祝大家花開富貴
事事如意
大吉大利
身體健康
一切都順順利利
2009年1月22日 星期四
復二札記．．．有眉目
年初五(1月30日星期五)下午約左白兔太太唱Ｋ，有無blog友有時間想一齊去呢？留言啦！到時記住著多件衫，因為我會開聲唱．．．
比起未病之前，而家忙左好多．．．
早上起身後，要做多好多野至出得門口，所以日日都好蚊水至返到學校
以前淨係梳洗就出得門口，而家．．．要加埋做防水腫運動，帶假髮（最麻煩，成日都吾係好滿意，要搞好耐！），畫眉（最難！），砌花茶，煮早餐（因為吾想再係外面食，無咩益！），食早餐．．．
返到屋企，除左日常要做既野之外，仲要煮食，梳頭（小英成日都好吾聽話！），做防水腫運動，炙手，煲藥．．．所以而家都無咩時間做運動！
返學最富挑戰性既既，除左體力之外，就係要帶住小英．．．又熱又焗又辛苦，成日吾為意咁就住就住，搞到頸梗膊痛．．．
其實打完第五針化療，已經開始出頭毛；但係出左幾個月，都係得幾ｍｍ！
打晒八針既第三個星期，ｄ頭毛真係出多左，出密左，出快左！
而家，已經有１ｃｍ左右啦！
就連ｄ眼眉毛都有ｄ起色，開始標返出黎啦！
所以近呢幾日，條眉吾使畫咁多啦，因為已經開始有眉目啦！
2009年1月21日 星期三
復工扎記
返左工兩個幾禮拜，都算適應得吾錯；上星期仲帶左學生外出比賽
由於要幫學生整頭化妝，仲要整成廿個學生，仲比ｄ髮夾整傷左隻壞手．．．所以隻手都好傷下
其實今年已經好好多，有多一位同事一齊做，又有導師同家長幫手－－－－往年比賽或表演都係得我一個人一腳踢咋．．．
但係，返到學校都好鬼攰．．．
到左夜晚，已經覺得隻手有ｄ痺；第二日晨早五點幾隻手痺到我死左．．．呀吾係，係醒左
嗱嗱聲做下去水既運動，都要成個鐘ｄ痺痛先散緊ｄ
跟住成日都痺痺痛咁．．．
跟住個幾日都仲有ｄ痺．．．
呢幾日，連另外隻手都痺埋．．．
咁即係吾關傷口事啦！應該係攰姐，抖下應該會好好多既．．．
昨日去左廣華見物理治療師，佢叫我要努力ｄ按下條刀疤，要按鬆佢，否則電療時成個範圍都會鈣化，到時會好麻煩．．．
點麻煩呢？我諗．．．會變岩石胸啩．．．咁咪吾洗怕地心吸力囉？
治療師話我有８０分，可以做完電療至再覆診！
我話我會手痺，佢又教左我做ｄ舒緩既動作－－－－雙手擺頭後，手踭向前後擺動
晚上同ｂｌｏｇ友食飯，過左一個好吵耳好開心既夜晚．．．
雖然尚未完成療程就返工會辛苦ｄ，但生活就精彩好多，開心好多！
2009年1月18日 星期日
中醫初診．．．紅燒豬手
完成化療已經一段日子，手術又做完，係時候睇睇中醫調理下啦！
妹妹係元朗睇過個中醫，好似幾好咁，後來聽人講佢都好出名下，所以星期六去左睇，試下夾吾夾我．．．
醫師：面色幾好喎，有無涂粉呀？
我：無呀！
醫師：（把脈）係咪好攰呀？
我：返左工攰ｄ．．．
醫師：咁叻，仲返工添？
我：化療完想試下仲得吾得．．．
