又吾見熱，而家，買吾返啦！
前兩次去泰國買既（係呀！我都去得好密架！），襯返我Ｄ粉紅Ｔ，百幾港銀啦！平過香港買，都幾型仔！但就遮吾晒個光頭......
前兩個星期係狗仔衫店買既，愛不釋手，因為可以遮掩晒無頭髮既地方，一般人直行直過，係吾覺我無頭髮架－－－－不過就吾平囉，折左都要２百幾
試過戴住佢入左買化妝品既地方，個店員仲介紹佢地既特價洗髮水套裝比我~~
親愛的拿拿淋拉我走，仲一面行，一面講：我老婆有名你叫長毛啦！．．．．．．其實我真係吾介意架！有無試用裝呀？
呢頂有水晶／定係膠珠既就貴啦！成三舊水咁制！
話說有一日約左姐妹係旺角食ｔｅａ，包住條巾出去，諗住去到戴返頂帽－－－－點知出到去先發現吾記得帶帽！
剛巧個排瞓吾到，精神面貌都差，為左吾想嚇親街坊，拿拿淋四出搜尋見得人既帽子，結果，呢頂都係勉勉強強咁啦！但係就好肉痛囉！
如果好熱，又要出街，會先以頭巾包頭，到左有冷氣既地方先至大挪移－－－－換返頂帽！
以下係我常戴既：
上年冬天去韓國時買既，一式兩款，有新舊既首爾地圖，由於係月下貨（Hi！ Seoul 係當地旅遊局既夏天宣傳口號），所以我都係响ｄ便利店ｄ吾起眼既地方尋寶咁找出黎，仲有特價ｔｉｍ
呢條就新鮮熱辣好多，係電車男由日本空運送到既，ｄ色好靚，襯到好多衫架，而且布質通爽柔軟，又夠大條，好好用架！
哇哇哇好多款呀!! @v@ 出街型到不得了啦呵呵
回覆刪除[版主回覆08/27/2008 20:03:00]都ｏ啦！
設備都好齊全
回覆刪除[版主回覆08/27/2008 20:03:00]成日心思思想出街，咪預備定多ｄ囉！
我出街都鐘意帶帽, 都有好幾款, 行街時會留意吓有冇靚帽, 係屋企鍾意帶頭巾, 舒服些, 我都有個幾靚假髮, 但好似你話齋, 熱到想暈!
回覆刪除[版主回覆08/27/2008 20:04:00]真係熱到無辦法呀！唯有靚少陣啦！
果然是同類人，我也是一點也不介意別人的目光，我自己開心咪得囉。 我諗咗個位比你，但目前有少少阻滯，明天再斡旋。
回覆刪除[版主回覆08/28/2008 17:44:00]柴房都吾緊要啦！
最緊要自己舒服同開心，其他人？話XYZ之佢啦！
回覆刪除[版主回覆08/28/2008 17:43:00]係呀!
很多款式 日日不同 公主一樣
回覆刪除[版主回覆08/28/2008 17:42:00](Empty)
都幾好看!
回覆刪除[版主回覆08/28/2008 17:42:00](Empty)
第一次來你個blog，祝你快d 好返，同埋全部都好靚喎。
回覆刪除[版主回覆08/28/2008 17:42:00]thank you so much!!
嘻嘻！我過去了的冬天，都買咗成十幾頂帽，多數係泠帽，連瞓覺都帶住，因為唔慣個頭涼浸浸，不過通常瞓到半夜，就唔見咗頂帽 ("luck"咗)！
回覆刪除你啲帽好型喎，夠潮！
[版主回覆08/30/2008 12:21:00]最初我都有包頭瞓，因為驚凍親個頭，後來都無啦！因為天氣真係好熱下！
包頭巾一定好型....
回覆刪除自己舒服就好..別人的眼光不用理會
那條 HI SEOUL 頭巾好有意思
[版主回覆08/30/2008 12:19:00]係呀！我都吾係好理人家既目光，最緊要自己舒服開心！
Hi Seoul兩條隻色都幾靚，都襯到衫架！
我覺得第一頂最舒服。最貴嗰頂潮爆！
回覆刪除想起以前自己買下來的、親友送來的帽，真的多到可以擺檔賣！
[版主回覆08/31/2008 03:26:00]嘩！古著都有市場架！
第一款好靚!!
回覆刪除我冬天時又係買左好多唔同款嘅冷帽, 不過成日都只係帶其中兩款, 而家仲有好多冷帽未剪牌添
[版主回覆08/31/2008 20:23:00]冷帽．．．有無頭髮都帶得啦！好快又到冬天架啦！