2008年8月10日 星期日

病簿二十......又打晒白血球針啦

昨日終於打完晒d白血球針啦----連續7支


上次,有嘔,骨痛同發燒,仲要入院


今次好似好左小小,可能係因為有經驗啦!而且,都叫做適應左d藥性


今次,都仲有骨痛,但就無上次咁嚴重----半夜痛醒左


昨日,都好冤冤痛,所以忍吾到要食d止痛藥


今早,都吾見痛啦!


只係痛左一日,真係好!


有小小發熱,出汗,但又未去到發燒


今次,都仲係嘔----仲要係臨返奶奶屋企前勁嘔


都好呀!清左個倉,返到去可以食晒成碗粉!


而家,比起打針前,真係瘦左好多----無左30磅----所以連奶奶都有d起疑


好在我不嬲都係肥低,如果吾係,就真係得返d骨啦!


醫生都話我瘦得緊要,叫我盡量食返多d


但係,自己知自己事,根本就消化吾到,食多d都無用,最後只會頂住個胃,成日吾舒服,甚至嘔吐大作


盡力而為啦!


3針30磅,8針咪..............


應該吾會既!


2008年8月9日 星期六

家中的Phyical----Wii Fit

因為成日都要留响屋企,所以運動量大減----想當日,學校有七層,日日上上落落,每日都可以健康一萬步;而家,雖然都係家住三樓無電梯,但係.......吾通光住個頭行上行落咩?真係怕嚇親d街坊呀!


幸好,我家有Wii!


 


每晚都會玩半個鐘頭Wii Fit,主要玩帶氧運動,好似踏板行樓梯,呼拉圈咁


雖然無一萬步,小小地,每日一千啦!



 


 



 


再玩多二千下呼拉圈----幫助消化呀!



 



 


而家都好有恆心咁日日做,打完針個頭7日就做吾到啦!中間個7日就做小小,尾7就做多d,吾係就真係驚自己發毛加生鏽!


但係,都係瞓得吾係幾好,要好夜先瞓到,又成晚醒


所以,而家個黑眼圈好大,真係同國寶有得比!


無法啦!留院時聽人講,有癌症既人係會瞓得吾好又吾多架啦!


睇黎,真係要試下去游下水先!


 


 


 


 


 


病簿十九......癌腫瘤既大小

癌小姐既大小.......


4月2日看私家醫生,以為係良性時,3cm


6月4日看政府醫生,診斷為癌症時,4cm


6月20日照PET後,腫瘤脹大至7cm


第一針之後,若為6cm


第二針之後,若為4cm


希望第三針後,會更細


希望吾洗打晒8針就畢業


因為第一二針太辛苦,所以都有同醫生商量,希望吾好再打AC----因為頭四針係AC,紅魔鬼


但醫生建議吾好,而腫瘤又真係細左,而家唯有繼續忍落去啦!


2008年8月7日 星期四

病簿十八......第三針化療後的第八天

雖然話第三針無第一二針咁辛苦,但其實,都真係要過左頭7天,先至會精神d!


所以,好多日無見啦!大家幾好嗎?


第四日開始,食吾到野,又見作嘔,又見過度活躍,又瞓吾到......


尤幸有醫生開既安眠藥同鎮定劑,可以頂一下----雖然都吾係話好得,但都無好似喪屍咁----如果好似第一二針咁,真係好難頂!


但凡係藥物,都有副作用.......


鎮定劑令我冒汗,發熱,累


安眠藥都未能令我安眠,全晚都只係可以小睡三兩小時,成日都要起身去洗手間,只覺天旋地轉,跌跌撞撞


昨日,都係食吾到野;今日,可以食返小小野啦!


呢幾日,雖然睇吾到書,玩吾到wii,但仍然慶幸可以睇到電視----雖然我對d家好月圓無咩興趣,但都算打發下時間啦!


明天,希望更有精神啦!


 


 


2008年8月3日 星期日

病簿十七......換左止嘔藥

第三針,無之前2針咁辛苦,原因:


1. 換左隻激素止痛藥連日間鎮定劑


2. 只係食流質既湯水,水果同營養品


3. 藥物影響,全日都累


4. 成日播住Kenny G既歌


5. 睇電視只看開心既


6. 幾日無出過家門一步----1步都無


7. 可能,比較能適應隻藥


8. 老公不離不棄


 


結果,而家只係有d頭暈,有d嘔,有d迷,有d累......比上兩次好好多啦!


希望今次吾洗再去英國渡假啦!


2008年8月2日 星期六

第三針既手信

 


收到好多禮物,仲五顏六色tim



 


由於大攬呢幾日過左有限使用日期,所以打針前,專登去旺角選宮


佢係大攬2號,負責晚上陪本宮既



 


日間就有五福小王子,大家分工合作



 


今日開始又要死過啦!


早上至下午,只敢飲營養品同食西瓜,因為怕反胃而嘔,又或者因為消化吾到而嘔或胃痛


老公家出左街買野煮湯我飲,希望飲到啦!


2008年8月1日 星期五

病簿十六......化療第三針啦

今日,又係受死既日子

又死完返黎......


 


0800 一早起身,食homemade三明治,心情好差,


   要老公氹


0830 出門口


1000 抽血,諗起個BLOG友既BLOG,忍吾住笑左


   出黎,心情,亦好番D 


   http://hk.myblog.yahoo.com/ah-yo


1030 到大哥屋企hea


1300 去旺角買野,老公食野


1430 到QE報到



1600 終於都到我見醫生啦!


 


由於呢隻藥對我既副作用真係無得頂呀!所以,同醫生商量下,有無方法等我可以安樂...........地打針



 


醫生:個肝都好番D,可以繼續打針



我:......(下刪300字,都係我D副作用果D啦),


  D副作用好緊要呀!好難頂呀!可吾可以吾打


  兩支AC,直接打T呀?


醫生:......(下刪50字,結果係吾得囉!)......如果你咁


   咁咁,我就開呢隻藥你啦!如果你點點點,


   就咁咁咁啦......(下刪300字,總之就貫徹西醫


   既宗旨----頭痛醫頭,腳痛醫腳啦!)你


   要打晒8針架!


我:鵝!


醫生:咁你可以出去等啦!


 


1430 好緊張,好吾開心,又諗起個BLOG,又開心


   返D;為左分散注意力,攞左卓韻芝既<低


   胸裙的戰爭>出黎睇


 


1700 打針房


我:等等......(攞左粒糖放入口)


醫生:呀!你地個個都有秘方過喎!


我:係上次個病友教我架,仲請我食左粒糖,我上


  次一打就嘔啦!


醫生:我認得你!


我:吓......今次我有準備呀!8點鐘食完三明治做早


  餐之後都無食過野啦!吾驚有貨係個倉度啦!


  醫生,你D老鼠仔出左黎未呀?


醫生:出晒黎啦!


我:咁咪好囉,吾洗去Physical勒!


 


1800 返歸食我今日既第二餐


1900 寫煲



 


然後,等個巨浪湧埋黎,我會用d藥頂頂佢!