去完藝術館，已經係黃昏啦！
尖東海旁已經淪陷為一比九十九：一個不（說）普通（話）人比九十九個普通（話）人
仔細ｄ觀察自由人：女既，個個個頭都係啱啱電完，簡直比人覺得係上午電完，下午黎旅行；男既，吾洗講，一定係晨咁早起身，花幾個鐘頭時間吹靚個頭．．．
佢地都好重視呢次既旅行：著最好既鞋，最好既套裝，化最好既妝，帶最好既手袋
諗返起我同親愛的去旅行，過份到踢對拖鞋就過海關，波鞋都無對；ｄ衫有咁爛得咁爛，去到著完可以丟；一概物品都係用淨小小至帶去，最好可以用完留低，吾洗帶返香港；化妝？吾好玩啦！求其個貓樣嚇吾死人咪算囉！
見到佢地開心，我都好開心；又搞到我心思思想去旅行
之後，入左星星咖啡店坐一陣，抖一抖
Iced Chocolate Paradise，咖啡以外另一選擇
聖誕燈飾出籠啦！
之後，Shopping Queen比妹妹急call左去血拼．．．苦戰至晚上九點幾，死傷慘重．．．
沒有留言:
張貼留言