未病之前，間吾中都會外遊
病左，身體太弱，出吾到外埠
親愛的在我最辛苦既日子，成日都氹我，話好番之後，同我去邊度邊度；而我自己亦都好渴望可以去外地，想去好多好多地方．．．
而家化療去到尾聲啦！反而會為左減少支出而刪減外遊既次數
但係，今日突然有一種想法：呢幾年可能係我收尾個幾年，一旦復發，一不可以外遊，二又有排辛苦，不如找緊時間，想去邊就去邊啦，玩左至算啦－－－－其實我不嬲都係咁，有得食好食，有得玩好玩，未有絕症時都當自己有病咁．．．
好似今年四月咁，明明知道胸部有硬塊，都去埋旅行先去睇醫生．．．
六月時，明明知道有癌症，都去埋台灣先做化療．．．
都係有今生，無來世，玩左至算
我都係架，有得食好今食，有得玩好玩，未有病都當自己有病。講真，今日唔知聽日事，點知會唔會有飛來橫禍。 至於你呢……捱多幾十年先講啦，有好多簿等你改，有好多衰仔等你教呀，仲有好多地方等你去……
回覆刪除[版主回覆11/18/2008 20:51:00]等我！一定等到我既！
出得泥行, 預左要還架啦! 講下講下, d 口吻好似黑社會咁既? 其實都岩架... 美國總統咪又係爛仔一名~~~ 無情白事又去打仗. d 銀行同賊一樣, 叫 d 員工呃阿婆買基金, 經濟一差就炒左人, 一 d 都唔講義氣, 仲衰過黑社會. 都係阿浩南哥夠義氣
回覆刪除[版主回覆11/18/2008 20:53:00]浩南哥吾夠義氣時無播出街姐
絕對同意!
回覆刪除先兄之前病情不太差沒有回港, 之後, 情況越來越壞, 最終是醫生不肯寫紙給他上飛機. 他很失望的樣子, 我一直沒有忘記.
及時行樂很重要, 開心, 達觀比天天擔憂好得多.
你身邊有關心你, 愛護你的人, 就是很幸福了.
加油!
[版主回覆11/18/2008 20:54:00]個人吾悲觀時都覺得自己幾幸福架！咁我都係間吾中灰下姐！
我想講既野下面兩位已經講左.........
回覆刪除[版主回覆11/18/2008 20:54:00]你都要玩多ｄ啦！
其實想要食-玩-買-go ahead就好,唔好諗咁多咁遠同咁灰la.咁樣係唔會加強說服力,只是係食玩買的時候加上了一份愁,唔抵ar~
回覆刪除[版主回覆11/18/2008 20:55:00]活在當下，好重要既！
Totally agree with U~~
回覆刪除Let's Go!!!
[版主回覆11/18/2008 20:50:00]大家都要開心多ｄ啦！
無錯，及時行樂．
回覆刪除[版主回覆11/18/2008 20:49:00]係架！
咁快點諗定去邊樹玩啦!
回覆刪除[版主回覆11/18/2008 20:49:00]得閒無野做呀！好過胡思亂想
及時行樂幾時都啱的, 我做完化療電療都打算去旅行 今日抽咗血, 醫生話非常好, 聽日打第四針 (第一針 T), 你係咪星期四打最後一針? 大家一齊努力加油!
回覆刪除[版主回覆11/18/2008 20:48:00]星期四見醫生，星期五先至打針
我亦覺得可以行得就要去玩,因此,我在化療時去過三次旅行,可以保持身心喜樂,加快康復時間呢
回覆刪除[版主回覆11/18/2008 23:18:00]你好強呀！化療都有本事去旅行！我都想架，但次次渡假都係去英國．．．女皇醫院，鬼叫我造吾到白血球咩！
我未病之前都係咁的囉....依家...更加想玩就玩~我還叫自己唔開心的就更唔好做...愈變愈任性囉~
回覆刪除[版主回覆11/18/2008 23:19:00]都吾係任性既，有人肯縱你咪得囉！
及時行樂 good 呀!我都要計劃去歐洲先!
回覆刪除及時行樂, 活在當下!
回覆刪除可以的話要善待自己, 盡量令自己開心點, 好過一點
回覆刪除無論有冇病，我哋都要活在當下......即係食死罷就，玩埋至走！
回覆刪除[版主回覆11/19/2008 20:42:00]食吾死，驚肥死咋！
都一早叫你去看中醫啦!這就是看與不看的分別!
回覆刪除[版主回覆11/19/2008 20:41:00]但係我識得有ｄ人，食左中藥，加速抗散，救吾番．．．我膽細，吾敢博
活在當下，及時行樂，仲要開開心心添
回覆刪除[版主回覆11/19/2008 20:40:00]大家咁話！
我都係咁話,做自己想做的事,食自己鍾意的食物,去自己喜歡的地方,今天不知明天事,可不快樂過呢.
回覆刪除你變左一個藥劑師喇
[版主回覆11/22/2008 20:48:00]係呀！蘇絲黃講齋：我點知自己幾時死架！
好番就去下旅行啦...
回覆刪除錢是用來花的...
都是有限錢...而且最近勁平...
韓圜好好使....就黎兌200
當奬勵自己呢一年抗病成功....
BE HAPPY..
好番就去下旅行啦...
回覆刪除錢是用來花的...
都是有限錢...而且最近勁平...
韓圜好好使....就黎兌200
當奬勵自己呢一年抗病成功....
BE HAPPY..
[版主回覆11/22/2008 20:50:00]可能會去韓國滑一之雪先做手術，因為做左手術之後，隻右手以後都吾可以用力，可能以後都吾可以再滑雪啦！
我又係一樣想法, 以前我唔係好享受旅行, 不過病完之後又想儘快去一啲未去過嘅地方, 好似非洲 SAFARI, 北海道, 澳洲紅石.........仲有好多, 不過又唔夠錢
回覆刪除最想去邊度玩？
回覆刪除