醫師：化療無丟頭髮咩？
我：假髮黎架．．．（明氹我姐）
醫師好細心，人又好好，有個年紀好大既婆婆睇醫生，佢扶出扶入，又吾收診金，藥費又收得好平好平－－－－其實藥費係藥材鋪收既，所以鋪頭ｄ人都好好．．．
醫師教我：
１．每日一餐以生薏米當飯食，對醫我呢個病好好
２．化療時打既針會令血管受傷，摸落去會硬ｄ既
（佢吾講我都吾覺），可以去國貨公司買盒無煙
艾草薰下手肯，每日廿分鐘左右，ｄ血管自然
會軟返，就吾會咁易手痺
１．艾草－－－－以兩計，吾係呢隻；
艾條－－－－４至５蚊，好大煙，最好吾好揀；
無煙艾草－－－－３０蚊左右，一盒有５條
２．樽仔－－－－我用玻璃樽
３．蠟燭
４．點著蠟燭，用蠟燭既火點艾條，然後灸至皮膚潮紅，約廿分鐘
５．將未用完既艾條放入樽內扭緊，留待下次再用
2009年1月12日 星期一
Boys Talk
每個人睇野既角度都吾同，好多時，年齡，性別，都會令大家既睇法有好大分別
單單就 ' 偽振 ' ' 慾女 ' 事件，就有好大分歧，有時真係諗吾到原來ｄ男仔會咁諗架．．．
Ｓ－－－－廿歲出頭，學生
Ｆ－－－－廿歲出頭，就業中
親愛的－－－－三十出頭有多，就業中
吾知講開咩．．．
親愛的：慾女既身材又真係一流呀！
Ｆ：係囉，幾索呀！
Ｓ：梗係揀個後生架啦！爭廿年喎，結果偽振都係揀
左錢．．．
親愛的：阿玉女身材都好好架！佢以前著個Ｄ衫
都迫爆架喎！
Ｓ：年紀差咁遠！
親愛的：咁又係．．．
原來新一代男仔會咁諗．．．
美人同英雄一樣，都係怕遲暮既．．．
我既睇法係，最衰嗰個係擺慾女上枱宣傳既尖睡聞－－－－咁樣黎蝦一個女仔，最無品！
當然，Ｄ傳媒就緊係無良心啦！不提也罷！
其實個慾女都無做過咩姐，只不過同個中年男人做下朋友，ＰＯＳＴ下Ｄ相同Ｄ朋友分享下；我相信有關佢挑戰肉女，威脅要自殺呀咁，都係比人砌架姐．．．
咁當然，佢就梗係吾係小白兔啦，只係有Ｄ貪威識食，跟人去Ｄ爛鬼記者會所就當自己係上流人士既靚妹囉（你睇佢咁都要自拍留念就知啦）；佢樣貌吾差，身材吾錯，性．．．格又隨和，我係男人都吾介意同佢做朋友啦！
至於偽振，我從來都吾覺佢有咩才情囉，讀緊中學時都有睇佢係日出報紙寫既專欄，印象中，吾覺佢有文筆囉，觀點又吾特別，但就特別嘩眾取寵；後來仲攪埋本爛鬼年青人雜誌，起初都幾有ｐｏｉｎｔ既，後來就梗係越來越不知所謂啦！都吾明點解ｄ人叫佢做才子，睇佢最近兩封公開信都吾覺佢有文采囉，同ｄ中學生差吾多．．．
我又吾係好明點解ｄ人會鬧爆阿玉女？其實，我從來都吾覺得佢係小白兔囉，但如果佢係影衰ｄ女人既話，咁個ｄ三姨太，四姨太，一號女朋友，二號助手咁，又點計呀？ｄ姨太仲誇張到做埋保良局總理添．．．都吾知點保良，係咪即係有錢就得？個道德標準可以因而降低Ｄ？
真係每個人既思維方式都吾同．．．
2009年1月10日 星期六
Girls Talk...
