2009年1月6日 星期二

不要太愛我

完成化療後,失眠的情況漸有改善;但隨之而來的,卻是噩夢連連...


 


原因是,我是一個很敏感的人,只要生活上有小小觸動,就會牽引我的情緒變化,潛意適便在夢境中反映出來... 


 


因此,縱然失眠情況改善了,但我每天仍像國寶一樣...小心我會咬人...


 


首先,是開學的日子迫近時,夢見學生搗蛋,欠交功課...


 


前幾天,夢見有朋友也得病...


 


昨日,夢見親愛的投向他人懷抱...


這個他人,現實中是親愛的學生時代的女友,最近從美國回流(咁遲既?),又最近聯絡上,又又最近在親愛的生日時送上sms祝福...


夢中的我,叫他們好好相愛,好好生活;我會退出去,我會消失掉...


夢中的我,收拾細軟離開時,好想好想親愛的會把我留下;但又希望親愛的有更好的新生活,不用再活在我患病的陰影下...


現實中,有時我會不希望親愛的太愛我,若有天我要走了,他一定會很難受;所以,在夢中,我寧願他別有懷抱,到時,可以忘記傷痛,開展快樂的新生活...


 


現實生活中,我希望我不在時,大家可以忘記我...


我不用葬禮----這種親者痛,仇者快的場面...


我也不用有墓碑 ,因為...


 


I AM NOT THERE


Do not stand at my grave and weep;
I am not there. I do not sleep.
I am a thousand winds that blow.
I am the diamond glints on snow.
I am the sunlight on ripened grain.
I am the gentle autumn's rain.
When you awaken in the morning's hush,
I am the swift uplifting rush
of quiet birds in circled flight.
I am the soft stars that shine at night.
Do not stand at my grave and cry;
I am not there, I did not die.


 


只要記住我們曾經大笑至抽搐,曾經會心微笑,曾經撕殺,曾經吵鬧,曾經...的日子就已經夠了


之後,我希望大家的生活都幸福快樂,能夠感受到----活着多好


遊玩時開心一點不必掛念我


來好好給我活著就似最初


仍然在呼吸都應該要慶賀


2009年1月5日 星期一

無頭東宮上學去

今日係開工既第二日,亦係正正式式吾早退,上足咁多堂,仲要代埋堂既一日...


 


體力,還可以,只是放學時有d攰,所以速速回家抖抖...


 


最吾習慣既,係要長時間帶住個小英二號----我個假髮...


 


可能不自覺咁會用個頭就住就住,所以頭,頸,肩都好鬼攰...


 


最慘既係,d頭髮成鬼日打結,攪到成個癲婆咁,又要成日玩無頭東宮----除左個頭落黎梳...


 


我已經落重手左護髮素,前幾日仲買左順髮噴霧,效果都係一般...


 


睇黎,要同小英二號焗下油至得...


 


可喜既係:d學生都無懷疑我d頭髮係假既----係我未露出破綻呢?還是d學生吾夠觀察力呢?


 


 


 


 


2009年1月1日 星期四

帶着刀疤上學去

今日是開學的大日子!


雖然尚有電療未做;


雖然,我仲有兩條刀疤係胸口前同腋下;


雖然,傷口仲有小小痛,仲有小小扯;


但係,已經休息左半年,電療排期又需時,所以決定試下返下工,適應下先...


 


今日正式返工,正式入課室見學生,情況比想像中好----因為好多過來人都話療程後既體力會大不如前,所以都有d擔心自己會應付吾到...


亦都擔心自己回左糖,吾識教書...


結果,d學生都好可愛


結果,上堂既情況都仲見得下人


難為我發左幾日噩夢,都係學生吾聽話,搗亂,收吾齊功課...


 


今日除左係開學大日子,仲係做左手術兩個星期,所以要早退去廣華醫院覆診,檢查傷口...


 


我:點解個刀疤度有d麻麻痺痺咁既?


姑娘:依?有d腫喎!係d液體黎既,(比較兩邊之後...)仲大過另外一邊添,不過佢都吸收緊架啦,遲d會有小小凹...


我:吓?(咁咪要去韓國走一轉?)


姑娘:個手術做得好靚喎,傷口都埋得幾好,隻手


   遞吾遞得高呀?


我:得呀,我今日仲遞高手寫黑板添呀!


姑娘:吓?你今日返工嗱?


我:係呀!仲自己揸車返工添呀,叻吾叻呀?


