昨日終於打完晒ｄ白血球針啦－－－－連續７支
上次，有嘔，骨痛同發燒，仲要入院
今次好似好左小小，可能係因為有經驗啦！而且，都叫做適應左ｄ藥性
今次，都仲有骨痛，但就無上次咁嚴重－－－－半夜痛醒左
昨日，都好冤冤痛，所以忍吾到要食ｄ止痛藥
今早，都吾見痛啦！
只係痛左一日，真係好！
有小小發熱，出汗，但又未去到發燒
今次，都仲係嘔－－－－仲要係臨返奶奶屋企前勁嘔
都好呀！清左個倉，返到去可以食晒成碗粉！
而家，比起打針前，真係瘦左好多－－－－無左３０磅－－－－所以連奶奶都有ｄ起疑
好在我不嬲都係肥低，如果吾係，就真係得返ｄ骨啦！
醫生都話我瘦得緊要，叫我盡量食返多ｄ
但係，自己知自己事，根本就消化吾到，食多ｄ都無用，最後只會頂住個胃，成日吾舒服，甚至嘔吐大作
盡力而為啦！
３針３０磅，８針咪..............
應該吾會既！
奶奶好精明呀．
回覆刪除咁你要努力食多d，少食多餐，保持好d體質，食番十多磅回來，才可以瞞得輕鬆d，打仗都容易d啦.
[版主回覆08/11/2008 18:40:00]係囉！真係估佢吾到！
好在佢無發現我個假髮咋！下次要連戲，要帶返小英１號返去！
當你康復時，就有大把本錢瘋狂咁食...............實在太羨慕啦！ 如果我瘦三十磅，真係做 model 都有份！哈哈哈哈哈！
回覆刪除[版主回覆08/11/2008 18:38:00]其實，我仲有空間瘦落去架，你都知我幾有份量架啦！
瘦咗咁多，當做咗纎體啦，如果係修身公司做纎體，減三十磅咁多都要駛十幾二十萬架，你而家慳番，用嚟買吓營養品、補品，幾好吖！
回覆刪除總之一有胃口就要食食食.....
[版主回覆08/11/2008 18:37:00]計落又真係幾抵播！你真係好數口！
可以試下飲加營素增肥啦, 加拿大D醫生都叫癌症病人飲, 大約1星期可增1磅. 羅生時不時都飲,尢其食唔到同嘔果陣.
回覆刪除[版主回覆08/11/2008 18:36:00]我都有訂左Ｄ營養補充品，但你都知啦！飲到怕怕啦！而家剩係打完針個頭７日，食吾到野時至飲！
你地都要努力呀！
咪當減肥囉，第日好番，就有大把空間大吃特吃。 少食多餐啦，唔想食都要食少少，咁先有力打仗。
回覆刪除[版主回覆08/11/2008 18:33:00]而家既BMI又真係合標準，希望吾好瘦落去啦！而家有機會都會盡量食，而且而家比雀仔好好多，而家食量似貓仔，叻左啦！
去到標準體重， 就要keep 住啦！
回覆刪除[版主回覆08/11/2008 20:57:00]希望ｋｅｅｐ得住，吾好再瘦落去啦！
挨完啦
回覆刪除[版主回覆08/12/2008 18:26:00]係呀！好開心呀！
唔怪知得你話我“大胃口”好啦~...wow~瘦咗30lbs勁得滯...不過當免費瘦身~ ~但真係不要再瘦下去唷...要諗方法...有時飲那些營養品飲到好悶+反胃...我就會用飲管去飲...逐少去飲..感覺舒服得多..你可以試試..
回覆刪除打完白血球針應該好得多了~去吃喝玩樂啦~
一起努力~!
[版主回覆08/12/2008 18:26:00]打完白血球針又真係強好多，不過就有骨痛同嘔及發熱既副作用，要辛苦多幾日啦！都值既－－－－因為可以出街！
營養品．．．．．．唉！
飲下果汁, 開胃又有益! 加油!
回覆刪除[版主回覆08/12/2008 18:23:00]多謝！
要努力吃東西
回覆刪除[版主回覆08/12/2008 23:07:00]好努力架啦！
就當係纖體啦!
回覆刪除[版主回覆08/16/2008 08:45:00]好在呢幾日肥返Ｄ，如果吾係，第４針就難捱啦！
你好， 看了你部份 blog，能夠保持幽默，絕對是一劑良藥。
回覆刪除你飲唔飲到 ensure 等營養奶補充力量呀？
你是天主教徒嗎？我是，也是同路人。
共勉之！為你祈禱！
[版主回覆08/16/2008 20:59:00]你好！
我食吾到野時，先會飲果汁味既營養補充品，因為都吾係好接受到ｏｒａｌ ｉｍｐａｃｔ既味道
我雖然吾係一個好虔誠既天主教徒，但我相信天主會帶領我走前面既路
共勉之，今晚為你多唸一遍天主經和聖母經
祝早日康復!!!!
回覆刪除[版主回覆08/17/2008 11:45:00]謝謝！
我剛剛完成四次的化療，但我就重左廿幾磅，我原本都肥架喇， 重左咁多，真係好唔開心。 現在等緊電療呀。
回覆刪除[版主回覆08/17/2008 11:45:00]傻瓜仔，梗係肥左好過瘦左啦！肥左，即係話，你既本錢多左；瘦左，即係話，打仗既力量細左
所以，應該開心先真！