未病之前好少追香港既電視劇集，因為好怕ｄ男女主角性格完美，一定係好人，人地一定吾夠佢好，好人到成個白痴咁．．．
所以個ｄ唐深瘋步呀，伙無王沙呀，都無睇過．．．
病左之後，吾洗返工，唯有定時定候睇下電視，追下劇，打發下ｄ時間．．．
但都吾係咩野劇都睇，好似個ｄ東咩野關，西咩野情；ｃｌｉｃｋ入咩野屋咁，都無咩興趣，可以關電視，清靜下．．．
而家追緊既係豬光保器．．．
因為二家姐個角色真無寫得好爛下，直頭係精神分裂：之前第一個老公有婚外情時，比第三者侮辱都吾肯放手；而家個老公又有錢又靚仔（好多人都係咁講，但我吾覺囉），一次疑似出軌就要生要死刀仔拮大肶；仲要三十幾歲曾失婚婦人成日一臉天真咁，成個白痴咁，見到就僧啦！你當自己白雪公主咩？
所以罷睇兩日．．．定三日．．．吾記得．．．
點知吾睇幾日，已經過左兩年（你話個劇本幾爛呢！），追吾上時，好在有朋友同我補課．．．其實係我地互相補課至真．．．
好難得可以外出午餐的日子．．．
我：無睇兩日啦！吾想睇阿二家姐呀，好在佢收山
咋．．．
Ｆ：係囉，阿媽認左咪算囉，又話要報警又盛咁，
好鬼煩呀！（係呢個追劇既情況之下，我地都
吾介意妨礙司法公正，現實就梗係吾得啦！）
我：咁佢最後有無報寸呀？
Ｃ：本來上左的士去警署，但阿媽係後面追到仆左
係度，跟住咪無囉！（又係咁爛，好在無睇，
否則一路睇一路鬧，真係影響病情呀！）
Ｆ：阿李Ｃ奇洗吾洗坐監呀？
Ｓ：要呀！六個月呀！
Ｃ：危險駕駛就吾洗，但佢係引致他人死亡，所以
要坐監呀！（我地既法律常識一係就因為自己
惹上官非，一係就蒞自電視．．．劇）
我：
Ｃ：嘩！你知吾知噚日話過左兩年啦？
我：吓？
Ｃ：二家姐去左西藏遊歷呀，去左兩年囉．．．（Ｃ
計緊時候）阿媽出左黎成年半啦！
Ｏ：點解呀三妹話晒事咁既？
Ｃ：係囉，吾知呀，今晚講囉．．．
Ｆ：我兩個禮拜無睇啦，點解呀四姨太會害呀宋
世萬既？
今次，輪到我同呢位同學仔補課，其他同學仔都有協助架．．．
同場加映，張紙宜事件．．．
Ｓ：佢男朋友真係好變態，做埋Ｄ咁既動作．．．
我：外國露下都吾奇姐．．．
Ｓ：成個人爬上佢個身度呀！
我：咁又激左Ｄ．．．
Ｓ：真係估吾到張紙宜咁平喎．．．
Ｍ：係囉，平時見佢著ｄ衫都幾大架．．．
Ｃ：咁佢平時都吾係好大姐．．．
Ｍ：都有ｄ野睇架，都吾係平到咁架？
我：咁，瞓低時又真係平ｄ架喎．．．
Ｓ＋Ｃ＋Ｍ：嘩！佢吾係瞓低架，係爬低架，爬低
應該係最現架麻．．．
我：吓？咁．．．我切緊ｄ都可能大過佢噃！
一班靚女說說笑笑，咁又一個ＬＵＮＣＨ啦！都好開心架！
2009年1月8日 星期四
病簿四十三......Tamoxifen的疑惑
今天是到ＱＥ覆診的日子．．．
由於上兩個星期四都是公眾假期，因此很多人都要延至今天覆診，候診室都擠滿人，我等了差不多兩小時，５點幾至到我．．．真係辛苦晒ｄ醫生同姑娘！
今日覆診的主要內容是：
1. 安排電療，醫生話要做２５次；由於見醫生時已
經５點幾，其他人都收晒工，所以要聽日再去排
電療期．．．
2. 由於我的病理報告顯示我的ＰＲ受體呈陽性，但
又不是太強，只是moderate，所以醫生提議可以
服食五年Tamoxifen抗荷爾蒙藥，但又未至於必需
由於藥物都有副作用，我的受體指數只是一般，所以我是傾向不吃藥；但親愛的又擔心復發機會增加．．．他的心情馬上跌至谷底．．．
2009年1月6日 星期二
不要太愛我
完成化療後，失眠的情況漸有改善；但隨之而來的，卻是噩夢連連．．．
原因是，我是一個很敏感的人，只要生活上有小小觸動，就會牽引我的情緒變化，潛意適便在夢境中反映出來．．．
因此，縱然失眠情況改善了，但我每天仍像國寶一樣．．．小心我會咬人．．．
首先，是開學的日子迫近時，夢見學生搗蛋，欠交功課．．．
前幾天，夢見有朋友也得病．．．
昨日，夢見親愛的投向他人懷抱．．．
這個他人，現實中是親愛的學生時代的女友，最近從美國回流（咁遲既？），又最近聯絡上，又又最近在親愛的生日時送上ｓｍｓ祝福．．．
夢中的我，叫他們好好相愛，好好生活；我會退出去，我會消失掉．．．
夢中的我，收拾細軟離開時，好想好想親愛的會把我留下；但又希望親愛的有更好的新生活，不用再活在我患病的陰影下．．．
現實中，有時我會不希望親愛的太愛我，若有天我要走了，他一定會很難受；所以，在夢中，我寧願他別有懷抱，到時，可以忘記傷痛，開展快樂的新生活．．．
現實生活中，我希望我不在時，大家可以忘記我．．．
我不用葬禮－－－－這種親者痛，仇者快的場面．．．
我也不用有墓碑 ，因為．．．
I AM NOT THERE
Do not stand at my grave and weep;
I am not there. I do not sleep.
