過左一個快樂聖誕，因為一連幾日，都有朋友送上門
首先係２４日平安夜，馬鞍山師奶同佢老公山長水遠黎左探我，仲買左個果籃黎．．．
另外，又送左個．．．你地估下係咩野黎？
係一個攬得又攤得既兩用咕筍．．．
２５號，又有舊生黎探我，我地仲一齊打邊爐添．．．當然，我好乖咁食我既豬肉同菜啦！
收到珍珠頸鍊，係佢地送既生日禮物．．．有心啦！
２６號，有同事同朋友來我家，大家一齊食野同打ｗｉｉ，最後，妹妹找來朋友幫我做物理治療－－－－打麻雀．．．
又收到禮物．．．
呢份係真豬既泡泡金魚，有薰衣草香味架！
呢份係小ｗｉｎｇ子既．．．
仲有雅麗絲既名貴花束．．．
同埋妹妹既豪華飾物演野組合．．．
仲有未知可以點玩既遊戲．．．啱四歲以上玩既，所以我都啱玩！
同場加映．．．出院時三姐送既大型杯麵．．．用黎放厠紙既
轉眼間又一年，希望來年大家都順順利利，快快樂樂！
沒有留言:
張貼留言