姑娘:咁你情況都幾好噃,一陣教埋你做個繩操啦


   ,等你吾洗請假黎多次...


 


覆完診,行左落油麻地買Jenny Cookies比同事食,


跟住返學校;


跟住放學;


跟住做埋d野都五點啦;


跟住仲同同事去tea;


跟住shop左一陣;


跟住返歸都已經八點啦;


跟住仲玩埋同事介紹Facebook 裏面既Pet Society...


 


雖然體力無以前放左學可以shopping五個鐘,或者唱K三個鐘咁好,但應該都還可以既...


希望電療之後,仲可以有而家咁既體力,已經心滿意足啦!


 


 


 


 


 


 


 


 


2008年12月31日 星期三

病簿四十二......病理報告

前兩日收到電話,叫我今日返去廣華見醫生,睇下個病理報告


結果,親愛的失眠左兩日...


 


因為如果個報告吾靚----


1. 個瘤切吾清,要開多一刀,將成個乳房切左去;


2. 切出黎既淋巴經化驗後有癌細胞,又要開多一刀,


 切走兩排淋巴


如果個報告靚,就排期等電療


 


結果...


顧問醫生:都同你切左好多,有10cmx7cmx4cm


    (嘩!成個拳頭咁大?),因為個化療都


     好理想(無白捱啦!),切出黎既細胞


     都找不到癌細胞;淋巴都找不到有擴散


    (咁筍?即係吾洗開多刀啦!)


親愛的:咁即係第幾期呀?


我:係囉!要知道第幾期黎招呼下d親戚朋友呀!


  d人成日問架!(護士小姐係度笑)


顧問醫生:因為初初時有成4cm,個時就第二期


     左右啦;而家都無癌細胞,咪無囉!


    (呀施主咁玄既?)


 


我:咁我洗吾洗食藥呀?我係咪屬於三陰性呀?係


  咪難醫d架?


顧問醫生:你吾係三陰性呀!你聽邊個講話你係呀?


我:私家醫生...


顧問醫生:你ER同HER2係Negative,但PR係


     Positive,但就吾係好強囉,所以個情況都


     係邊緣囉,介乎食同吾食之間,聽返QE


     醫生既意見再決定啦!


我:咁覆發機會大吾大呀?


顧問醫生:(計計下)因為最初個瘤都有成4cm,


     兩成度啦!


 


總之,放下心頭大石啦!


因為排期做電療都要排個幾月,所以過左年,要試下開工啦!睇下自己仲適吾適應到繁忙既校園生活!


各位同事,1月2日見啦!多多指教啦!


 


 


 


 


 


 


 


2008年12月29日 星期一

昂平360

九十幾年無去大嶼山既寶連寺...


 


想當年係大嶼山工作時,間吾中都會去當時尚在興建中既大佛睇睇;但大佛開光後,就未有去過啦!咁又十幾年!


 


今日心血來潮,去走走;剛巧住在青衣的朋友有空(被我迫出空來...),便結伴同行


 


如果天氣好d,個景會靚d既...



 


佢地,令我諗起蒙羅麗沙天壇大佛...



 


途中,收到廣華既電話,叫我星期三去睇病理報告...希望無事,吾洗開多一刀啦!


 


 


 


 


 


 


 


2008年12月27日 星期六

聖誕很快樂

過左一個快樂聖誕,因為一連幾日,都有朋友送上門


 


 


首先係24日平安夜,馬鞍山師奶同佢老公山長水遠黎左探我,仲買左個果籃黎...



 


另外,又送左個...你地估下係咩野黎?


 


係一個攬得又攤得既兩用咕筍...



 


 


25號,又有舊生黎探我,我地仲一齊打邊爐添...當然,我好乖咁食我既豬肉同菜啦!


收到珍珠頸鍊,係佢地送既生日禮物...有心啦!



 


 


26號,有同事同朋友來我家,大家一齊食野同打wii,最後,妹妹找來朋友幫我做物理治療----打麻雀...



 


又收到禮物...


 


呢份係真豬既泡泡金魚,有薰衣草香味架!



 


呢份係小wing子既...



 


仲有雅麗絲既名貴花束...



 


同埋妹妹既豪華飾物演野組合...



 


 


仲有未知可以點玩既遊戲...啱四歲以上玩既,所以我都啱玩!



 


同場加映...出院時三姐送既大型杯麵...用黎放厠紙既



 


轉眼間又一年,希望來年大家都順順利利,快快樂樂!