I am a thousand winds that blow.
I am the diamond glints on snow.
I am the sunlight on ripened grain.
I am the gentle autumn's rain.
When you awaken in the morning's hush,
I am the swift uplifting rush
of quiet birds in circled flight.
I am the soft stars that shine at night.
Do not stand at my grave and cry;
I am not there, I did not die.
只要記住我們曾經大笑至抽搐，曾經會心微笑，曾經撕殺，曾經吵鬧，曾經．．．的日子就已經夠了
之後，我希望大家的生活都幸福快樂，能夠感受到－－－－活着多好
遊玩時開心一點不必掛念我
來好好給我活著就似最初
仍然在呼吸都應該要慶賀
2009年1月5日 星期一
2009年1月1日 星期四
帶着刀疤上學去
今日是開學的大日子！
雖然尚有電療未做；
雖然，我仲有兩條刀疤係胸口前同腋下；
雖然，傷口仲有小小痛，仲有小小扯；
但係，已經休息左半年，電療排期又需時，所以決定試下返下工，適應下先．．．
今日正式返工，正式入課室見學生，情況比想像中好－－－－因為好多過來人都話療程後既體力會大不如前，所以都有ｄ擔心自己會應付吾到．．．
亦都擔心自己回左糖，吾識教書．．．
結果，ｄ學生都好可愛
結果，上堂既情況都仲見得下人
難為我發左幾日噩夢，都係學生吾聽話，搗亂，收吾齊功課．．．
今日除左係開學大日子，仲係做左手術兩個星期，所以要早退去廣華醫院覆診，檢查傷口．．．
我：點解個刀疤度有ｄ麻麻痺痺咁既？
姑娘：依？有ｄ腫喎！係ｄ液體黎既，（比較兩邊之後．．．）仲大過另外一邊添，不過佢都吸收緊架啦，遲ｄ會有小小凹．．．
我：吓？（咁咪要去韓國走一轉？）
姑娘：個手術做得好靚喎，傷口都埋得幾好，隻手
遞吾遞得高呀？
我：得呀，我今日仲遞高手寫黑板添呀！
姑娘：吓？你今日返工嗱？
我：係呀！仲自己揸車返工添呀，叻吾叻呀？
姑娘：咁你情況都幾好噃，一陣教埋你做個繩操啦
，等你吾洗請假黎多次．．．
覆完診，行左落油麻地買Jenny Cookies比同事食，
跟住返學校；
跟住放學；
跟住做埋ｄ野都五點啦；
跟住仲同同事去ｔｅａ；
跟住ｓｈｏｐ左一陣；
跟住返歸都已經八點啦；
跟住仲玩埋同事介紹Facebook 裏面既Pet Society...
雖然體力無以前放左學可以shopping五個鐘，或者唱Ｋ三個鐘咁好，但應該都還可以既．．．
希望電療之後，仲可以有而家咁既體力，已經心滿意足啦！
訂閱：
意見 (Atom)